ഉന്നാവ്​ ബലാത്സംഗ കേസ്​​: ബി.ജെ.പി എം.എൽ.എയെ പ്രതിചേർത്തു

ന്യൂഡൽഹി: ഉത്തർപ്രദേശിലെ ഉന്നാവിൽ നടന്ന​ കൂട്ടബലാത്സംഗ കേസിൽ ബി.ജെ.പി എം.എൽ.എയെ പ്രതി ചേർത്ത്​ സി.ബി.​െഎ കുറ്റപത്രം സമർപ്പിച്ചു. കുൽദീപ്​ സിങ്​ സെൻഗാർ എം.എൽ.എയെയാണ്​ സി.ബി.​െഎ കേസിൽ പ്രതി ചേർത്തത്​. 15കാരിയായ പെൺകുട്ടി കഴിഞ്ഞ ഏപ്രിലിൽ ബന്ധുവുമൊത്ത്​ ജോലി സംബന്ധമായ കാര്യത്തിന്​ എം.എൽ.എയെ സന്ദർശിക്കാനായി വസതിയിലെത്തിയപ്പോൾ എം.എൽ.എ ബലാത്സംഗം ചെയ്​തെ​ന്നാണ്​ കേസ്​. 

ഉന്നാവ്​ ബലാത്സംഗ കേസിലെ പെൺകുട്ടിയുടെ പിതാവിനെ വധിച്ചതിന് സെൻഗാറി​​​െൻറ സഹോദരൻ ഉൾപ്പെടെയുള്ള അഞ്ച്​ പേർക്കെതിരെ സി.ബി.​െഎ ആദ്യ കുറ്റപത്രം സമർപ്പിച്ചിരുന്നു. കു​ൽ​ദീ​പ്​ സി​ങ്ങി​​​​​​െൻറ ബ​ലാ​ത്സം​ഗ​ത്തി​ന്​ ഇ​ര​യാ​യ പെ​ൺ​കു​ട്ടി നീതി തേടി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​​​​​​െൻറ വീ​ടി​നു​മു​ന്നി​ൽ ആത്മാഹൂതി ശ്രമം നടത്തിയിരുന്നു. ഇതേ തുടർന്ന്​​ എം.എൽ.എയെ നേരത്തെ സി.ബി.​െഎ അറസ്​റ്റ്​ ചെയ്​തിരുന്നു.

ഇ​തു​മാ​യി ബ​ന്ധ​പ്പെ​ട്ട്​ പെൺകുട്ടിയ​ുടെ പി​താ​വി​െ​ന എം.എൽ.എയുടെ അനുയായികൾ​ മർദ്ദിക്കുകയുണ്ടായി. ഗുരുതരമായി പരിക്കേറ്റ ഇയാൾ പിന്നീട്​ പൊ​ലീ​സ്​ ക​സ്​​റ്റ​ഡി​യി​ലിരിക്കെ മരിച്ചു. ഇത്​ വൻ വിവാദത്തിനിടയാക്കിയിരുന്നു. കേസിലെ എ​ല്ലാ പ്ര​തി​ക​ളും ജു​ഡീ​ഷ്യ​ല്‍ ക​സ്​​റ്റ​ഡി​യി​ലാ​ണു​ള്ള​ത്​. കുട്ടിയുടെ പിതാവിനെ മർദ്ദിക്കാൻ തനിക്ക്​ എം.എൽ.എയുടെ നിർദ്ദേശമുണ്ടായിരു​ന്നെന്ന്​ അറസ്​റ്റിലായ മഖി പൊലീസ് സ്​റ്റേഷൻ ഒാഫിസർ കെ.പി. സിങ്ങി​​​െൻറ വെളിപ്പെടുത്തൽ പുറത്തു വന്നിരുന്നു. എം.എൽ.എയുടെ സഹോദരൻ അതുൽ സിങ്​ സെൻഗർ കുട്ടിയുടെ പിതാവിനെ സ്​റ്റേഷനിൽ വെച്ച് മർദിച്ച ദിവസം തന്നെയാണ് തനിക്കും മർദനത്തിന് അദ്ദേഹം നിർദേശം നൽകിയതെന്നാണ്​ കേസ് അന്വേഷിക്കുന്ന സി.ബി.​െഎ ഉദ്യോഗസ്ഥരോട് സ്​റ്റേഷൻ ഒാഫിസർ പറഞ്ഞത്​.