ദുർഗ പൂജക്ക്​ 200 രൂപ നൽകാൻ കഴിഞ്ഞില്ല; ഊരുവിലക്ക്​ നേരിട്ട്​ മധ്യപ്രദേശിലെ 14 ആദിവാസി കുടുംബങ്ങൾ

ഭോപാൽ: മധ്യപ്രദേശിലെ ഗ്രാമത്തിൽ ദുർഘ പൂജ ആഘോഷങ്ങൾക്ക്​ 200 രൂപ നൽകാൻ കഴിയാത്ത 14 കുടുംബങ്ങൾക്ക്​ ഉൗരുവിലക്ക്​. ബലാഗഡ്​ ജില്ലയിലെ ലമത ഗ്രാമത്തിൽ ഗോണ്ട്​ ആദിവാസി വിഭാഗത്തിൽപ്പെട്ട കുടുംബങ്ങൾക്കാണ്​ വിലക്ക്​.

ലോക്​ഡൗണിൽ തൊഴിൽ നഷ്​ടപ്പെട്ട്​ ഗ്രാമത്തിൽ തിരിച്ചെത്തിയവരാണ്​ ഇവരിൽ പലരും. ഇവരിൽനിന്ന്​ ദുർഗ പൂജ ആഘോഷത്തിനായി 200 രൂപ ആവശ്യപ്പെട്ടിരുന്നു. എന്നാൽ അത്രയും തുക ഇല്ലാത്തതിനാൽ 100 രൂപ നൽകാ​െമന്ന്​ സമ്മതിച്ചെങ്കിലും സംഘാടകർ അംഗീകരിക്കാൻ തയാറായില്ല. തുടർന്ന്​ ഊരുവിലക്ക്​ ഏർപ്പെടുത്തുകയായിരുന്നുവെന്ന്​ ഇന്ത്യൻ എക്​സ്​പ്രസ്​ റിപ്പോർട്ട്​ ചെയ്യുന്നു.

ഊരുവിലക്ക്​ വന്നതോടെ റേഷൻ വാങ്ങാനോ, തൊഴിലിന്​ പോകാനോ കുടുംബങ്ങൾക്ക്​ കഴിയാതെയായതായി. മറ്റുള്ളവരോട്​ സംസാരിക്കാൻ പോലും അനുവാദമില്ലാതെ വന്നതോടെ ജില്ല ഭരണകൂടത്തിനെ സമീപിക്കുകയും പ്രശ്​ന പരിഹാരം കാണുകയുമായിരുന്നു.

ഒക്​ടോബർ 14ന്​ പ്രാ​േദശിക പൂജ സംഘാടകരായ സാർവജനിക്​ ദുർഗ പൂജ സൻസ്​ത ഒരു യോഗം വിളിച്ചുകൂട്ടിയിരുന്നു. ദുർഗ പൂജ ആഘോഷങ്ങളെക്കുറിച്ച്​ സംസാരിക്കാനായിരുന്നു യോഗം. ലമത ഗ്രാമത്തിൽ താമസിക്കുന്ന 170 കുടുംബങ്ങളും 200 രൂപ വീതം ആഘോഷ നടത്തിപ്പിന്​ സംഭാവന ചെയ്യണമെന്നായിരുന്നു തീരുമാനം. എന്നാൽ ലോക്​ഡൗണിൽ തൊഴിൽ നഷ്​ടപ്പെട്ട്​ ദിവസങ്ങളോളം നടന്ന്​ ഗ്രാമത്തിൽ തിരിച്ചെത്തിയ 40 കുടുംബങ്ങൾ ഇത്രയും പണം നൽകാനില്ലെന്ന്​ അറിയിക്കുകയായിരുന്നു. തുടർന്ന്​ സമ്മർദ്ദം ശക്തമായതോടെ 26 കുടുംബങ്ങൾ പണം നൽകാൻ തയാറായി. എന്നാൽ 14 കുടുംബങ്ങൾ 100 രൂപ നൽകാമെന്ന്​ അറിയിക്കുകയായിരുന്നു. എന്നാൽ അത്​ സ്വീകരിക്കാൻ സംഘടാകർ തയാറായില്ല.

ദുർഗ പൂജക്ക്​ ശേഷം നവംബർ മൂന്നിന്​ ഗ്രാമ അധികാരികളുടെ നേതൃത്വത്തിൽ വീണ്ടും യോഗം ചേരുകയും 14 കുടുംബങ്ങൾക്ക്​ വിലക്ക്​ ഏർപ്പെടുത്താൻ തീരുമാനിക്കുകയുമായിരുന്നു. ഇ​േതാടെ തൊഴിലിന്​ പോക​ാനോ റേഷൻ വാങ്ങാനോ കുടുംബങ്ങൾക്ക്​ കഴിയാതെയായി. 14 കുടുംബങ്ങളെ ചികിത്സിക്കരുതെന്ന്​ ഗ്രാമത്തിലെ ഒരു സ്വകാര്യ ഡോക്​ടർക്ക്​ മുന്നറിയിപ്പ്​ നൽകുകയും ചെയ്​തു. നവംബർ മൂന്നുമുതൽ 17 വരെ വിലക്ക്​ നീണ്ടു. തുടർന്ന്​ കുടുബങ്ങൾ പൊലീസിനെ സമീപിച്ചിരുന്നു. പൊലീസ്​ ഇടപ്പെ​ട്ടെങ്കിലും ഗ്രാമവാസികൾ വഴങ്ങാതെ വന്നതോടെ കലക്​ടർ ഇടപ്പെട്ട്​ പ്രശ്​നം പരിഹരിക്കുകയായിരുന്നു.