കേന്ദ്ര ആഭ്യന്തര സഹമന്ത്രിക്ക് പരീക്ഷണ ഘട്ടം

ബേ​ഗു​സാ​രാ​യ് (ബി​ഹാ​ർ): ലോ​ക്സ​ഭ തെ​ര​ഞ്ഞെ​ടു​പ്പി​ന്റെ നാ​ലാം ഘ​ട്ട​ത്തി​ൽ ബേ​ഗു​സാ​രാ​യ്, ഉ​ജ​യ്പൂ​ർ, മും​ഗ​ർ, മി​ഥി​ലാ​ഞ്ച​ലി​ലെ ദ​ർ​ഭം​ഗ, സ​മ​സ്തി​പൂ​ർ എ​ന്നീ മ​ണ്ഡ​ല​ങ്ങ​ൾ തി​ങ്ക​ളാ​ഴ്ച പോ​ളി​ങ് ബൂ​ത്തി​ലേ​ക്ക് നീ​ങ്ങു​മ്പോ​ൾ ബ​ലാ​ബ​ല​ത്തി​ന്റെ ആ​ദ്യ മൂ​ന്ന് ഘ​ട്ട​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി നാ​ലി​ട​ത്തും എ​ൻ.​ഡി.​എ​ക്ക് മേ​ൽ​ക്കൈ.

അ​ഞ്ച് സി​റ്റി​ങ് മ​ണ്ഡ​ല​ങ്ങ​ളി​ൽ നാ​ലി​ലും പ്ര​ചാ​ര​ണ​ത്തി​ൽ എ​ൻ.​ഡി.​എ നേ​ടി​യ മേ​ൽ​ക്കൈ ഒ​രി​ട​ത്ത് ക​ടു​ത്ത മ​ത്സ​ര​ത്തി​ന് വ​ഴി​മാ​റി​യി​രി​ക്കു​ന്നു. കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി നി​ത്യാ​ന​ന്ദ റാ​യി ആ​ർ.​ജെ.​ഡി സ്ഥാ​നാ​ർ​ഥി അ​ലോ​ക് മേ​ത്ത​യി​ൽ​നി​ന്ന് ക​ടു​ത്ത മ​ത്സ​രം നേ​രി​ടു​ന്ന ഉ​ജി​യാ​ർ​പൂ​ര​ജ​ലാ​ണ് ബി.​ജെ.​പി​ക്ക് ഹാ​ട്രി​ക് ജ​യം പ്ര​യാ​സ​ക​ര​മാ​യി​രി​ക്കു​ന്ന​ത്.

ബി​ഹാ​റി​ൽ ബി.​ജെ.​പി​യു​ടെ മു​ഖ്യ​മ​ന്ത്രി സ്ഥാ​നാ​ർ​ഥി​യാ​യേ​ക്കു​മെ​ന്നു​വ​രെ ബി.​ജെ.​പി കേ​ന്ദ്ര​ങ്ങ​ൾ പ്ര​ച​രി​പ്പി​ക്കു​ന്ന നേ​താ​വാ​ണ് നി​ത്യാ​ന​ന്ദ റാ​യ്. സ്വ​ന്തം ജാ​തി​ക്കു​ള്ളി​ൽ​നി​ന്ന് ത​ന്നെ​യു​ള്ള എ​തി​ർ​പ്പ് റാ​യ് നേ​രി​ടു​ന്ന വെ​ല്ലു​വി​ളി​യാ​ണ്. 2014ൽ ​അ​ലോ​ക് മേ​ത്ത​യെ തോ​ൽ​പി​ച്ച നി​ത്യാ​ന​ന്ദ റാ​യി 2019ൽ 40 ​ശ​ത​മാ​നം യാ​ദ​വ വോ​ട്ടു​ക​ളും 80 ശ​ത​മാ​നം കു​ശ്‍വാ​ഹ വോ​ട്ടു​ക​ളും 90 ശ​ത​മാ​നം സാ​ഹ്നി വോ​ട്ടു​ക​ളും നേ​ടി സീ​റ്റ് നി​ല​നി​ർ​ത്തി​യി​രു​ന്നു.

