പൊലീസ് സ്റ്റേഷനു മുന്നിൽ തൃണമൂൽ സമരം
text_fieldsതെരഞ്ഞെടുപ്പ് കമീഷൻ ആസ്ഥാനത്തിനു മുന്നിൽ നടത്തിയ തൃണമൂൽ കോൺഗ്രസ് പ്രതിഷേധത്തിനിടെ പാർട്ടി നേതാവ് ദോല സെന്നിനെ ഡൽഹി പൊലീസ് കസ്റ്റഡിയിലെടുക്കുന്നു
ന്യൂഡൽഹി: തെരഞ്ഞെടുപ്പ് കമീഷനു മുന്നിൽ കുത്തിയിരിപ്പ് സമരം നടത്തിയതിനെ തുടർന്ന് പൊലീസ് കസ്റ്റഡിയിലെടുത്ത് നീക്കിയ തൃണമൂൽ കോൺഗ്രസ് നേതൃസംഘം രാത്രി ധർണയുമായി പൊലീസ് സ്റ്റേഷനു മുന്നിൽ. ഡറിക് ഒബ്രിയൻ എം.പിയുടെ നേതൃത്വത്തിലുള്ള 10 അംഗ സംഘമാണ് മന്ദിർമാർഗ് പൊലീസ് സ്റ്റേഷനു മുന്നിൽ മുഴുദിന പ്രതിഷേധ ധർണ നടത്തിയത്.
മോദിസർക്കാർ കേന്ദ്ര ഏജൻസികളെ ദുരുപയോഗിക്കുന്ന സാഹചര്യത്തിൽ എൻ.ഐ.എ, എൻഫോഴ്സ്മെന്റ് ഡയറക്ടറേറ്റ്, സി.ബി.ഐ, ആദായ നികുതി വകുപ്പ് മേധാവികളെ മാറ്റാൻ സർക്കാറിനോട് തെരഞ്ഞെടുപ്പ് കമീഷൻ നിർദേശിക്കണമെന്ന് ആവശ്യപ്പെട്ടാണ് തൃണമൂൽ നേതാക്കൾ കമീഷൻ അംഗങ്ങളെ കണ്ടത്. തുടർന്ന് പുറത്തിറങ്ങി കുത്തിയിരിപ്പ് സമരത്തിലേക്ക് കടക്കുകയായിരുന്നു.
പൊലീസ് ബലം പ്രയോഗിച്ച് കസ്റ്റഡിയിലെടുത്ത് സ്റ്റേഷനിലെത്തിച്ചു. രാത്രിതന്നെ വിട്ടെങ്കിലും നേതാക്കൾ പോകാൻ കൂട്ടാക്കിയില്ല. നേരത്തേ പ്രഖ്യാപിച്ച 24 മണിക്കൂർ സമരവുമായി അവർ സ്റ്റേഷനു മുന്നിൽ പ്രതിഷേധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.