Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസ്ഥലംമാറ്റം: മദ്രാസ്​...

സ്ഥലംമാറ്റം: മദ്രാസ്​ ഹൈകോടതി ചീഫ്​ ജസ്​റ്റിസ്​ വി.കെ. തഹിൽരമണി രാജിവെച്ചു

text_fields
bookmark_border
Vijaya-Tahilramani
cancel

ചെന്നൈ: സ്ഥലംമാറ്റ തീരുമാനം പുനഃപരിശോധിക്കണമെന്ന്​ ആവശ്യപ്പെട്ട്​ സമർപ്പിച്ച അപേക്ഷ സുപ്രീംകോടതി കൊളീജ ിയം തള്ളിയ പശ്ചാത്തലത്തിൽ മദ്രാസ്​ ഹൈകോടതി ചീഫ്​ ജസ്​റ്റിസ്​ വിജയ കെ. തഹിൽരമണി രാജിവെച്ചു. ഇവരെ മേഘാലയ ഹൈകോട തിയിലേക്കാണ്​ സ്ഥലംമാറ്റിയിരുന്നത്​. രാജിക്കത്ത്​ രാഷ്​ട്രപതി രാംനാഥ് ​കോവിന്ദിനാണ്​ അയച്ചത്​. പകർപ്പ്​ സ ുപ്രീംകോടതി ചീഫ്​ ജസ്​റ്റിസും കൊളീജിയം തലവനുമായ രഞ്ജൻ ഗൊഗോയിക്കും അയച്ചിട്ടുണ്ട്​. വെള്ളിയാഴ്​ച രാജിവി വരം സംബന്ധിച്ച്​ മദ്രാസ്​ ഹൈകോടതിയിലെ സഹജഡ്​ജിമാ​ർക്ക്​ സൂചന നൽകിയിരുന്നു. സ്ഥലംമാറ്റം റദ്ദാക്കണമെന്ന്​ അ ഭ്യർഥിച്ച്​ മദ്രാസ്​ ഹൈകോടതിയിലെ അഭിഭാഷകരും സുപ്രീംകോടതിക്ക്​ കത്തയച്ചിരുന്നു.

രാജ്യത്തെ ഹൈകോടതികളിലെ ഏറ്റവും മുതിർന്ന ജഡ്​ജിമാരിൽ ഒരാളായ ജസ്​റ്റിസ്​ തഹിൽ രമണിയെ ​ചെറിയ ഹൈകോടതിയായ മേഘാലയയിലേക്ക്​ മാറ്റിയത്​ ചർച്ചയായിരുന്നു. ജഡ്​ജിമാരുടെ എണ്ണത്തിൽ രാജ്യത്തെ ഹൈകോടതികളിൽ നാലാംസ്ഥാനമാണ്​ മദ്രാസ്​ ഹൈകോടതിക്കുള്ളത്​. ഒന്നര നൂറ്റാണ്ട്​ പിന്നിട്ട ഏറ്റവും പഴയ ഹൈകോടതികളിലൊന്നായ ഇവിടെ 75 ജഡ്​ജിമാരെ വ​െര നിയമിക്കാം. നിലവിൽ 57 ജഡ്​ജിമാരുണ്ട്​. എന്നാൽ, ചീഫ്​ ജസ്​റ്റിസടക്കം മൂന്ന്​ ജഡ്​ജിമാർ മാത്രമാണ്​ മേഘാലയ ഹൈകോടതിയിലുള്ളത്​.

ആഗസ്​റ്റ്​ 28നാണ്​ മേഘാലയ ചീഫ്​ ജസ്​റ്റിസ്​ എ​.കെ. മിത്തലിനെ മദ്രാസ്​ ഹൈകോടതിയിലേക്കും ജസ്​റ്റിസ്​ തഹിൽരമണിയെ മേഘാലയയിലേക്കും സ്ഥലംമാറ്റി കൊളീജിയം ഉത്തരവിട്ടത്​. ഭരണപരമായ സൗകര്യം കണക്കിലെടുത്താണ്​ നടപടിയെന്നാണ്​ വിശദീകരണം. മേഘാലയയിലേക്ക്​ പോകുന്നതിന്​ തനിക്ക്​ പ്രയാസമുണ്ടെന്നും നടപടി പുനഃപരിശോധിക്കണമെന്നും ആവശ്യപ്പെട്ട്​ സെപ്​റ്റംബർ രണ്ടിനാണ്​ ജസ്​റ്റിസ്​ തഹിൽരമണി കൊളീജിയത്തിന്​ അപേക്ഷ നൽകിയത്​. എന്നാൽ സെപ്​റ്റംബർ മൂന്നിന്​ ചേർന്ന കൊളീജിയം അപേക്ഷ നിരാകരിച്ചു.

