വിലാപയാത്രക്കിടെ വാഹനവ്യൂഹം അപകടത്തിൽപെട്ടത് രണ്ടു തവണ; 10 പൊലീസുകാർക്ക് പരിക്ക്

മേട്ടുപ്പാളയം: ഹെലികോപ്റ്റർ അപകടത്തിൽ മരിച്ച സംയുക്ത സൈനിക മേധാവി ജനറൽ ബിപിൻ റാവത്ത് ഉൾപ്പെടെയുള്ളവരുടെ മൃതദേഹങ്ങളുമായുള്ള വിലാപയാത്രക്കിടെ വാഹനവ്യൂഹം അപകടത്തിൽപെട്ടത് രണ്ട് തവണ. പത്ത് പൊലീസുകാർക്ക് പരിക്കേറ്റു.

Also Read:'ഞാൻ ഒരു തീപ്പെട്ടി കൈയിൽ കരുതും'; സേനയിലേക്ക് വഴി തുറന്നതിനെ കുറിച്ച് ബിപിൻ റാവത്ത് പറഞ്ഞത് ഇങ്ങനെ

മൃതദേഹങ്ങളുമായുള്ള 13 ആംബുലൻസുകളെ കൂടാതെ വേറെയും ആംബുലൻസുകൾ വിലാപയാത്രയുടെ വാഹനവ്യൂഹത്തിന് അകമ്പടിയായി ഉണ്ടായിരുന്നു. ഈ വാഹനങ്ങളിലൊന്ന് നിയന്ത്രണം തെറ്റി മതിലിലിടിച്ച് രണ്ടു പൊലീസുകാർക്ക് പരിക്കേൽക്കുകയായിരുന്നു.

Also Read:വെല്ലിങ്ടണിൽ ഇറങ്ങേണ്ടിയിരുന്നത് 12.15ന്; ഹെലികോപ്ടറുമായുള്ള ബന്ധം നഷ്ടമായത് 12.08ന്

തുടർന്ന് വിലാപയാത്ര മുന്നോട്ട് പോകുകയും വാഹനവ്യൂഹം മേട്ടുപ്പാളയത്ത് എത്തിയപ്പോൾ രണ്ടാമത്തെ അപകടം സംഭവിക്കുകയുമായിരുന്നു. മൃതദേഹങ്ങളുമായി പോയ ആംബുലൻസുകളിലൊന്ന് മറ്റൊരു വാഹനത്തിന്‍റെ പിറകിലിടിച്ചായിരുന്നു അപകടം. ഈ വാഹനം അവിടെ നിർത്തി മറ്റൊരു ആംബുലൻസിലേക്ക് മൃതദേഹം മാറ്റി. തുടർന്ന് മൂന്ന് മണിയോടെ സുലൂരിലെ എയർഫോഴ്സ് ക്യാമ്പിലെത്തിച്ചേർന്നു.

Also Read:'ബിപിൻ റാവത്തിനെ പുറത്തെടു​ക്കു​േമ്പാൾ ജീവനുണ്ടായിരുന്നു, അദ്ദേഹം പേര്​ പറഞ്ഞു' -രക്ഷാപ്രവർത്തകൻ

പലയിടങ്ങലിലും റോഡരികിൽ കാത്തുനിന്ന ജനം പുഷ്പാർച്ചന നടത്തി സൈനികർക്ക് ആദരമർപ്പിച്ചു. 98 കിലോമീറ്ററോളമാണ് വാഹനവ്യൂഹം സഞ്ചരിച്ചത്. ഇതിനായി വലിയ ഗതാഗത ക്രമീകരണങ്ങളാണ് ഇതിനായി തമിഴ്നാട് പൊലീസ് നടത്തിയത്.