എ​ന്നാ​ൽ, ഇ​ത്ത​വ​ണ യാ​ദ​വ​ർ ഒ​ന്ന​ട​ങ്കം നി​ത്യാ​ന​ന്ദ റാ​യി​യെ എ​തി​ർ​ക്കു​​മ്പോ​ൾ ജാ​തി സ​മ​വാ​ക്യം ബി.​ജെ.​പി​ക്ക് അ​നു​കൂ​ല​മ​ല്ല. 30 ശ​ത​മാ​നം സാ​ഹ്നി വോ​ട്ടു​ക​ളെ​ങ്കി​ലും ഉ​റ​പ്പി​ക്കു​ന്ന ആ​ർ.​ജെ.​ഡി​ക്ക് കു​ശ്‍വാ​ഹ വോ​ട്ടു​ക​ളി​ൽ​നി​ന്ന് ഒ​രു പ​ങ്കു​കൂ​ടി പി​ടി​ച്ചാ​ൽ അ​ത് കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി​യു​ടെ തോ​ൽ​വി​ക്കി​ട​യാ​ക്കും.

സ​മ​സ്തി​പൂ​രി​​ൽ മ​ന്ത്രി മ​ക്ക​ൾ ത​മ്മി​ൽ

ബി​ഹാ​റി​ലെ എ​ൻ.​ഡി.​എ സ​ർ​ക്കാ​റി​ലെ ര​ണ്ട് മ​ന്ത്രി​മാ​രു​ടെ മ​ക്ക​ൾ ഇ​ൻ​ഡ്യ-​എ​ൻ.​ഡി.​എ സ്ഥാ​നാ​ർ​ഥി​ക​ളാ​യി പ​ര​സ്പ​രം ഏ​റ്റു​മു​ട്ടി ശ്ര​ദ്ധേ​യ​മാ​യി​രി​ക്കു​ക​യാ​ണ് സ​മ​സ്തി​പൂ​ർ. അ​ന്ത​രി​ച്ച എ​ൽ.​ജെ.​പി നേ​താ​വ് രാം ​വി​ലാ​സ് പ​സ്വാ​ൻ ജ​യി​ച്ച മ​ണ്ഡ​ല​മാ​യ സ​മ​സ്തി​പൂ​രി​ൽ ബി​ഹാ​ർ മ​ന്ത്രി അ​ശോ​ക് ചൗ​ധ​രി​യു​ടെ മ​ക​ളാ​യ ശാം​ഭ​വി ലോ​ക് ജ​ൻ​ശ​ക്തി പാ​ർ​ട്ടി (രാം ​വി​ലാ​സ്) സ്ഥാ​നാ​ർ​ഥി​യാ​യ​പ്പോ​ൾ മ​ന്ത്രി മ​ഹേ​ശ്വ​ർ ഹ​സാ​രി​യു​ടെ മ​ക​ൻ സ​ണ്ണി ഹ​സാ​രി​യാ​ണ് കോ​ൺ​ഗ്ര​സ് സ്ഥാ​നാ​ർ​ഥി.

എ​ൻ.​ഡി.​എ സ​ഖ്യ​ക​ക്ഷി​യാ​യ ജ​ന​താ​ദ​ൾ യു​വി​ന്റെ നേ​താ​വും മ​ന്ത്രി​യു​മാ​യ മ​ഹേ​ശ്വ​ർ ഹ​സാ​രി ഇ​ൻ​ഡ്യ സ​ഖ്യ​ത്തി​ലെ കോ​ൺ​ഗ്ര​സി​നാ​യി വോ​ട്ടു​പി​ടി​ക്കു​ക​യാ​ണ് സ​മ​സ്തി​പൂ​രി​ൽ. ശാം​ഭ​വി പ​സ്വാ​ൻ ജാ​തി​ക്കാ​രി​യും സ​ണ്ണി പാ​സി ജാ​തി​ക്കാ​ര​നും. പാ​സി​യെ അ​പേ​ക്ഷി​ച്ച് പ​സ്വാ​ൻ സ​മു​ദാ​യ​ത്തി​നാ​ണ് മ​ണ്ഡ​ല​ത്തി​ലെ മേ​ധാ​വി​ത്തം.

ശാം​ഭ​വി​യു​ടെ ഭ​ർ​ത്താ​വ് ഭൂ​മി​ഹാ​ർ ആ​ണെ​ന്ന​ത് ഭൂ​മി​ഹാ​റു​ക​ൾ​ക്ക് സ്വാ​ധീ​ന​മു​ള്ള മേ​ഖ​ല​യി​ൽ നി​ർ​ണാ​യ​ക ഘ​ട​ക​മാ​ണ്.

