'ഒരു കൂസലുമില്ലാതെ വെടിവെച്ചു വീഴ്ത്തി, ഇതുപോലെയൊന്നിന് മുമ്പ് സാക്ഷിയായിട്ടില്ല'; ട്രെയിനിലെ കൂട്ടക്കൊലയുടെ നടുക്കുന്ന ഓർമയിൽ ദൃക്സാക്ഷി

മുംബൈ: ഓ​ടു​ന്ന ട്രെ​യി​നി​ൽ റെ​യി​ൽ​വെ സുരക്ഷാ സേന കോൺസ്റ്റബിൾ എ.​എ​സ്.​ഐ​യെയും മൂ​ന്ന് മു​സ്‍ലിം യാ​ത്ര​ക്കാ​രെ​യും വെടിവെച്ചു കൊലപ്പെടുത്തിയതിന് ദൃക്സാക്ഷിയാവേണ്ടിവന്നതിന്‍റെ ഞെട്ടൽ മാറിയിട്ടില്ല കൃഷ്ണകുമാർ ശുക്ല എന്ന 41കാരന്. ജ​യ്പു​ർ-​മും​ബൈ സെ​ൻ​ട്ര​ൽ എ​ക്സ്പ്ര​സി​ലെ ബി5 കോച്ചിലെ അറ്റൻഡറാണ് ശുക്ല. ഈ കോച്ചിൽ വെച്ചാണ് ആ​ർ.​പി.​എ​ഫ് കോ​ൺ​സ്റ്റ​ബ്ൾ ചേ​ത​ൻ സി​ങ്ങ് തന്‍റെ മേലുദ്യോഗസ്ഥനായ എ.എസ്.ഐ ടിക്കാറാം മീണയെ വെടിവെച്ചു കൊന്നത്. തുടർന്ന് അടുത്തുള്ള കോച്ചുകളിലേക്ക് പോയി മു​സ്‍ലിം​ക​ളാ​യ മൂ​ന്നു യാ​ത്ര​ക്കാ​രെ തി​ര​ഞ്ഞു​പി​ടി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു. അസ്ഗർ അബ്ബാസ് ശൈഖ് (48), അബ്ദുൽ ഖാദർ മുഹമ്മദ് ഹുസൈൻ ഭൻപുർവാല (64), സയ്യിദ് സൈഫുല്ല (40) എന്നിവരാണ് കൊല്ലപ്പെട്ട യാത്രികർ.

തിങ്കളാഴ്ച പുലർച്ചെയുണ്ടായ കൂട്ടക്കൊലയെ കുറിച്ച് കൃഷ്ണകുമാർ ശുക്ല പറയുന്നത് ഇങ്ങനെ:- 'കൊല്ലപ്പെട്ട ഭൻപുർവാല ട്രെയിനിലെ സ്ഥിരം യാത്രക്കാരനാണ്. അദ്ദേഹത്തെ പരിചയുണ്ട്. ഞായറാഴ്ച രാത്രി ഏഴ് മണിയോടെ ഒരു ചായക്ക് അദ്ദേഹം ചോദിച്ചു. ഞാൻ വാങ്ങിനൽകി. സാധാരണയായി ബി5നും ബി4നും ഇടയിലെ അറ്റൻഡറുടെ സീറ്റിലാണ് ഞാൻ ഉറങ്ങാറ്. എന്നാൽ, സുഖമില്ല എന്ന് തോന്നിയത് കാരണം ബി5നും ബി6നും ഇടയിലെ സീറ്റിൽ പോയിരുന്നു.

പുലർച്ചെ അഞ്ചുമണിയായിക്കാണും വലിയ ശബ്ദം കേട്ടാണ് ഞാൻ ഉണർന്നത്. പൊട്ടിത്തെറി ശബ്ദം കേട്ടപ്പോൾ ഷോർട് സർക്യൂട്ട് ആകുമെന്നാണ് കരുതിയത്. ശബ്ദം കേട്ട ബി5 കോച്ചിലേക്ക് പോയി നോക്കി. ചേതൻ സിങ് റൈഫിളും കൈയിലെടുത്ത് നിൽക്കുന്നതാണ് കണ്ടത്. ടിക്കാറാം മീണ രക്തത്തിൽ കുളിച്ച് തറയിൽ വീണ നിലയിലായിരുന്നു.

ഏതാനും നിമിഷത്തിനകം ചേതൻ സിങ് തോക്കുമായി ബ4 കോച്ചിന് നേരെ പോയി. ഒരു യാത്രക്കാരൻ ഓടിവന്ന് ആർ.പി.എഫുകാരിൽ ഒരാൾ മറ്റൊരാളെ വെടിവെച്ചതായി പറഞ്ഞു. ഇരുവരും ഏറെ നേരമായി തർക്കത്തിലായിരുന്നുവെന്നും അതിനൊടുവിലാണ് വെടിവെപ്പെന്നും യാത്രക്കാരൻ പറഞ്ഞു -ശുക്ല വ്യക്തമാക്കി.

