പ്രശാന്ത് ഭൂഷന്‍റെ വിശദീകരണം സുപ്രീംകോടതി സ്വീകരിച്ചില്ല; പരാമർശങ്ങൾ കോടതിയലക്ഷ്യമാണോ എന്ന് പരിശോധിക്കും

ന്യൂഡൽഹി: മു​തി​ർ​ന്ന അ​ഭി​ഭാ​ഷ​ക​നും സാ​മൂ​ഹി​ക പ്ര​വ​ർ​ത്ത​ക​നു​മാ​യ പ്ര​ശാ​ന്ത് ഭൂഷണെതിരായ കോടതിയലക്ഷ്യ കേസിൽ അദ്ദേഹത്തിന്‍റെ വിശദീകരണം സുപ്രീംകോടതി സ്വീകരിച്ചില്ല. പ്രശാന്ത് ഭൂഷൺ നടത്തിയ പരാമർശങ്ങൾ കോടതിയലക്ഷ്യത്തിന്‍റെ പരിധിയിൽ വരുമോയെന്ന് പരിശോധിക്കണമെന്ന് അഭിപ്രായപ്പെട്ട കോടതി കേസ് അടുത്ത തിങ്കളാഴ്ച വീണ്ടും പരിഗണിക്കും.

ജസ്റ്റിസ് അരുൺ മിശ്രയുടെ നേതൃത്വത്തിലുള്ള ബെഞ്ചാണ് കേസ് പരിഗണിച്ചത്. 2009ൽ അന്നത്തെ ചീഫ് ജസ്റ്റിസ് എസ്.എച്ച്. കപാഡിയെയും മുൻ ചീഫ് ജസ്റ്റിസുമാരെയും രൂക്ഷമായി വിമർശിച്ചതാണ് കേസിനാധാരം. ഈ കേസിൽ അമിക്കസ് ക്യൂരിയായിരുന്ന ഹരീഷ് സാൽവേയുടെ റിപ്പോർട്ട് നേരത്തെ സുപ്രീംകോടതിയിൽ സമർപ്പിച്ചിരുന്നു.

2009ൽ പ്ര​ശാ​ന്ത്​​ഭൂ​ഷ​ൺ തെ​ഹ​ൽ​ക മാ​ഗ​സി​ന്​ ന​ൽ​കി​യ അ​ഭി​മു​ഖ​ത്തി​ൽ ​സു​പ്രീം​കോ​ട​തി ജ​ഡ്​​ജി​മാ​രെ അ​ധി​േ​ക്ഷ​പി​ച്ചെ​ന്ന്​ ആ​രോ​പി​ച്ചാണ് അന്ന് കോടതി സ്വമേധയാ കേസെടുത്തത്. തെ​ഹ​ൽ​ക മാ​ഗ​സി​ൻ മു​ൻ എ​ഡി​റ്റ​ർ ഇ​ൻ ചീ​ഫ്​ ത​രു​ൺ തേ​ജ്​​പാ​ലിനെതിരെയും കേസെടുത്തിരുന്നു.

​കേ​സി​ൽ ക​ക്ഷി​ചേ​ർ​ന്ന മു​തി​ർ​ന്ന അ​ഭി​ഭാ​ഷ​ക​നും പ്രശാന്ത് ഭൂഷന്‍റെ പിതാവുമായ ശാ​ന്തി​ഭൂ​ഷ​ൺ ത​നിക്ക് വി​ഡി​യോ കോ​ൺ​ഫ​റ​ൻ​സ്​ വ​ഴി വാ​ദി​ക്കു​ന്ന​ത്​ ബു​ദ്ധി​മു​ട്ടാണെന്നും സുപ്രീംകോടതിയിൽ നേരിട്ടുള്ള വാദം ആരംഭിക്കുമ്പോൾ കേസ് പരിഗണിക്കണമെന്നും അഭ്യർഥിച്ചിരുന്നു. എന്നാൽ സുപ്രീംകോടതി ഇത് അനുവദിച്ചിരുന്നില്ല.

പ്ര​ശാ​ന്ത്​ ഭൂ​ഷ​ൺ കഴിഞ്ഞ ​മാ​സ​മാ​ദ്യം ന​ട​ത്തി​യ ട്വീ​റ്റി​നെ​തി​രെയും സുപ്രീംകോടതി സ്വമേധയാ കോടതിയലക്ഷ്യ കേസെടുത്തിരുന്നു. ചീ​ഫ്​ ജ​സ്​​റ്റി​സ്​ എ​സ്.​എ. ബോ​ബ്​​ഡേ​യെ​യും മു​ൻ ചീ​ഫ്​ മു​ൻ ചീ​ഫ്​ ജ​സ്​​റ്റി​സു​മാ​രെ​യും സു​പ്രീം​കോ​ട​തി​യെ​യും അ​ധി​​േ​ക്ഷ​പി​ച്ചെ​ന്നാ​രോ​പി​ച്ചാ​ണ്​ കേ​സെ​ടു​ത്ത​ത്. ചീഫ് ജസ്റ്റിസ് എസ്.എ. ബോബ്ഡേ 50 ലക്ഷം രൂപ വിലയുള്ള ഹാര്‍ലി ഡേവിഡ്സണ്‍ ഇരിക്കുന്ന ചിത്രം ട്വിറ്ററിൽ പോസ്റ്റ് ചെയ്ത് നടത്തിയ പരാമര്‍ശമാണ് കേസെടുക്കാൻ കാരണം. വാദം പൂർത്തിയായ കേസ് വിധി പറയാനായി മാറ്റിയിരിക്കുകയാണ്.