എട്ടു വർഷമായി ഐ.എ.എസ്, ഐ.പി.എസ് ഉദ്യോഗസ്ഥർ ചമഞ്ഞ് തട്ടിപ്പ് നടത്തിയവർ പിടിയിൽ

നോയിഡ: ഉത്തർപ്രദേശിൽ ഐ.എ.എസ്, ഐ.പി.എസ് ഉദ്യോഗസ്ഥർ ചമഞ്ഞ് തട്ടിപ്പ് നടത്തിയ രണ്ടുപേർ പിടിയിൽ. എട്ടു വർഷമായി ഇവർ ഇത്തരത്തിൽ തട്ടിപ്പു നടത്തുകയായിരുന്നെന്ന് നോയിഡ പൊലീസ് പറഞ്ഞു.

ഗൗരവ് മിശ്ര, അശുതോഷ് റാതി എന്നിവരാണ് പൊലീസ് പിടിയിലായത്. ഇവരിൽനിന്ന് ഐ.പി.എസ്-ഐ.എ.എസ് ബാഡ്ജുകൾ, പൊലീസ് യൂനിഫോം, വ്യാജ ഐ.ഡി കാർഡുകൾ എന്നിവ പൊലീസ് പിടിച്ചെടുത്തു.

പണം നൽകിയില്ലെങ്കിൽ സ്ഥലംമാറ്റിക്കളയും എന്ന് ഭീഷണിപ്പെടുത്തി പൊലീസുകാരിൽനിന്നുവരെ ഇരുവരും പണം തട്ടിയിട്ടുണ്ട്. ഗൗരവ് ബി.ടെകും അശുതോഷ് ബി.കോമും ബിരുദധാരികളാണ്.