108 മു​നി​സി​പ്പാ​ലി​റ്റി​യി​ൽ 102ഉം തൃണമൂൽ തൂത്തുവാരി; ഇടത് ഒരിടത്ത്, ബി.​ജെ.​പി സം​'പൂ​ജ്യ​ർ'

കൊ​ൽ​ക്ക​ത്ത: പ​ശ്ചി​മ ബം​ഗാ​ളി​ൽ ന​ഗ​ര ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​ൽ ഭ​ര​ണ​ക​ക്ഷി​യാ​യ തൃ​ണ​മൂ​ൽ കോ​ൺ​ഗ്ര​സി​ന് (ടി.​എം.​സി) വ​മ്പ​ൻ ജ​യം. 108 മു​നി​സി​പ്പാ​ലി​റ്റി​ക​ളി​ൽ 102ഉം ​വി​ജ​യി​ച്ച് എ​തി​രാ​ളി​ക​ളെ നി​ഷ്പ്ര​ഭ​മാ​ക്കി​യാ​ണ് ടി.​എം.​സി​യു​ടെ മു​ന്നേ​റ്റം. 10 മാ​സം മു​മ്പ് നി​യ​മ​സ​ഭ തെ​ര​ഞ്ഞെ​ടു​പ്പി​ലും ടി.​എം.​സി വ​ൻ വി​ജ​യം കൊ​യ്തി​രു​ന്നു.

പ്ര​തി​പ​ക്ഷ​നേ​താ​വും ബി.​ജെ.​പി​യു​ടെ ന​ന്ദി​ഗ്രാം എം.​എ​ൽ.​എ​യു​മാ​യ സു​വേ​ന്ദു അ​ധി​കാ​രി​യു​ടെ ത​ട്ട​ക​മാ​യ കാ​ന്തി മു​നി​സി​പ്പാ​ലി​റ്റി തൃ​ണ​മൂ​ൽ പി​ടി​ച്ചെ​ടു​ത്തു. ഡാ​ർ​ജീ​ലി​ങ് മു​നി​സി​പ്പാ​ലി​റ്റി​യി​ൽ തൃ​ണ​മൂ​ലി​നും ബി.​ജെ.​പി​ക്കും തി​രി​ച്ച​ടി ന​ൽ​കി, ഹാ​രോ പാ​ർ​ട്ടി ഇ​രു​വ​രെ​യും ഞെ​ട്ടി​ച്ചു. മ​ല​യോ​ര രാ​ഷ്ട്രീ​യ​ത്തി​ലെ പു​തു​മു​ഖ​മാ​ണ് ഹാ​രോ. സി.​പി.​എം നേ​തൃ​ത്വ​ത്തി​ലു​ള്ള ഇ​ട​തു​മു​ന്ന​ണി ത​ഹേ​ർ​പു​ർ മു​നി​സി​പ്പാ​ലി​റ്റി​യി​ൽ ഭ​ര​ണ​മു​റ​പ്പി​ച്ചു.

ക​​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ 77 സീ​റ്റു​ക​ളി​ൽ വി​ജ​യി​ച്ച് മു​ഖ്യ​പ്ര​തി​പ​ക്ഷ​മാ​യി ഉ​യ​ർ​ന്ന ബി.​ജെ.​പി​ക്ക് ഒ​റ്റ മു​നി​സി​പ്പാ​ലി​റ്റി​യി​ലും ഭ​ര​ണമി​ല്ല. കോ​ൺ​ഗ്ര​സി​നും മു​നി​സി​പ്പാ​ലി​റ്റി ഭ​ര​ണം കി​ട്ടാ​ക്ക​നി​യാ​യി. 102 മു​നി​സി​പ്പാ​ലി​റ്റി​യി​ൽ തൃ​ണ​മൂ​ലും ഒ​ന്നു​വീ​തം ഇ​ട​തു​മു​ന്ന​ണി​യും ഹാ​രോ പാ​ർ​ട്ടി​യും ഭ​ര​ണം പി​ടി​ച്ച​പ്പോ​ൾ നാ​ലു മു​നി​സി​പ്പാ​ലി​റ്റി​ക​ളി​ൽ തൂ​ക്കു​ഭ​ര​ണ​മാ​ണ്.

