കോവിഡ്​ വാക്​സിൻ അടുത്തവർഷം ആദ്യപാദത്തോടെ -കേന്ദ്ര ആരോഗ്യമന്ത്രി

ന്യൂഡൽഹി: അടുത്തവർഷം ആദ്യപാദത്തോടെ കോവിഡ്​ പ്രതിരോധ വാക്​സിൻ പുറത്തിറക്കുമെന്ന്​ കേന്ദ്ര ആരോഗ്യമന്ത്രി ഹർഷ വർധൻ. വാക്​സിൻ പുറത്തിറക്കുന്നതി​െൻറ തീയതി ഇതുവരെ നിശ്ചയിച്ചി​ട്ടില്ലെന്നും സൺഡേ സംവാദ്​ സാമൂഹിക മാധ്യമ സംവാദ പരിപാടിയിൽ അദ്ദേഹം പറഞ്ഞു.

ഓക്​സ്​ഫഡ്​ സർവകലാശാലയും മരുന്ന്​ നിർമാണ കമ്പനിയായ ആസ്​ട്രസെനകയും ചേർന്ന്​ നിർമിച്ച കോവിഡ്​ വാക്​സി​െൻറ പരീക്ഷണം ബ്രിട്ടീഷ്​ അധികൃതരിൽനിന്ന്​ അനുമതി ലഭിച്ചതോടെ പുനഃരാരംഭിച്ചതായി ആസ്​ട്രസെനക വ്യക്തമാക്കിയതിന്​ ശേഷമാണ്​ മന്ത്രിയുടെ പ്രതികരണം. വാക്​സിൻ പരീക്ഷിച്ച ഒരാളിൽ അജ്ഞാത രോഗം കണ്ടെത്തിയതിനെ തുടർന്ന്​ നേരത്തേ വാക്​സിൻ പരീക്ഷണം നിർത്തിവെച്ചിരുന്നു. ഡ്രഗ്​ കൺട്രോളർ ഓഫ്​ ഇന്ത്യ കാരണം കാണിക്കൽ നോട്ടീസ്​ അയച്ചതിനെ തുടർന്ന്​ ഇന്ത്യയിൽ വാക്​സിൻ പരീക്ഷണത്തിന്​ നേതൃത്വം നൽകുന്ന സെറം ഇൻസ്​റ്റിറ്റ്യൂട്ട്​ പരീക്ഷണം നിർത്തിവെച്ചിരുന്നു.

എല്ലാ മുൻകരുതൽ നടപടികളും സ്വീകരിച്ച ശേഷം മാത്രമേ വാക്​സിൻ മനുഷ്യരിൽ പരീക്ഷണം നടത്തുവെന്ന്​ മന്ത്രി ഉറപ്പുനൽകി. വാക്​സിൻ സുരക്ഷ, ചെലവ്​, ​ആവശ്യകത എന്നീ പ്രശ്​നങ്ങൾ കാര്യമായി ചർച്ച ചെയ്​തുവരുന്നതായും മന്ത്രി അറിയിച്ചു.

വാക്​സിൻ തയാറായി കഴിഞ്ഞാൽ ആവശ്യകത അനുസരിച്ച്​ മുൻഗണന ക്രമം അനുസരിച്ചായിരിക്കും വിതരണം. വാക്​സി​െൻറ ആദ്യ ഡോസ്​ സ്വീകരിക്കുന്നതിൽ സന്തോഷമുണ്ടെന്നും കേന്ദ്രമന്ത്രി പറഞ്ഞു.