മുത്തലാഖ്​ ബിൽ പരിഗണിക്കുന്നത്​ മാറ്റി

ന്യൂഡൽഹി: ലോക്​സഭ അംഗീകരിച്ച മുത്തലാഖ്​ ബിൽ രാജ്യസഭയുടെ മൺസൂൺ സമ്മേളനത്തിൽ പരിഗണിക്കില്ല. മൺസൂൺ സമ്മേളനത്തി​​​െൻറ അവസാന ദിനമായ വെള്ളിയാഴ്​ച ബിൽ അവതരിപ്പിക്കുമെന്നായിരുന്നു അറിയിച്ചിരുന്നത്​. എന്നാൽ, വിവിധ പാർട്ടികൾക്കിടയിൽ ഇതു സംബന്ധിച്ച ചർച്ചകൾ നടക്കാത്തതിനാൽ ബിൽ പരിഗണിക്കുന്നത്​ മാറ്റിവെച്ചുവെന്നാണ്​ വിവരം.

മുത്തലാഖ്​ ക്രിമിനിൽ കുറ്റമാക്കുന്ന നിയമത്തിൽ ചില ഭേദഗതികൾ കേന്ദ്രസർക്കാർ വരുത്തിയതിന്​ പിന്നാലെയാണ്​ ബിൽ പരിഗണിക്കുന്നത്​ മാറ്റിയത്​. മുത്തലാഖ്​ നിയമപ്രകാരം കുറ്റാരോപിതരാകുന്നവർക്ക്​ ജാമ്യം അനുവദിക്കാനുള്ള വ്യവസ്ഥയാണ്​ പുതുതായി കൂട്ടിചേർത്തത്​. ഇതുപ്രകാരം മജിസ്​ട്രേറ്റിന്​ ഇത്തരം കേസുകളിൽ കു​റ്റാരോപിതാവുന്നവർക്ക്​ ജാമ്യം അനുവദിക്കാം.

നേരത്തെ മുത്തലാഖ്​ ബിൽ ലോക്​സഭയിൽ അനായാസം പാസായിരുന്നു. എന്നാൽ, രാജ്യസഭയിൽ അവതരിപ്പിക്കുന്നതിന്​ മുമ്പ്​ ചില ഭേദഗതികൾ ആവശ്യ​മാണെന്ന്​ പ്രതിപക്ഷ പാർട്ടികൾ ആവശ്യപ്പെട്ടിരുന്നു.