യു.പിയിൽ ആർ.എസ്​.എസിൻെറ ദ്വിദിന യോഗം, അജണ്ടയിൽ 'ലൗ ജിഹാദ്'​

ലഖ്​നൗ: ഉത്തർ പ്രദേശിൽ വെച്ച്​ ആർ.എസ്​.എസിൻെറ ദേശീയ എക്​സിക്യൂട്ടീവ്​ യോഗം പുരോഗമിക്കുന്നു. രാമക്ഷേത്ര നിർമാണത്തിലെ പൊതുജനങ്ങളുടെ സംഭാവനയും ലൗ ജിഹാദുമാണ്​ യോഗത്തിലെ അജണ്ടകളെന്നാണ്​ വിവരം.

കിഴക്കൻ ഉത്തർ പ്രദേശിലാണ്​ ദ്വിദിന യോഗം നടക്കുന്നത്​. മുഖ്യമന്ത്രി യോഗി ആദിത്യ നാഥ്​, സർസംഘചാലക്​ മോഹൻ ഭാഗവത്​, സർകാര്യവാഹക്​ സുരേഷ്​ ജോഷി തുടങ്ങിയവർ പ​ങ്കെടുക്കുന്നുണ്ടെന്ന്​ ഇന്ത്യൻ എക്​സ്​പ്രസ്​ റിപ്പോർട്ട്​ ചെയ്​തു.

ആത്മ നിർഭർ ഭാരന്​ പദ്ധതി പ്രകാരം ഗ്രാമവികസനത്തിൽ ആർ.എസ്​.എസിന്​ വഹിക്കാനുള്ള പങ്കിനെക്കുറിച്ചും ചർച്ചയാകും. ഞായറാഴ്​ച നടന്ന യോഗത്തിൽ അഞ്ചു സെഷനുകൾ സംഘടിപ്പിച്ചു എന്നാണ്​ വിവരം.