വിവാഹവേദിയിൽ വരനെ പിടിച്ച്​ തള്ളുകയും അതിഥികളെ കൈയേറ്റം ചെയ്യുകയും ചെയ്​ത കലക്​ടർ ഒടുവിൽ മാപ്പ്​ പറഞ്ഞു -വിഡിയോ

ത്രിപുര: വിവാഹവേദിയിൽ വര​നെ പിടിച്ച്​ തളളുകയും അതിഥികളെ കൈയേറ്റം ചെയ്യുകയും ചെയ്​ത കലക്​ടർ ഒടുവിൽ മാപ്പ്​ പറഞ്ഞു. വെസ്​റ്റ്​ ത്രിപുര ജില്ലാ മജിസ്​ട്രേറ്റ്​ ശൈലേഷ്​ കുമാർ യാദവാണ്​ സംഭവത്തിൽ ക്ഷമചോദിച്ച്​ രംഗത്തെത്തിയത്​. ചൊവ്വാഴ്​ച അഗർത്തലയിലെവിവാഹമണ്ഡപത്തിലെ റെയ്​ഡിനിടെയായിരുന്നു അനിഷ്​ട സംഭവം.

എ​െൻറ പ്രവർത്തി മൂലം ആർക്കെങ്കിലും ബുദ്ധിമുട്ട്​ ഉണ്ടായിട്ടുണ്ടെങ്കിൽ ക്ഷമ ചോദിക്കുകയാണ്​. സമൂഹത്തി​െൻറ നല്ലതിന്​ വേണ്ടിയാണ്​ താൻ ഇക്കാര്യം ചെയ്​തത്​. കോവിഡ്​ പ്രോ​ട്ടോകോൾ പാലിക്കാത്തവർക്കെതിരെ ശക്​തമായ നടപടിയെടുക്കുമെന്ന സന്ദേശം നൽകാൻ വേണ്ടി കൂടിയായിരുന്നു നടപടിയെന്നും അദ്ദേഹം പറഞ്ഞു.

കല്യാണമണ്ഡപത്തിൽ രാത്രി 10 മണി കഴിഞ്ഞിട്ടും വിവാഹാഘോഷങ്ങൾ നടന്നതാണ്​ കലക്​ടറെ ചൊടുപ്പിച്ചത്​. ഹാളിലുണ്ടായിരുന്നവരോട്​ പുറത്ത്​ പോകാൻ ആവശപ്പെട്ട കലക്​ടർ വധൂവരന്മാരേയും കുടുംബാംഗങ്ങളേയും ശകാരിച്ചു. നടന്നതെന്തെന്ന്​ വിശദീകരിക്കാൻ മുതിർന്ന വരനെ പിടിച്ച്​ തള്ളുകയും ചെയ്​തു​. തുടർന്ന്​ പൊലീസ്​ 19 സ്​ത്രീകളടക്കം 31 പേരെ കസ്​റ്റഡിയിലെടുത്തു.