എം.​പി​ക്ക് എ​തി​രെ​ങ്കി​ലും വോ​ട്ട് മോ​ദി​ക്ക്

ബി.​ജെ.​പി​യു​ടെ സി​റ്റി​ങ് എം.​പി ഗോ​പാ​ൽ ജി. ​ഠാ​ക്കൂ​റി​നെ ആ​ർ.​ജെ.​ഡി​യു​ടെ ല​ളി​ത് കു​മാ​ർ യാ​ദ​വ് നേ​രി​ടു​ന്ന ദ​ർ​ഭം​ഗ​യി​ലും എം.​പി​ക്കെ​തി​രാ​യ വി​കാ​രം വോ​ട്ട​ർ​മാ​ർ പ്ര​ക​ടി​പ്പി​ക്കു​ന്നു​ണ്ടെ​ങ്കി​ലും വോ​ട്ട് മോ​ദി​ക്ക് എ​ന്ന ബി.​ജെ.​പി ത​ന്ത്ര​ത്തി​ന് മു​ന്നി​ൽ അ​ത്ത​രം വി​കാ​ര​ങ്ങ​ൾ നി​ഷ്പ്ര​ഭ​മാ​കു​ക​യാ​ണ്.

2009ലും 2014​ലും മു​ൻ ഇ​ന്ത്യ​ൻ ക്രി​ക്ക​റ്റ് താ​രം കീ​ർ​ത്തി ആ​സാ​ദാ​യി​രു​ന്നു ദ​ർ​ഭം​ഗ​യെ ലോ​ക്സ​ഭ​യി​ൽ പ്ര​തി​നി​ധീ​ക​രി​ച്ചി​രു​ന്ന​ത്. എ​ന്നാ​ൽ, 2019ൽ ​കീ​ർ​ത്തി ആ​സാ​ദി​ന് ടി​ക്ക​റ്റ് നി​ഷേ​ധി​ച്ച് ബി.​ജെ.​പി ഗോ​പാ​ൽ ജി. ​ഠാ​ക്കൂ​റി​നെ ഇ​റ​ക്കി. മോ​ദി ത​രം​ഗ​ത്തി​ൽ ആ​ർ.​ജെ.​ഡി​യു​ടെ ത​ല​മു​തി​ർ​ന്ന നേ​താ​വ് അ​ബ്ദു​ൽ ബാ​രി സി​ദ്ദീ​ഖി​യെ 2.67 ല​ക്ഷം ​വോ​ട്ടി​ന്റെ ഭൂ​രി​പ​ക്ഷ​ത്തി​ന് തോ​ൽ​പി​ച്ച് ​ഗോ​പാ​ൽ മ​ണ്ഡ​ലം നി​ല​നി​ർ​ത്തി.

ക​ഴി​ഞ്ഞ ത​വ​ണ ഭൂ​മി​ഹാ​റു​ക​ൾ പ​ര​സ്പ​രം ഏ​റ്റു​മു​ട്ടി​യി​രു​ന്ന മും​ഗേ​റി​ൽ ഇ​ത്ത​വ​ണ ഉ​ന്ന​ത ജാ​തി​ക്കാ​ര​നും പി​ന്നാ​ക്ക ജാ​തി​ക്കാ​ര​നും ത​മ്മി​ലു​ള്ള മ​ത്സ​ര​മാ​യി മാ​റി​യി​രി​ക്കു​ക​യാ​ണ്. ജ​ന​താ​ദ​ൾ യു ​നേ​താ​വും ലോ​ക്സ​ഭ​യി​ലെ ക​ക്ഷി നേ​താ​വു​മാ​യ സി​റ്റി​ങ് എം.​പി ല​ല്ല​ൻ സി​ങ്ങി​നെ നേ​രി​ടാ​ൻ ക്രി​മി​ന​ൽ കേ​സു​ക​ളി​ൽ ശി​ക്ഷി​ക്ക​പ്പെ​ട്ട് 17 വ​ർ​ഷം ജ​യി​ലി​ൽ കി​ട​ന്ന അ​ശോ​ക് മ​ഹാ​തോ​യു​ടെ ഭാ​ര്യ അ​നി​താ​ദേ​വി​യെ രം​ഗ​ത്തി​റ​ക്കി​യി​രി​ക്കു​ക​യാ​ണ് ആ​ർജെ.​ഡി.