രാമക്ഷേത്രം; എസ്.പി, ബി.എസ്.പി, അകാലിദൾ, ഉവൈസി എന്നിവരും മുന്നിട്ടിറങ്ങണം -ഉമാ ഭാരതി

ലഖ്നോ: രാമക്ഷേത്ര നിർമാണത്തിനായി ശിവസേന നേതാവ് ഉദ്ധവ് താക്കറെയുടെ പ്രവർത്തനങ്ങൾ അഭിനന്ദനാർഹമാണെന്ന് കേന്ദ്രമന്ത്രി ഉമാഭാരതി. എസ്.പി, ബി.എസ്.പി, അകാലിദൾ, ഉവൈസി, അസം ഖാൻ എന്നിവർ കൂടി രാമക്ഷേത്രത്തിനായി രംഗത്തിറങ്ങണമെന്നും അവർ അഭ്യർഥിച്ചു. രാമമന്ദിരം ബി.ജെ.പിയുടെ മാത്രം കുത്തകയല്ലെന്നും അതെല്ലാവരുടേതുമാണെന്നും ഉമാ ഭാരതി വ്യക്തമാക്കി.

രാ​മ​ക്ഷേ​ത്ര നി​ർ​മാ​ണ​ത്തി​ൽ അ​ന്തി​മ പോ​രാ​ട്ടം പ്ര​ഖ്യാ​പി​ച്ച് വി​ശ്വ​ഹി​ന്ദു പ​രി​ഷ​ത്ത് കഴിഞ്ഞദിവസം രംഗത്തെത്തിയിരുന്നു. ക്ഷേ​ത്ര നി​ർ​മാ​ണം വൈ​കി​യാ​ൽ ബി.​ജെ.​പി​ക്ക് കേ​ന്ദ്ര​ത്തി​ൽ ര​ണ്ടാ​മൂ​ഴം കി​ട്ടി​ല്ലെ​ന്ന താ​ക്കീ​തു​മാ​യി ശി​വ​സേ​നയും ഇവർക്ക് പിന്തുണയുമായെത്തിയിരുന്നു.

ബി.​ജെ.​പി ന​യി​ക്കു​ന്ന കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളി​ൽ ക്ഷേ​ത്ര​കാ​ര്യ​ത്തി​ൽ നി​ർ​ബ​ന്ധി​ത നീ​ക്ക​ങ്ങ​ൾ​ക്ക് സ​മ്മ​ർ​ദം​ ചെ​ലു​ത്തി ഞാ​യ​റാ​ഴ്​​ച അ​യോ​ധ്യ​യി​ൽ വി.​എ​ച്ച്.​പി ധ​ർ​മ​സ​ഭ​യും ശി​വ​സേ​ന ആ​ര​തി​യും ന​ട​ത്തിയിരുന്നു. ലോ​ക്സ​ഭ തെ​ര​ഞ്ഞെ​ടു​പ്പി​നു​മു​മ്പ് ക്ഷേ​ത്ര നി​ർ​മാ​ണ​ത്തി​നു​വേ​ണ്ടി വ്യ​ക്ത​മാ​യ ചു​വ​ടു​വെ​പ്പ്​ ന​ട​ത്തു​മെ​ന്ന് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് നേ​ര​ത്തേ പ​റ​ഞ്ഞി​രു​ന്നു.

എ​ന്നാ​ൽ, കേ​സ് സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലി​രി​ക്കു​ന്ന കാ​ല​ത്തോ​ളം നി​ർ​മാ​ണ തീ​യ​തി പ​റ​യാ​ൻ പ​റ്റി​ല്ലെ​ന്നാണ് ഉ​പ​മു​ഖ്യ​മ​ന്ത്രി​യും ബി.​ജെ.​പി നേ​താ​വു​മാ​യ കേ​ശ​വ് പ്ര​സാ​ദ് മൗ​ര്യ​യുടെ പ്രതികരണം. ആ​ദ്യ​മാ​യി അ​യോ​ധ്യ​യി​ലെ​ത്തു​ന്ന ശി​വ​സേ​ന നേ​താ​വ് ഉ​ദ്ധ​വ് താ​ക്ക​റെ​ക്ക് രാ​മ​ക്ഷേ​ത്ര നി​ർ​മാ​ണ​ത്തി​ൽ ഒ​രു റോ​ളു​മി​ല്ലെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തിരുന്നു.