ട്യൂഷൻ അധ്യാപകൻ പീഡനക്കേസിൽ അറസ്​റ്റിൽ; ചൂഷണത്തിനിരയായവരിൽ സ്വന്തം അനന്തരവളും

ന്യൂഡൽഹി: രണ്ട്​​ വിദ്യാർഥിനികളെ ലൈംഗികമായി പീഡിപ്പിച്ച ട്യൂഷൻ അധ്യാപകൻ അറസ്​റ്റിൽ. 13കാരിയായ ത​െൻറ അനന്തരവളും​ പ്രതിയുടെ ലൈംഗിക ചൂഷണത്തിന്​ ഇരയായി. ഡൽഹിയുടെ പ്രാന്തപ്രദേശമായ ഭാവനയിലാണ്​ സംഭവം.

പ്രതിയുടെ ബന്ധുവായ പെൺകുട്ടി ഒരു ദിവസം ട്യൂഷന്​ പോകാൻ മകൾ വിസമ്മതിച്ചപ്പോൾ​ മാതാപിതാക്കൾ കാരണം അന്വേഷിച്ചു. അപ്പോഴാണ്​ കുട്ടി പീഡന വിവരം മാതാപിതാക്കളോട്​ വെളിപ്പെടുത്തിയത്​.​ വൈദ്യപരിശോധന നടത്തിയ ശേഷം പൊലീസ്​ കേസ്​ രജിസ്​റ്റർ ചെയ്​തു.​ സംഭവം ആരോടും വെളിപ്പെടുത്തരുതെന്ന് പറഞ്ഞ്​ അയാൾ കുട്ടിയെ ഭീഷണിപ്പെടുത്തുകയും ചെയ്​തതായി മാതാപിതാക്കൾ നൽകിയ പരാതിയിൽ പറഞ്ഞു. വീട്ടിലെത്തിയാണ്​ പൊലീസ്​ 30കാരനായ പ്രതിയെ അറസ്​റ്റ്​ ചെയ്​തത്​.

ദിവസം 10ത്തിലധികം കുട്ടികൾക്ക്​ ഇയാൾ വീട്ടിൽ വെച്ച്​ ട്യൂഷൻ എടുക്കുന്നതായി പൊലീസ്​ പറഞ്ഞു. പ്രതിക്കെതിരെ പോക്​സോ പ്രകാരം കേസെടുത്തു. അറസ്​റ്റിന്​​ പിന്നാലെ ഒമ്പത്​ വയസുകാരിയായ മറ്റൊരു പെൺകുട്ടിയും പരാതിയ​ുമായി മുന്നോട്ടു വന്നു. പ്രതി മൊബൈൽ ഫോണിൽ അശ്ലീല വിഡിയോ കാണിച്ച്​ കൊടുത്താണ്​ ചൂഷണം ചെയ്​തതെന്ന്​ കുട്ടി പറഞ്ഞു.

സംഭവത്തിൽ പ്രതിഷേധിച്ച്​ പൊതുജനം ഭാവനയിൽ റോഡ്​ ഉപരോധിച്ചു. പ്രതി മറ്റ്​ ചില കുട്ടികൾക്കും അശ്ലീല വിഡിയോകൾ മൊബൈൽ ഫോണിൽ കാണിച്ചുകൊടുക്കാറുണ്ടായിരുന്നുവെന്ന്​ പൊലീസ്​ പറഞ്ഞു. ​