ഷിരൂരിൽ രണ്ട് പേർ ഇനിയും കാണാമറയത്ത്; തിരച്ചിൽ തുടരും, അർജുന്‍റെ മൃതദേഹം ഡി.എൻ.എ പരിശോധനക്ക് ശേഷം കൈമാറും

മംഗളൂരു: അർജുന്‍റെ മൃതദേഹം കണ്ടെത്തിയ ഷിരൂരിലെ ഗംഗാവാലി നദിയിൽ ഇനിയും കണ്ടെത്താനുള്ളത് രണ്ട് പേരെ കൂടി. മണ്ണിടിച്ചിലിൽ കാണാതായ നാ​ട്ടു​കാ​രാ​യ ജ​ഗ​ന്നാ​ഥ്, ലോ​കേ​ഷ് ഭ​ട്ട് എന്നിവരെയാണ് കണ്ടെത്താനുള്ളത്. ഇവർക്കായുള്ള തിരച്ചില്‍ തുടരുമെന്ന് കാർവാർ എം.എൽ.എ സതീഷ് സെയിൽ പറഞ്ഞു.

ഷിരൂരില്‍ ദേശീയപാതയിലുണ്ടായ മണ്ണിടിച്ചില്‍ കാണാതായ അര്‍ജുന്റെ മൃതദേഹം ഇന്നലെ നടത്തിയ നിര്‍ണായക പരിശോധനയിലാണ് കണ്ടെത്തിയത്. അര്‍ജുന്‍റെ ലോറിയും ലോറിക്കുള്ളില്‍ മൃതദേഹവും കണ്ടെത്തുകയുണ്ടായി. അര്‍ജുനെ കാണാതായിട്ട് 72ാം ദിവസമാണ് ലോറിയടക്കം കണ്ടെത്തിയത്.

മൃ​ത​ദേ​ഹം അ​ർ​ജു​ന്റേ​ത് ത​ന്നെ​യാ​ണെ​ന്ന് ഉ​റ​പ്പി​ക്കാനുള്ള ഡി.​എ​ൻ.​എ പ​രി​ശോ​ധ​നക്കായി മൃ​ത​ദേ​ഹ​ത്തി​ൽ​നി​ന്നു​ള്ള സാ​മ്പി​ളും അ​ർ​ജു​ന്റെ സ​ഹോ​ദ​ര​ന്റെ ഡി.​എ​ൻ.​എ സാ​മ്പി​ളും ശേ​ഖ​രി​ച്ച് ഇന്ന് മം​ഗ​ളൂ​രു​വി​ലെ ലാ​ബി​ലേ​ക്ക് അ​യ​ക്കും. പ​ര​മാ​വ​ധി ര​ണ്ടു ദി​വ​സ​ത്തി​ന​കം ഡി.​എ​ൻ.​എ പ​രി​ശോ​ധ​നാ ഫ​ലം ല​ഭ്യ​മാ​ക്കു​മെ​ന്ന് ഉ​ത്ത​ര ക​ന്ന​ട ജി​ല്ല ക​ല​ക്ട​ർ ല​ക്ഷ്മി​പ്രി​യ പ​റ​ഞ്ഞു. തു​ട​ർ​ന്ന് പോ​സ്റ്റ്മോ​ർ​ട്ടം അ​ട​ക്ക​മു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കി മൃ​ത​ദേ​ഹം അ​ർ​ജു​ന്റെ ബ​ന്ധു​ക്ക​ൾ​ക്ക് കൈ​മാ​റും.

ജൂ​ലൈ 16നു​ണ്ടാ​യ മ​ണ്ണി​ടി​ച്ചി​ലി​ൽ കാ​ണാ​താ​യ അ​ർ​ജു​ൻ, ജ​ഗ​ന്നാ​ഥ്, ലോ​കേ​ഷ് ഭ​ട്ട് എ​ന്നി​വ​രു​ടെ തി​ര​ച്ചി​ലി​നാ​യി കോ​ടി​യോ​ളം രൂ​പ മു​ട​ക്കി ക​ർ​ണാ​ട​ക സ​ർ​ക്കാ​ർ ഗോ​വ​യി​ൽ നി​ന്നെ​ത്തി​ച്ച ഡ്ര​ഡ്ജ​ർ ഉ​പ​യോ​ഗി​ച്ചു​ള്ള ദൗ​ത്യ​മാ​ണ് വി​ജ​യം ക​ണ്ട​ത്.

മലയാള മാധ്യമ പ്രവർത്തകരോട് എം.എൽ.എ സതീഷ് സെയിൽ നന്ദി പറഞ്ഞു. 'പലരും പറഞ്ഞിരുന്നു പണം അനാവശ്യമായി ചിലവഴിക്കുന്നതാണ്, മറ്റുള്ളവരുടെ കണ്ണിൽ പൊടിയിടാനാണ് എന്നൊക്കെ. ഞങ്ങൾ ഞങ്ങളുടെ ജോലി ചെയ്തു. ഇനി നാട്ടുകാർക്കായുള്ള തിരച്ചിൽ തുടരും. അദ്ദേഹം പറഞ്ഞു. മാധ്യമപ്രവർത്തകർ മടങ്ങിപ്പോകരുതെന്നാണ് ആ​ഗ്രഹം. നിങ്ങൾ കാരണമാണ് ഇന്ന് ഞങ്ങൾ പോലും ഇവിടെ നിൽക്കുന്നത്'-അദ്ദേഹം പറഞ്ഞു.