ഉദയനിധി സ്റ്റാലിൻ തമിഴ്നാട് ഉപമുഖ്യമന്ത്രി; സെന്തിൽ ബാലാജി വീണ്ടും മന്ത്രിയാകും

ചെന്നൈ: മുഖ്യമന്ത്രി എം.കെ. സ്റ്റാലിന്റെ പുത്രനായ ഡി.എം.കെ നേതാവ് ഉദയനിധി സ്റ്റാലിൻ തമിഴ്നാട് ഉപമുഖ്യമന്ത്രി. ശനിയാഴ്ച പ്രഖ്യാപിച്ച പുതിയ മ​ന്ത്രിസഭ അഴിച്ചുപണിയിലാണ് പാർട്ടി തലപ്പത്ത് നില ഭദ്രമാക്കിയും നീണ്ട അഭ്യൂഹങ്ങൾക്ക് വിരാമംകുറിച്ചും സ്ഥാനക്കയറ്റം.

ഞായറാഴ്ച ഉച്ചക്ക് ശേഷം 3.30ന് ചെന്നൈ രാജ്ഭവനിൽ നടക്കുന്ന ചടങ്ങിൽ അദ്ദേഹം സത്യ​പ്രതിജ്ഞ ചെയ്ത് ചുമതലയേൽക്കും.

നിയമസഭ തെരഞ്ഞെടുപ്പ് വൈകാതെയെത്തുന്ന സംസ്ഥാനത്ത് ഉദയനിധി സ്റ്റാലിനെ മുന്നിൽനിർത്തി പാർട്ടിക്ക് കരുത്ത് കൂട്ടലും പുതിയ പദവി ദാനത്തിന്റെ ലക്ഷ്യമാണ്.

അതിനിടെ, ജാമ്യം ലഭിച്ച് പുറത്തിറങ്ങിയ ഡി.എം.കെ നേതാവ് സെന്തിൽ ബാലാജിയെ വീണ്ടും മന്ത്രിസഭയിൽ ഉൾപ്പെടുത്തും.