മു​ർ​ഷി​ദാ​ബാ​ദ് ജി​ല്ല​യി​​ലെ ബെ​ൽ​ദം​ഗ, പു​രു​ലി​യ​യി​ലെ ജ​ൽ​ദ, ഹൂ​ഗ്ലി​യി​ലെ ച​മ്പ​ദാ​നി, മേ​ദി​നി​പു​ർ ജി​ല്ല​യി​​ലെ എ​ഗ്ര എ​ന്നി​വി​ട​ങ്ങ​ളി​ലാ​ണ് തൂ​ക്കു​സ​ഭ. 27 മു​നി​സി​പ്പാ​ലി​റ്റി​ക​ളി​ൽ പ്ര​തി​പ​ക്ഷ​ത്തി​ന് ഒ​റ്റ സീ​റ്റു​പോ​ലും ന​ൽ​കാ​തെ തൃ​ണ​മൂ​ൽ തൂ​ത്തു​വാ​രി. വ​ൻ ഭൂ​രി​പ​ക്ഷം ന​ൽ​കി​യ ബം​ഗാ​ളി​ലെ ജ​ന​ങ്ങ​ൾ​ക്ക് മ​മ​ത ന​ന്ദി പ​റ​ഞ്ഞു.

അ​തേ​സ​മ​യം, സം​സ്ഥാ​ന​ത്ത് ഇ​ട​തു​പാ​ർ​ട്ടി​ക​ൾ തി​രി​ച്ചു​വ​ര​വി​ന്റെ പാ​ത​യി​ലാ​ണെ​ന്ന് മു​നി​സി​പ്പാ​ലി​റ്റി തെ​ര​ഞ്ഞെ​ടു​പ്പു​ക​ൾ വ്യ​ക്ത​മാ​ക്കു​ന്ന​താ​യി മു​തി​ർ​ന്ന സി.​പി.​എം നേ​താ​വ് സു​ജ​ൻ ച​ക്ര​വ​ർ​ത്തി പ​റ​ഞ്ഞു. മു​ഖ്യ പ്ര​തി​പ​ക്ഷ​മാ​യ ബി.​ജെ.​പി​ക്കു​പോ​ലും മു​നി​സി​പ്പാ​ലി​റ്റി ഭ​ര​ണം കി​ട്ടാ​ത്ത തെ​ര​ഞ്ഞെ​ടു​പ്പി​ൽ ത​ഹേ​ർ​പു​ർ മു​നി​സി​പ്പാ​ലി​റ്റി ഭ​ര​ണം പി​ടി​ച്ചെ​ടു​ത്ത് ഇ​ട​തു​മു​ന്ന​ണി സാ​ന്നി​ധ്യ​മു​റ​പ്പി​ച്ച​താ​യി സു​ജ​ൻ ച​ക്ര​വ​ർ​ത്തി അ​വ​കാ​ശ​പ്പെ​ട്ടു. നി​യ​മ​സ​ഭ തെ​ര​ഞ്ഞെ​ടു​പ്പി​ൽ നി​ഷ്പ്ര​ഭ​മാ​യി​പ്പോ​യ ഇ​ട​തു​മു​ന്ന​ണി നൂ​റോ​ളം സീ​റ്റു​ക​ളി​ൽ വി​ജ​യി​ച്ചു​വെ​ന്നും ബി.​ജെ.​പി​യു​ടെ വോ​ട്ടു​വി​ഹി​തം ഗ​ണ്യ​മാ​യി കു​റ​ഞ്ഞു​വെ​ന്നും അദ്ദേഹം പ​റ​ഞ്ഞു.