15കാരിയെ കൂട്ടബലാത്സംഗത്തിനിരയാക്കിയ രണ്ടുപേര്‍ കൂടി പിടിയില്‍; അറസ്റ്റിലായവര്‍ 28 ആയി

മുംബൈ: താനെ കൂട്ടബലാത്സംഗ കേസില്‍ നവി മുംബൈയില്‍നിന്നും രണ്ടുപേര്‍ കൂടി പിടിയിലായി. ഇതോടെ 15കാരിയെ ക്രൂര കൂട്ടബലാത്സംഗത്തിനിരയാക്കിയ സംഭവത്തില്‍ ആകെ പിടിയിലായവരുടെ എണ്ണം 28 ആയി. ഇതില്‍ പ്രായപൂര്‍ത്തിയാകാത്ത രണ്ടു പേരും ഉള്‍പ്പെടുന്നു.

താനെ പൊലീസിലെ പ്രത്യേക അന്വേഷണ സംഘമാണ് അറസ്റ്റ് നടത്തിയത്.

എട്ടുമാസത്തിനിടെ നിരവധി തവണയാണ് 15കാരി കൂട്ടലബാത്സംഗത്തിനിരയായത്. 33 പേരെക്കുറിച്ചുള്ള വിവരങ്ങള്‍ ഇര പൊലീസിന് കൈമാറിയിട്ടുണ്ട്.