ജാതി വിവേചനം തടയാൻ കരട് തയാറാ​യെന്ന് യു.ജി.സി

ന്യൂ​ഡ​ൽ​ഹി: രാ​ജ്യ​ത്തെ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും സ​ർ​വ​ക​ലാ​ശാ​ല​ക​ളി​ലും ജാ​തി വി​വേ​ച​നം ത​ട​യു​ന്ന​തി​നു​ള്ള പു​തി​യ ക​ര​ട് ച​ട്ട​ങ്ങ​ൾ ത​യാ​റാ​ക്കി​യി​ട്ടു​ണ്ടെ​ന്നും ഉ​ട​ൻ ന​ട​പ്പാ​ക്കു​മെ​ന്നും യൂ​നി​വേ​ഴ്സി​റ്റി ഗ്രാ​ന്റ് ക​മീ​ഷ​ൻ (യു.​ജി.​സി) സു​​പ്രീം​കോ​ട​തി​യെ അ​റി​യി​ച്ചു. ജാ​തി​വി​വേ​ച​ന​ത്തെ തു​ട​ർ​ന്ന് ആ​ത്മ​ഹ​ത്യ ചെ​യ്ത രോ​ഹി​ത് വെ​മു​ല​യു​ടെ​യും പാ​യ​ൽ ത​ദ്‍വി​യു​ടെ​യും അ​മ്മ​മാ​ർ സ​മ​ർ​പ്പി​ച്ച ഹ​ര​ജി​യി​ലാ​ണ് യു.​ജി.​സി സ​ത്യ​വാ​ങ്മൂ​ലം ന​ൽ​കി​യ​ത്.

2004നും 2024​നും ഇ​ട​യി​ൽ കാ​മ്പ​സു​ക​ളി​ൽ 115 ആ​ത്മ​ഹ​ത്യ മ​ര​ണ​ങ്ങ​ൾ ന​ട​ന്നി​ട്ടു​ണ്ടെ​ന്നും അ​വ​യി​ൽ ഭൂ​രി​ക്ഷ​വും ദ​ലി​ത് സ​മു​ദാ​യ​ങ്ങ​ളി​ൽ പെ​ട്ട​വ​രാ​ണെ​ന്നും ജ​നു​വ​രി മൂ​ന്നി​ന് കേ​സ് പ​രി​ഗ​ണി​ച്ച​പ്പോ​ൾ ഹ​ര​ജി​ക്കാ​രു​ടെ അ​ഭി​ഭാ​ഷ​ക ഇ​ന്ദി​ര ജ​യ്സി​ങ് കോ​ട​തി​യെ അ​റ​യി​ച്ചി​രു​ന്നു.

തു​ട​ർ​ന്ന്, സ​ർ​വ​ക​ലാ​ശാ​ല​ക​ളി​ലും ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും 2012ലെ ​ച​ട്ട​ങ്ങ​ൾ പ്ര​കാ​രം ല​ഭി​ച്ച ജാ​തി വി​വേ​ച​ന​ത്തെ​ക്കു​റി​ച്ചു​ള്ള മൊ​ത്തം പ​രാ​തി​ക​ളു​ടെ എ​ണ്ണ​വും സ്വീ​ക​രി​ച്ച ന​ട​പ​ടി​ക​ളും ആ​റാ​ഴ്ച​ക്ക​കം അ​റി​യി​ക്കാ​ൻ കോ​ട​തി യു.​ജി.​സി നി​ർ​ദേ​ശം ന​ൽ​കി​യി​രു​ന്നു. ഇ​തു​പ്ര​കാ​രം, 1503 ജാ​തി വി​വേ​ച​ന പ​രാ​തി​ക​ളാ​ണ് ല​ഭി​ച്ചി​ട്ടു​ള്ള​തെ​ന്നും അ​തി​ൽ 1426 പ​രാ​തി​ക​ൾ പ​രി​ഹ​രി​ച്ചു​വെ​ന്നും യു.​ജി.​സി വ്യ​ക്ത​മാ​ക്കി.