കൊലപാതക ശ്രമം; കേന്ദ്ര മന്ത്രിയുടെ മകൻ അറസ്​റ്റിൽ

ഭോപ്പാൽ: മധ്യപ്രദേശിൽ നടന്ന സംഘർഷവുമായി ബന്ധപ്പെട്ട്​ കേന്ദ്രമന്ത്രിയുടെ മകൻ കൊലപാതക ശ്രമത്തിന്​ അറസ്​റ ്റിൽ. കേന്ദ്രമന്ത്രി പ്രഹ്​ളാദ്​ സിങ്​ പ​ട്ടേലിൻെറ മകൻ പ്രബൽ പ​ട്ടേൽ(26) ആണ്​ ചൊവ്വാഴ്​ച അറസ്​റ്റിലായത്​. പ്രഹ ്​ളാദ്​ സിങ് പ​ട്ടേലിൻെറ അനന്തിരവനും ശിവരാജ്​ സിങ്​ ചൗഹാൻ മന്ത്രിസഭയിലെ ബി.ജെ.പി മന്ത്രി ജലംസിങ്​ പ​ട്ടേലിൻെ റ മകനുമായ മോനു പ​ട്ടേലും കേസിൽ ഉൾപ്പെട്ടിട്ടുണ്ട്​. ഇയാളെ ഇതുവരെ അറസ്​റ്റ്​ ചെയ്​തിട്ടില്ല. കേസിൽ ഏഴ്​ പേർ ഇതിനകം പൊലീസിൻെറ വലയിലായിട്ടുണ്ട്​.

മധ്യപ്രദേശിലെ ഗോട്ടഗോൺ നർസിങ്​പൂർ ജില്ലയിൽ തിങ്കളാഴ്​ച അർധ രാത്രിയായിരുന്നു കേസിനാസ്​പദമായ സംഭവം​. രണ്ട്​ പേർ കേന്ദ്രമന്ത്രിയുടെ മകനും കൂട്ടാളികളുമായി തർക്കത്തിൽ ഏർപ്പെട്ടതോടെയാണ്​ സംഘർഷം തുടങ്ങിയത്​. തുടർന്ന്​ പ്രബൽ പ​ട്ടേലും സംഘവും ഈ രണ്ടു പേരെയും ആക്രമിക്കുകയും അവരേയ​ും കൊണ്ട്​ ഹോം ഗാർഡ്​ ഈശ്വർ റായുടെ വീട്ടിലേക്ക്​ പോവുകയും ചെയ്​തു.

അവിടെ വെച്ച്​ ഈശ്വർ റായുടെ മകനുമായി ഇവർ സംഘർഷത്തിലേർപ്പെട്ടു. ഇത്​ ചെറുക്കാൻ വന്ന ഈശ്വർ റായിയേയും സംഘം ആക്രമിച്ചു. ആക്രമണത്തിൽ ഗുരുതരമായി പരിക്കേറ്റ ഈശ്വർ റായ്​ ആശുപത്രിയിൽ ചികിത്സയിലാണ്​.

മന്ത്രി പുത്രൻമാർ ഉൾപ്പെട്ട ആക്രമണം അനധികൃത മണലൂറ്റലുമായി ബന്ധപ്പെട്ടതാണെന്ന്​ കോൺഗ്രസ്​ വക്താവ്​ നരേന്ദ്ര സിങ്​ സലൂജ ആരോപിച്ചു. ഹോം ഗാർഡിനെ ആക്രമിച്ചതും നർമദ നദിയിൽ നിന്നുള്ള അനധികൃത മണലൂറ്റലും തമ്മിൽ ബന്ധമുണ്ടോ എന്ന കാര്യം പൊലീസ്​ അന്വേഷിക്കുന്നുണ്ട്​.