അധ്യാപക നിയമനം: പിന്നാക്ക സംവരണത്തെ ബാധിക്കുന്ന നിർദേശവുമായി യു.ജി.സി

ന്യൂ​ഡ​ല്‍ഹി: സ​ർ​വ​ക​ലാ​ശാ​ല അ​ധ്യാ​പ​ക നി​യ​മ​ന​ത്തി​ൽ എ​സ്.​സി, എ​സ്.​ടി, ഒ.​ബി.​സി തു​ട​ങ്ങി പി​ന്നാ​ക്ക വി​ഭാ​ഗ​ങ്ങ​ളു​ടെ സം​വ​ര​ണ​ത്തെ ബാ​ധി​ക്കു​ന്ന നി​ർ​ദേ​ശ​വു​മാ​യി യു.​ജി.​സി. അ​ധ്യാ​പ​ക ഒ​ഴി​വി​ലേ​ക്ക്​ അ​പേ​ക്ഷ ക്ഷ​ണി​ക്കു​മ്പോ​ള്‍ സ​ര്‍വ​ക​ലാ​ശാ​ല​ക​ളി​ലെ മൊ​ത്തം ക​ണ​ക്കെ​ടു​ത്ത്​ സം​വ​ര​ണം ന​ൽ​കു​ക​യാ​ണ്​ നി​ല​വി​ൽ ചെ​യ്യു​ന്ന​ത്. ഇ​തി​ന്​ പ​ക​രം പ​ഠ​ന​വ​കു​പ്പു​ക​ളു​ടെ അ​ടി​സ്ഥാ​ന​ത്തി​ല്‍ സം​വ​ര​ണം പ​രി​ഗ​ണി​ക്ക​ണ​മെ​ന്നാ​ണ് യു.​ജി.​സി കേ​ന്ദ്ര മാ​ന​വ​ശേ​ഷി വി​ക​സ​ന മ​ന്ത്രാ​ല​യ​ത്തി​ന്​ ന​ൽ​കി​യി​രി​ക്കു​ന്ന നി​ര്‍ദേ​ശം. 

മ​ന്ത്രാ​ല​യം ഇ​ത്​ പ​രി​ഗ​ണി​ക്കു​ക​യാ​ണെ​ങ്കി​ൽ സ​ര്‍വ​ക​ലാ​ശാ​ല അ​ധ്യാ​പ​ക ത​സ്​​തി​ക​ക​ളി​ൽ പി​ന്നാ​ക്ക വി​ഭാ​ഗ​ത്തി​നു​ള്ള പ്രാ​തി​നി​ധ്യ​ത്തെ കാ​ര്യ​മാ​യി ബാ​ധി​ക്കു​മെ​ന്ന്​ മാ​ന​വ​ശേ​ഷി മ​ന്ത്രാ​ല​യ മു​ൻ സെ​ക്ര​ട്ട​റി പി.​എ​സ്. കൃ​ഷ്ണ​ന്‍ പ​റ​ഞ്ഞു. ഒ​രു പ​ഠ​ന വ​കു​പ്പി​ല്‍ ഒ​രു പ്ര​ഫ​സ​ര്‍ ത​സ്തി​ക മാ​ത്ര​മാ​ണ് ഒ​ഴി​വു​ള്ള​തെ​ങ്കി​ല്‍ അ​വി​ടേ​ക്ക് സം​വ​ര​ണം ഏ​ര്‍പ്പെ​ടു​ത്തി​ല്ലെ​ന്നും ഇ​ത് മൊ​ത്ത​ത്തി​ലു​ള്ള സം​വ​ര​ണ​ത്തെ ബാ​ധി​ക്കു​മെ​ന്നും വി​ദ്യാ​ഭ്യാ​സ മേ​ഖ​ല​യി​ലു​ള്ള​വ​ർ പ​റ​യു​ന്നു. 

അ​തേ​സ​മ​യം, നി​ല​വി​ലെ രീ​തി​യ​നു​സ​രി​ച്ച് സ​ര്‍വ​ക​ലാ​ശാ​ല​യി​ലെ മു​ഴു​വ​ന്‍ ഒ​ഴി​വു​ക​ളും ഒ​രു​മി​ച്ച് പ​രി​ഗ​ണി​ക്കു​ക​യാ​ണെ​ങ്കി​ല്‍ അ​തി​ല്‍ നി​ശ്ചി​ത ശ​ത​മാ​നം സം​വ​ര​ണം ഏ​ര്‍പ്പെ​ടു​ത്താ​ന്‍ സാ​ധി​ക്കു​മെ​ന്നും അ​വ​ര്‍ വ്യ​ക്ത​മാ​ക്കി. ബ​നാ​റ​സ് ഹി​ന്ദു സ​ര്‍വ​ക​ലാ​ശാ​ല​യി​ലെ അ​ധ്യാ​പ​ക നി​യ​മ​ന​വു​മാ​യി ബ​ന്ധ​പ്പെ​ട്ട് അ​ല​ഹ​ബാ​ദ് ഹൈ​കോ​ട​തി ക​ഴി​ഞ്ഞ ഏ​പ്രി​ലി​ല്‍ പു​റ​പ്പെ​ടു​വി​ച്ച വി​ധി​യെ​ത്തു​ട​ര്‍ന്നാ​ണ് യു.​ജി.​സി പു​തി​യ നി​ര്‍ദേ​ശം മു​ന്നോ​ട്ടു​വെ​ച്ചി​രി​ക്കു​ന്ന​ത്. 

സ​ര്‍വ​ക​ലാ​ശാ​ല​യെ മൊ​ത്ത​ത്തി​ല്‍ ക​ണ​ക്കാ​ക്കാ​തെ ഓ​രോ പ​ഠ​ന​വി​ഭാ​ഗ​വും ഓ​രോ യൂ​നി​റ്റാ​യി പ​രി​ഗ​ണി​ച്ച് സം​വ​ര​ണം ന​ട​പ്പാ​ക്ക​ണ​മെ​ന്നാ​യി​രു​ന്നു കോ​ട​തി ആ​വ​ശ്യ​പ്പെ​ട്ട​ത്. ഇ​തേ​തു​ട​ർ​ന്ന്​ യു.​ജി.​സി നി​യോ​ഗി​ച്ച 10 അം​ഗ ക​മ്മി​റ്റി കോ​ട​തി​വി​ധി പ​ഠി​ച്ച് എ​ല്ലാ സ​ര്‍വ​ക​ലാ​ശാ​ല​ക​ളി​ലും ഇ​തേ രീ​തി ന​ട​പ്പാ​ക്ക​ണ​മെ​ന്ന റി​പ്പോ​ർ​ട്ട്​ സ​മ​ർ​പ്പി​ക്കു​ക​യാ​യി​രു​ന്നു. രാ​ജ്യ​ത്ത് 41 സ​ര്‍വ​ക​ലാ​ശാ​ല​ക​ളി​ലാ​യി ഏ​പ്രി​ലോ​ടെ 15,997 ഒ​ഴി​വു​ക​ളാ​ണ്​ വ​രു​ന്ന​ത്.