പാർലമെൻറിന്​ മുന്നിൽ​ ജീൻസ്​ ധരിച്ച്​ പോസിങ്​​: തൃണമൂൽ എം.പിമാർക്കെതിരെ പ്രതിഷേധം

ന്യൂഡൽഹി: ബംഗാളില്‍ പുതിയ എം.പിമാരായി തെരഞ്ഞെടുക്കപ്പെട്ട നടിമാരായ മിമി ചക്രബര്‍ത്തിയെയും നുസ്രത്ത് ജഹാനെയ ും ട്രോളി സമൂഹ മാധ്യമങ്ങൾ. പാർലമ​െൻറിലെത്തിയ ആദ്യ ദിനം ജീൻസും ഷർട്ടും ധരിച്ച്​ ഫോ​ട്ടോക്ക്​​ പോസ്​ ചെയ്​ തതാണ്​ ചിലരെ ചൊടിപ്പിച്ചത്​.

‘അവിടെ നടക്കുന്നത്​ സിനിമാ ചിത്രീകരണമല്ല. ഇത്തരം നാടകം കളിക്കാനാണോ അങ്ങോ ​ട്ടേക്ക്​ പോയത്’ ഇങ്ങനെ പോകുന്നു കമൻറുകൾ​. പാർലമ​െൻറിൽ ഇത്തരം പ്രവർത്തി ചെയ്​ത്​ ബംഗാളിന്​ നാണക്കേടുണ്ടാക്കരുത്​. ജനങ്ങളുടെ പ്രശ്​നങ്ങൾ അറിയിക്കാനും അവകാശങ്ങൾ നേടിയെടുക്കാനുമാണ്​ അവിടെ പോകുന്നത്​. അല്ലാതെ ഫോ​ട്ടോഷൂട്ടിനല്ലെന്നും ചിലർ വിമർശിച്ചു.

ഇത്തവണത്തെ ലോക് സഭാ തെരഞ്ഞെടുപ്പില്‍ വനിതകള്‍ക്കായി 41 ശതമാനം സീറ്റുകളാണ്​ തൃണമൂല്‍ കോണ്‍ഗ്രസ് നീക്കി വെച്ചത്​. പാര്‍ട്ടിക്കു വേണ്ടി മത്സരിച്ച വനിതകളില്‍ വാര്‍ത്തകളിലിടം പിടിച്ച രണ്ടു പേരായിരുന്നു ബംഗാളി നടിമാരായ മിമി ചക്രബര്‍ത്തിയും നുസ്രത്ത് ജഹാനും.

ഇരുവരും മത്സരിച്ചത്​ തൃണമൂല്‍ കോണ്‍ഗ്രസിന്​ പൂർണ്ണ ആധിപത്യമുള്ള മണ്ഡലങ്ങളായ ജാദവ്പൂര്‍, ബസീര്‍ഹട്ട് എന്നിവിടങ്ങളിൽ നിന്നാണ്​. ഗ്ലാമര്‍ നടിമാരായ ഇരുവര്‍ക്കും പ്രചാരണത്തിനിടയില്‍ വന്‍ അധിക്ഷേപങ്ങൾ നേരിടേണ്ടി വന്നിരുന്നു.

ബംഗാളി നടിയും ടെലിവിഷന്‍ താരവുമാണ് മിമി. പ്രചാരണ വേളയിലെ വസ്​ത്രധാരണത്തിൻെറ പേരിൽ അധിക്ഷേപിക്കപ്പെട്ടു. വിമര്‍ശനങ്ങളെ വകവെക്കാതെ വൻ പ്രചാരണം നടത്തിയ ഇരുവരും വലിയ ഭൂരിപക്ഷത്തോടെയാണ് വിജയിച്ചത്​. സംസ്ഥാനത്ത് ഏറ്റവുമധികം ഭൂരിപക്ഷം നേടിയ രണ്ടാമത്തെ സ്ഥാനാർഥിയാണ്​ നുസ്രത്ത് ജഹാൻ. അഞ്ചാം സ്ഥാനത്താണ്​ മിമി.