പുതിയ ഡിജിറ്റൽ നിയമങ്ങൾ: ട്വിറ്ററിന്​ വീണ്ടും നോട്ടീസയച്ച്​ കേന്ദ്രസർക്കാർ

ന്യൂഡൽഹി: പുതിയ ഡിജിറ്റൽ നിയമങ്ങൾ നടപ്പാക്കുന്നതുമായി ബന്ധപ്പെട്ട്​ ട്വിറ്ററിന്​ വീണ്ടും നോട്ടീസയച്ച്​ കേന്ദ്രസർക്കാർ. ഇത്​ അവസാന അവസരമാണെന്നും ഇനി മുന്നറിയിപ്പുണ്ടാവില്ലെന്ന്​ കേന്ദ്രസർക്കാർ വ്യക്​തമാക്കിയിട്ടുണ്ട്​. ഈ നോട്ടീസിന്​ ശേഷവും നടപടിയുണ്ടാ​യില്ലെങ്കിൽ പ്രത്യാഘാതങ്ങൾ നേരിടേണ്ടി വരുമെന്നും കേന്ദ്രസർക്കാർ ട്വിറ്ററിന്​ നൽകിയ നോട്ടീസിൽ പറയുന്നു.

പുതിയ നിയമങ്ങൾ നടപ്പാക്കാനുള്ള നടപടികൾ എത്രയും പെ​ട്ടെന്ന്​ സ്വീകരിക്കണം. അല്ലെങ്കിൽ ഐ.ടി ആക്​ടിലെ 79ാം വകുപ്പ് അനുസരിച്ചുള്ള സംരക്ഷണം ട്വിറ്ററിന്​ ഉണ്ടാവില്ലെന്നും കേന്ദ്രസർക്കാർ അറിയിച്ചു​. ഉപരാഷ്​ട്രപതി വെങ്കയ്യ നായിഡു, ആർ.എസ്​.എസ്​ അധ്യക്ഷൻ മോഹൻ ഭാഗവത്​ എന്നിവരുടെ ട്വിറ്റർ ഹാൻഡിലിലെ ബ്ലുടിക്ക്​ നീക്കയതിന്​ പിന്നാലെയാണ്​ കേന്ദ്രത്തി​െൻറ നടപടിയെന്നതും ശ്രദ്ധേയമാണ്​. ആറ്​ മാസത്തോളം ലോഗ്​ ഇൻ ചെയ്യാത്തതിനെ തുടർന്നാണ്​ നായിഡുവി​െൻറ ബ്ലൂടിക്ക്​ നീക്കിയതെന്നാണ്​ ട്വിറ്റർ നൽകുന്ന വിശദീകരണം.

79ാം വകുപ്പ്​ പ്രകാരമുള്ള സംരക്ഷണം ഇല്ലാതായാൽ ഉപയോക്​താക്കളുടെ ട്വീറ്റുകൾക്ക്​ ട്വിറ്ററിന്​ കൂടി ഉത്തരവാദിത്തമുണ്ടാകും. കേന്ദ്രസർക്കാറുമായി നിരവധി വിഷയങ്ങളിൽ ട്വിറ്റർ ഏറ്റുമുട്ടിയിയിരുന്നു. കഴിഞ്ഞ ദിവസം ട്വിറ്ററി​െൻറ ഡൽഹിയിലെ ഓഫീസിൽ പൊലീസ്​ പരിശോധന നടത്തുകയും ചെയ്​തിരുന്നു.