കനത്ത മഴയിൽ റോഡിലെ ഗർത്തത്തിൽ ട്രക്ക്​ വീഴുന്ന ഞെട്ടിക്കുന്ന വിഡിയോ പുറത്ത്​

ന്യൂഡൽഹി: കനത്ത മഴ തുടരുന്ന ഡൽഹിയിൽ റോഡിലെ വൻ ഗർത്തത്തിലേക്ക്​ ട്രക്ക്​ വീഴുന്ന ഞെട്ടിക്കുന്ന വിഡിയോ പുറത്ത്​. തെക്കുപടിഞ്ഞാറൻ ഡൽഹിയിലെ നജാഫ്​ഗഡ്​ റോഡിൽ ബുധനാഴ്​ച രാത്രിയാണ്​ സംഭവം.

മെട്രോ നിർമാണം പുരോഗമിക്കുന്ന സാഹചര്യത്തിൽ റോഡിൽ വൻ ഗർത്തങ്ങൾ രൂപപ്പെട്ടിരുന്നു. റോഡി​െൻറ ഒരു വശത്തുകൂടി പതുക്കെ വരുന്ന ട്രക്ക്​ ഗർത്തത്തിലേക്ക്​ മറിയുകയായിരുന്നു. കനത്ത മഴ കൂടി വില്ലനായതോടെയാണ്​ അപകടം. ഗർത്തയിൽ ട്രക്ക്​ പൂർണമായും അകപ്പെട്ടു. അപകടത്തി​െൻറ വിഡിയോ ദൃശ്യങ്ങൾ പുറത്തുവന്നു. റോഡി​െൻറ വശത്ത്​ നിർമാണ ജോലികൾ പ​ുരോഗമിക്കുന്നതും​ വിഡിയോയിൽ കാണാം.

ടൗ​േട്ട ചുഴലിക്കാറ്റി​െൻറ പശ്ചാത്തലത്തിൽ രാജ്യതലസ്​ഥാനത്ത്​ റെക്കോർഡ്​ മഴയാണ്​ പെയ്യുന്നത്​. ഗുജറാത്തിൽ കനത്ത നാശം വിതച്ച ടൗ​േട്ട സമീപപ്രദേശങ്ങളിൽ കനത്തമഴക്കും കാറ്റിനും കാരണമായിരുന്നു.