ഇന്ത്യൻ പൗരത്വം തെളിയിക്കൂ;​ മൂന്ന്​ മുസ്​ലിം യുവാക്കളോട് യു.ഐ.ഡി.എ.ഐ

ഹൈദരാബാദ്​: പൗരത്വം തെളിയിക്കണമെന്ന് ആവശ്യപ്പെട്ട് ഹൈദരാബാദ് സ്വദേശികളായ മൂന്ന്​ മുസ്ലിം യുവാക്കൾക്ക് യുന ീക്​ ഐഡൻറിഫിക്കേഷൻ അതോറിറ്റിയുടെ നോട്ടീസ്​. യുവാക്കൾ ഇന്ത്യൻ പൗരന്മാരല്ലെന്ന്​ പരാതി ഉയർന്നതിനെ തുടർന്നാ ണ്​ നടപടി.

വ്യാജ പ്രമാണങ്ങൾ ഹാജരാക്കിയല്ല ആധാർ ഐ.ഡി നേടിയതെന്നതിന്​​ തെളിവ് നൽകണമെന്നാവശ്യപ്പെട്ടാണ് ​െഫ ബ്രുവരി 3ന്​ അതോറിറ്റിയുടെ ഹൈദരാബാദ്​ റീജണൽ ഓഫീസ് മൂന്നുപേർക്കും​ നോട്ടീസ്​ നൽകിയത്​. പൗരത്വത്തെക്കുറിച്ച ്​ റീജണൽ ഓഫീസ് വിശദ അന്വേഷണം നടത്തും. മൂന്ന്​ പേരും പൗരത്വം തെളിയിക്കുന്ന സർട്ടിഫിക്കറ്റുകളുടെ അസ്സൽ പകർപ്പുകൾ ​െഫബ്രുവരി 20ന്​ അന്വേഷണ ഉദ്യോഗസ്ഥന്​ മുമ്പിൽ ഹാജരാക്കണം.

രേഖകൾ ഹാജരാക്കിയില്ലെങ്കിൽ ആധാർ നമ്പർ റദ്ദാക്കും. അതേസമയം, പൗരത്വം തെളിയിക്കുന്നതിനാവശ്യമായ രേഖകൾ എന്തൊക്കെയാണെന്ന്​ അതോറിറ്റി വ്യക്തമായിട്ടില്ല.

2016ലെ ആധാർ നിയമപ്രകാരം ആധാർ നമ്പറുകൾ വ്യക്തിയുടെ താമസരേഖമാത്രമാണെന്നും പൗരത്വ രേഖയല്ലെന്നും പറയുന്നുണ്ട്​. ഇന്ത്യയിൽ താമസിക്കുന്ന വിദേശികളക്കമുള്ളവർക്ക്​ ആധാറിന്​ ​​അപേക്ഷിക്കാനുള്ള അർഹതയുണ്ട്​. പക്ഷേ ​അപേക്ഷകൻ ഇന്ത്യയിൽ 182 ദിവസമെങ്കിലും താമസിച്ചയാളായിരിക്കണം. സംഭവം വിവാദമായതിനെ തുടർന്ന് യു.ഐ.ഡി.ഐയുടെ നടപടി ചോദ്യം ചെയ്ത് നിരവധി പേർ രംഗത്തെത്തിയിട്ടുണ്ട്. പൗരത്വം തെളിയിക്കണമെന്ന്​ പറയാൻ യു.ഐ.ഡി.എ.ഐക്കുള്ള അധികാരമില്ലെന്ന് ഇവർ ചൂണ്ടിക്കാട്ടുന്നു.

യു.ഐ.ഡി.എ​.ഐക്ക്​ ജനങ്ങളോട്​ പൗരത്വം തെളിയിക്കണമെന്ന്​ പറയാൻ എന്ത്​ അധികാരമാണുള്ളതെന്ന് യുവാക്കളുടെ​ അഭിഭാഷകൻ മുസഫറുല്ല ഖാൻ ഷഫാത്ത്​ ചോദിച്ചു. ആധാർനിയമപ്രകാരം ഒരാളുടെ ഐ.ഡിയെക്കുറിച്ച്​​ സംശയം തോന്നിയാൽ ആധാർ നമ്പർ റദ്ദാക്കണം.​​ അല്ലാതെ പൗരത്വം തെളിയിക്കാൻ ആവശ്യപ്പെടുക​യല്ല വേണ്ടതെന്നും അഭിഭാഷകൻ കൂട്ടിച്ചേർത്തു. നിരക്ഷകരരായ തൊഴിലാളി കുടുംബത്തിൽനിന്നുള്ള യുവാക്കൾ ഹൈദരാബാദിൽ താമസിച്ചുവരുന്നവരാണ്​. രേഖകൾ ഹാജരാക്കി പൗരത്വം തെളിയിക്കുമെന്നും അഭിഭാഷകൻ പ്രതീക്ഷ പ്രകടിപ്പിച്ചു.