2001 ജൂൺ 26ന്​ 43ാം വയസ്സിലാണ്​ ജസ്​റ്റിസ്​ തഹിൽരമണി ബോം​ബെ ഹൈകോടതി ജഡ്​ജിയായി നിയമിതയായത്​. പിന്നീട്​ രണ്ടുതവണ ആക്​റ്റിങ്​ ചീഫ്​ ജസ്​റ്റിസായി. 2018 ആഗസ്​റ്റ്​ 12ന്​​ മദ്രാസ്​ ഹൈകോടതി ചീഫ്​ ജസ്​റ്റിസായി​. 2020 ഒക്​ടോബർ രണ്ടുവരെ സർവിസ്​ കാലാവധിയുണ്ട്​. സുപ്രീംകോടതി ജഡ്​ജി പദവിക്കും സാധ്യത നിലനിൽക്കേയാണ്​ രാജി. ഇവരുടെ രാജി അംഗീകരിക്കുന്നപക്ഷം രാജ്യത്തെ ഹൈകോടതി വനിത ചീഫ്​ ജസ്​റ്റിസുമാരുടെ എണ്ണം ഒന്നായി കുറയും. ജമ്മു-കശ്​മീർ ഹൈകോടതി ചീഫ്​ ജസ്​റ്റിസ്​ ഗീത മിത്തൽ മാത്രമാകും അവശേഷിക്കുന്ന വനിത ചീഫ്​ ജസ്​റ്റിസ്​.

ജസ്​റ്റിസ്​ തഹിൽരമണി മുംബൈ ഹൈകോടതി ചീഫ്​ ജസ്​റ്റിസായിരി​െക്കയാണ്​ ബിൽകീസ്​ ബാനു കൂട്ടബലാത്സംഗ കേസിലെയും ഗുജറാത്ത്​ കലാപത്തിനിടെ ബിൽകീസ് ​ബാനുവി​​​െൻറ കുടുംബത്തെ കൊലപ്പെടുത്തിയ കേസിലെയും 11 കുറ്റവാളികളുടെ ജീവപര്യന്തം ശിക്ഷ സ്ഥിരീകരിച്ച്​ വിധിപ്രസ്​താവിച്ചത്​. ഈ കേസിലെ അഞ്ച്​ പൊലീസ്​ ഒാഫിസർമാരും രണ്ട്​ ഡോക്​ടർമാരും ഉൾപ്പെട്ട ​ പ്രതികളെ വെറുതെവിട്ട കീഴ്​കോടതി നടപടി റദ്ദാക്കി ശിക്ഷവിധിക്കുകയും ചെയ്​തു.

ജസ്​റ്റിസ്​ തഹിൽ രമണിയുടെ സ്​ഥലംമാറ്റം: അഭിഭാഷകർ പ്രക്ഷോഭത്തിൽ

ചെന്നൈ: മദ്രാസ്​ ഹൈകോടതി ചീഫ്​ ജസ്​റ്റിസ്​ വി.കെ. തഹിൽരമണിയുടെ സ്​ഥലംമാറ്റത്തിൽ പ്രതിഷേധിച്ച്​ അഭിഭാഷകർ പ്രക്ഷോഭത്തിലേക്ക്​. ഇതി​​െൻറ ഭാഗമായി സെപ്​റ്റംബർ ഒമ്പതിന്​ ഉച്ചക്ക്​ കോടതിവളപ്പിൽ പ്രതിഷേധ പരിപാടി സംഘടിപ്പിക്കും. ചീഫ്​ ജസ്​റ്റിസ്​ തഹിൽരമണിയെ പദവിയിൽ തുടരാൻ അനുവദിക്കണമെന്നാണ്​ ആവശ്യം.

ഭാവിപരിപാടികൾ ആലോചിക്കുന്നതിന്​ തിങ്കളാഴ്​ച മദ്രാസ്​ ഹൈകോടതി അഭിഭാഷക സംഘം ജനറൽബോഡി യോഗം വിളിച്ചുകൂട്ടിയിട്ടുണ്ട്​. അതിനിടെ ഒരു വിഭാഗം അഭിഭാഷകർ ചീഫ്​ ജസ്​റ്റിസി​​െൻറ സ്​ഥലംമാറ്റം പിൻവലിക്കണമെന്നാവശ്യപ്പെട്ട്​ സുപ്രീംകോടതി ചീഫ്​ ജസ്​റ്റിസിന്​ കത്തയച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newsindia newsVijaya Tahilramanimadras highcourt chief justice
News Summary - transfer; madras high court chief justice vijaya k thahil ramani resigned -india news
Next Story