ഇസ്​ലാമിക നിയമത്തിൽ മുത്തലാഖിന്​ അനുമതിയില്ല –വെങ്കയ്യ നായിഡു

ഹൈദരാബാദ്​: ഇസ്​ലാമിക നിയമത്തിൽ മുത്തലാഖിന്​ അനുമതിയില്ലെന്ന്​ കേന്ദ്ര വാർത്ത വിതരണ മന്ത്രി വെങ്കയ്യ നായിഡു. മുത്തലാഖ്​ മതപരമായ പ്രശ്​നമല്ല. മറ്റ്​ സ്​ത്രീകളെ​പ്പോലെ മുസ്​ലിം സ്​ത്രീകൾക്ക് അന്തസോടെയും സമത്വത്തോടെയും  ജീവിക്കാനുള്ള അവകാശത്തി​​െൻറയും പ്രശ്​നമാണിത്​. ​ഇൗ വിവേചനം അവസാനിപ്പിക്കണമെന്നും രാഷ്​ട്രീയവൽകരിക്കരുതെന്നും വെങ്കയ്യ പറഞ്ഞു

പ്രധാനമന്ത്രി നരേന്ദ്രമോദി മുത്തലാഖ്​ വിഷയം രാഷ്​ട്രീയ നേട്ടമുണ്ടാക്കുന്നതിന്​ ഉപയോഗിക്കുകയാണെന്ന മുതിർന്ന കോ​ൺഗ്രസ്​ നേതാക്കളുടെ ആരോപണത്തെ നായിഡു തള്ളി.  മുസ്​ലിംകൾ ഇതിനെക്കുറിച്ച്​ ചിന്തിക്കണമെന്നാണ്​ പ്രധാനമന്ത്രി ആവശ്യപ്പെട്ടതെന്നും നായിഡു കൂട്ടിച്ചേർത്തു. 

മുത്തലാഖ്​ വിഷയത്തിൽ കോ​ൺ​​ഗ്രസുകാർ വർഷങ്ങളായി മൗനത്തിലായിരുന്നത്​ എന്തുകൊണ്ടാണെന്നതിന്​ അവർ​ ഉത്തരം പറയണമെന്നും നായിഡു ആവശ്യപ്പെട്ടു. കോ​ൺ​ഗ്രസുകാർ ന്യൂനപക്ഷങ്ങൾക്കുവേണ്ടി പോരാടുന്നവരാണെന്നാണ്​ പറയുന്നത്​. ന്യൂനപക്ഷ വിഭാഗത്തി​ലെ സ്​ത്രീകളെ കുറിച്ച്​ അവർക്ക്​​ ഒരുവിധ ആശങ്കയുമില്ല. മതത്തി​​െൻറ അടിസ്​ഥാനത്തിൽ സ്​ത്രീകൾക്കെതിരെയുള്ള വിവേചനത്തി​​െൻറയും അസമത്വത്തി​​െൻറയും പ്രശ്​നമാണിത്​.

കുറച്ച്​ രാഷ്​ട്രീയക്കാർ മനപൂർവം ചില കാര്യങ്ങൾ മറക്കുകയും ചില കാര്യങ്ങൾ പറയുകയും ​ചെയ്യുന്നു.  പ്രതിപക്ഷം സർക്കാറി​​െൻറ നടപടികളെ തടസപ്പെടുത്തനാണ്​ മുതിരുന്നത്​. അവർ എല്ലാകാര്യങ്ങളെ സംബന്ധിച്ച്​​ തെറ്റായ വിവരങ്ങൾ പ്രചരിപ്പിക്കുന്നു. ജനഹിത​ത്തി​​െൻറ നീതിശാ​സ്​ത്രം അറിയാൻ അവർക്ക്​ കഴിയുന്നില്ല. അതേസമയം ഇന്ത്യ മോദിയുടെ കീഴിയിൽ കൂട്ടിയോജിപ്പിക്കപ്പെട്ടുകൊണ്ടിരിക്കുകയാണ്​. നമ്മുടെ രാജ്യത്തിന്​​​ നെഗറ്റീവ്​ രാഷ്​ട്രീയത്തിലേക്ക്​ പോകുവാൻ കഴിയില്ല. അടുത്ത്​ നടന്ന തെരഞ്ഞെടുപ്പ്​ ഫലങ്ങളെല്ലാം ഇൗ സന്ദേശമാണ്​ പ്രകടമാക്കിയതെന്നും നായിഡു വ്യക്​തമാക്കി.

.