തോക്കുമായി പോയ ചേതൻ സിങ് തിരിച്ച് വരാതിരിക്കാനായി താനും മറ്റ് യാത്രക്കാരും ചേർന്ന് ബി6നും ബി5നും ഇടയിലെ വാതിൽ അടച്ചുവെന്ന് ശുക്ല പറഞ്ഞു. തന്‍റെ കോച്ചായ ബി5ൽ എന്താണ് സംഭവിക്കുന്നതെന്ന് നോക്കി. അൽപസമയത്തിനകം ചേതൻ സിങ് തോക്കുമായി തിരിച്ചെത്തി. ടിക്കാറാം മീണയുടെ മൃതദേഹത്തിനരികെ അഞ്ച് മിനിറ്റോളം നിന്നു. ഇതിന് ശേഷം ബി4ലേക്ക് ഇയാൾ കടന്നു. അവിടെവെച്ചാണ് അബ്ദുൽ ഖാദർ മുഹമ്മദ് ഹുസൈൻ ഭൻപുർവാലയെ വെടിവെച്ചത്. പാൻട്രി കോച്ചിലുണ്ടായിരുന്ന സയ്യിദ് സൈഫുല്ലയെയും എസ്6 കോച്ചിലുണ്ടായിരുന്ന അസ്ഗർ അബ്ബാസ് ശൈഖിനെയും വെടിവെച്ചു.

അപ്പോഴേക്കും ഞാൻ ആർ.പി.എഫിനെ ഫോണിൽ വിവരം അറിയിച്ചിരുന്നു. അവർ ട്രെയിനിലുണ്ടായിരുന്ന മറ്റൊരു ആർ.പി.എഫ് ഉദ്യോഗസ്ഥനായ അമയ് ആചാര്യയെ അറിയിച്ചു. അദ്ദേഹം എന്നെ ബന്ധപ്പെട്ടു. ആചാര്യ പാൻട്രി കോച്ചിനടുത്തായിരുന്നു ഉണ്ടായിരുന്നത്. എന്നോട് അങ്ങോട്ട് വരാൻ പറഞ്ഞു. എന്നാൽ പേടി കാരണം ഒരടി നീങ്ങാൻ സാധിച്ചില്ല' -കൃഷ്ണകുമാർ ശുക്ല പറഞ്ഞു.

ആറ് മണിയോടെ മിര റോഡിനും ദഹിസാർ റെയിൽവേ സ്റ്റേഷനും ഇടയിലായാണ് ട്രെയിൻ നിർത്തിയത്. പുറത്തിറങ്ങി രക്ഷപ്പെടാൻ ശ്രമിച്ച ചേതൻ സിങ്ങിനെ ഇവിടെവെച്ച് പിടികൂടുകയായിരുന്നു. '12 വർഷമായി ഞാൻ റെയിൽവേയിൽ ജോലി ചെയ്യുന്നു. ഇതുപോലൊരു സംഭവം ജീവിതത്തിൽ കാണുകയോ കേൾക്കുകയോ ചെയ്തിട്ടില്ല' -ശുക്ല പറഞ്ഞു.

ചേ​ത​ൻ സി​ങ്ങിന്‍റെ സ​ർ​വി​സ് തോ​ക്കി​ൽ​നി​ന്ന് 12 റൗ​ണ്ട് വെ​ടി​യു​തി​ർ​ത്ത​താ​യി പൊ​ലീ​സ് കണ്ടെത്തിയിട്ടുണ്ട്. ചേ​ത​ൻ സി​ങ് മു​സ്‍ലിം​ക​ളാ​യ മൂ​ന്നു യാ​ത്ര​ക്കാ​രെ തി​ര​ഞ്ഞു​പി​ടി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നുവെന്നാണ് റിപ്പോർട്ട്. ര​ക്ത​ത്തി​ൽ കു​ളി​ച്ചു​കി​ട​ന്ന മൃ​ത​ദേ​ഹ​ങ്ങ​ൾ​ക്കു സ​മീ​പം നി​ന്ന് ‘ഇ​ന്ത്യ​യി​ൽ ജീ​വി​ക്ക​ണ​മെ​ങ്കി​ൽ മോ​ദി​ക്കും യോ​ഗി​ക്കും മാ​ത്രം വോ​ട്ടു​ചെ​യ്യു​ക’ എ​ന്ന് പ്ര​തി പ​റ​യു​ന്ന വി​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

ഉ​ത്ത​ർ​പ്ര​ദേ​ശി​ലെ ഹാ​ഥ​റ​സ് സ്വ​ദേ​ശി​യാ​യ പ്ര​തി​ക്ക് മാ​ന​സി​കാ​സ്വാ​സ്ഥ്യ​മു​ണ്ടെ​ന്ന് സം​ശ​യി​ക്കു​ന്ന​താ​യാ​ണ് പൊ​ലീ​സ് കോ​ട​തി​യി​ൽ പ​റ​ഞ്ഞ​ത്. ആ​ശു​പ​ത്രി​യി​ലേ​ക്കു മാ​റ്റി​യ ഇ​യാ​ൾ ചോ​ദ്യം​ചെ​യ്യ​ലി​നോ​ട് സ​ഹ​ക​രി​ക്കു​ന്നി​ല്ലെ​ന്നും ആ​ക്ര​മ​ണ​ത്തി​ന്‍റെ പ്ര​കോ​പ​നം എ​ന്താ​ണെ​ന്ന് വ്യ​ക്ത​മാ​യി​ട്ടി​ല്ലെ​ന്നും പൊ​ലീ​സ് പ​റ​ഞ്ഞു. അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി റെ​യി​ൽ​വേ പൊ​ലീ​സ് ട്രെ​യി​നി​ലെ സി.​സി.​ടി.​വി ദൃ​ശ്യ​ങ്ങ​ള​ട​ക്കം പ​രി​ശോ​ധി​ക്കു​ന്നു​ണ്ട്.