ഉമർ ഖാലിദിന്റെ ജാമ്യാപേക്ഷ പരിഗണിക്കുന്നത് നവംബർ 25ലേക്ക് മാറ്റി

ന്യൂ​ഡ​ൽ​ഹി: ഡ​ൽ​ഹി ക​ലാ​പ​വു​മാ​യി ബ​ന്ധ​പ്പെ​ട്ട് യു.​എ.​പി.​എ കേ​സി​ൽ ജ​യി​ലിൽ കഴിയുന്ന മു​ൻ ജെ.​എ​ൻ.​യു വി​ദ്യാ​ർ​ഥി​യും ആ​ക്ടി​വി​സ്റ്റു​മാ​യ ഉ​മ​ർ ഖാ​ലി​ദി​ന്റെ ജാ​മ്യാ​പേ​ക്ഷ പരിഗണിക്കുന്നത് ഡ​ൽ​ഹി ഹൈ​കോ​ട​തി മാറ്റി. വി​ദ്യാ​ർ​ഥി ആ​ക്ടി​വി​സ്റ്റ് ഷ​ർ​ജീ​ൽ ഇ​മാം, ഗ​ൾ​ഫി​ഷ ഫാ​ത്തി​മ, യു​നൈ​റ്റ​ഡ് എ​ഗെ​യ്ൻ​സ്റ്റ് ഹേ​റ്റ് സ്ഥാ​പ​ക​ൻ ഖാ​ലി​ദ് സൈ​ഫി തു​ട​ങ്ങി​യ​വ​രു​ടെ ജാ​മ്യാ​പേ​ക്ഷ​യും പരിഗണിക്കുന്നത് ഹൈകോടതി മാറ്റി. നവംബർ 25ലേക്കാണ് ഹരജി മാറ്റിയത്.

ജ​സ്റ്റി​സു​മാ​രാ​യ ന​വീ​ൻ ചൗ​ള, ഷാ​ലി​ന്ദ​ർ കൗ​ർ എ​ന്നി​വ​ര​ട​ങ്ങി​യ ബെ​ഞ്ചാണ് ഹരജി മാറ്റിയത്. നേരത്തെ ഹർജി കേള്‍ക്കുന്നതില്‍ നിന്ന് ഡല്‍ഹി ഹൈകോടതിയിലെ ജസ്റ്റിസ് അമിത് ശര്‍മ പിന്മാറിയിരുന്നു. 2020 ഫെബ്രുവരിയില്‍ വടക്കുകിഴക്കന്‍ ഡല്‍ഹിയിലെ കലാപത്തിലെ പ്രധാന സൂത്രധാരനാണെന്ന് ആരോപിച്ചാണ് ഉമര്‍ ഖാലിദ് അടക്കമുള്ളവര്‍ക്കെതിരെ യു.എ.പി.എ ചുമത്തി ജയിലിലടച്ചത്.

നേ​ര​ത്തെ ഉ​മ​റി​ന്റെ ജാ​മ്യാ​പേ​ക്ഷ പ​രി​ഗ​ണി​ച്ച ജ​സ്റ്റി​സു​മാ​രാ​യ സു​രേ​ഷ് കു​മാ​ർ കൈ​ത്, ഗി​രീ​ഷ് ക​ത്പാ​ലി​യ എ​ന്നി​വ​ര​ട​ങ്ങി​യ ബെ​ഞ്ച് ഡ​ൽ​ഹി പൊ​ലീ​സി​ന് നോ​ട്ടീ​സ് ന​ൽ​കി​യി​രു​ന്നു. 2022 മാ​​ര്‍ച്ചി​​ൽ സ്ഥി​​രം ജാ​​മ്യം തേ​​ടി ഉ​​മ​​ര്‍ ഖാ​​ലി​​ദ് ന​​ൽ​​കി​​യ ഹ​​ര​​ജി വി​​ചാ​​ര​​ണ കോ​​ട​​തി ത​​ള്ളി​യി​രു​ന്നു. മേ​​യ് 28ന് ​​ര​​ണ്ടാ​​മ​​ത്തെ ജാ​​മ്യാ​​പേ​​ക്ഷ​​യും ത​​ള്ളി. തു​​ട​​ർ​​ന്ന്, ​ഹൈ​​കോ​​ട​​തി​​യി​​ലെ​​ത്തി​​യെ​​ങ്കി​​ലും ​സു​​പ്രീം​​കോ​​ട​​തി​​യെ സ​​മീ​​പി​​ക്കാ​​ൻ നി​​ർ​​ദേ​​ശി​​ക്കു​​ക​​യാ​​യി​​രു​​ന്നു.