ബി.ജെ.പി ഐ.ടി സെൽ തലവ​​െൻറ വ്യാജ വിഡിയോ കൈയ്യോടെ പൊക്കി ട്വിറ്റർ

ന്യൂഡൽഹി: വ്യാജവാർത്തകൾക്കെതിരെയുള്ള നടപടികൾ ലോകമെമ്പാടും കർശനമാക്കിയിരിക്കുകയാണ്​ ട്വിറ്റർ. അമേരിക്കൻ മുൻ പ്രസിഡൻറ്​ ഡോണൾഡ്​ ട്രംപി​െൻറ വ്യാജ ട്വീറ്റുകൾ വരെ കയ്യോടെ പിടികൂടിയ ട്വിറ്റർ ഇക്കുറി പിടിച്ചത്​ ബി.ജെ.പി ഐ.ടി സെൽ തലവൻ അമിത്​ മാളവ്യയെയാണ്​. ഇന്ത്യ കണ്ട ഏറ്റവും അപമാനിതനായ പ്രതിപക്ഷ നേതാവ്​ രാഹുൽ ഗാന്ധിയായിരികും എന്ന തലക്കെ​ട്ടോടെ മാളവ്യ പങ്കുവെച്ച ട്വീറ്റിനാണ്​​ ട്വിറ്റർ 'മാനിപ്പുലേറ്റഡ്​ മീഡിയ' എന്ന സിംബൽ ചാർത്തിയത്​.

.''വളരെ സങ്കടകരമായ ഒരു ചിത്രമാണിത്​. ജയ്​ ജവാൻ, ജയ്​ കിസാൻ എന്നതായിരുന്നു നമ്മുടെ മുദ്രാവാക്യം. എന്നാൽ ഇന്ന്​ പ്രധാനമന്ത്രിയുടെ അഹങ്കാരം ജവാൻമാർ കർഷകർക്കെതിരെ നിലകൊള്ളുന്നതിന്​ കാരണമായി. ഇത്​ അപകടകരമാണ്'' എന്ന തലക്കെ​ട്ടോടെ കർഷകനെ അടിക്കുന്ന ജവാ​െൻറ ചിത്രം രാഹുൽ ഗാന്ധി നവംബർ 28ന്​ പങ്കുവെച്ചിരുന്നു. എന്നാൽ ഇത്​ വ്യാജമാണെന്ന തരത്തിൽ അമിത്​ മാളവ്യ പങ്കുവെച്ച വിഡിയോ കൃത്രിമം നടത്തിയതാണെന്നാണ്​ ട്വിറ്റർ കണ്ടെത്തിയിരിക്കുന്നത്​.

കർഷകനെ ആർമി ഉദ്യോഗസ്ഥൻ തല്ലിയില്ലെന്നും വിരട്ടിയോടിക്കുക മാത്രമാണ്​ ചെയ്​തതെന്നുമായിരുന്നെന്നാണ്​ മാളവ്യ അവകാശപ്പെട്ടത്​. എന്നാൽ അമിത്​ മാളവ്യ പോസ്​റ്റ്​ ചെയ്​തത്​ എഡിറ്റ്​ ചെയ്​ത വിഡിയോ ആണെന്ന്​ ഫാക്​ട്​ ചെക്കിങ്​ വെബ്​സൈറ്റായ ആയ ആൾട്ട്​ ന്യൂസ്​ കണ്ടെത്തിയിരുന്നു. സംഭവത്തി​െൻറ ഫുൾവിഡിയോയും നിരവധിപേർ പോസ്​റ്റ്​ ചെയ്​തിരുന്നു. ഇതിന്​ പിന്നാലെയാണ്​ ട്വിറ്ററി​െൻറ നടപടി. പക്ഷേ അമിത്​ മാളവ്യ സംഭവത്തിൽ ഖേദം പ്രകടിപ്പിക്കുകയോ വിഡിയോ പിൻവലിക്കുകയോ ചെയ്​തിട്ടില്ല. Twitter Flags BJP's Amit Malviya's Tweet As "Manipulated Media"