കലാപക്കുറ്റത്തിന് രണ്ടു വർഷം തടവ്; ബി.​ജെ.പി നേതാവിന് എം.പി സ്ഥാനം പോകും

ന്യൂ​ഡ​ൽ​ഹി: രാ​ഹു​ൽ ​ഗാ​ന്ധി​യു​ടെ അ​യോ​ഗ്യ​ത​ക്ക് ആ​ധാ​ര​മാ​യ സൂ​റ​ത്ത് കോ​ട​തി വി​ധി സു​പ്രീം​കോ​ട​തി റ​ദ്ദാ​ക്കി​യ​തി​നു പി​ന്നാ​ലെ ഉ​ത്ത​ർ​പ്ര​ദേ​ശി​ൽ നി​ന്നു​ള്ള ബി.​ജെ.​പി എം.​പി​യെ ക​ലാ​പ​ക്കു​റ്റ​ത്തി​ന് ര​ണ്ടു വ​ർ​ഷം ത​ട​വി​ന് ശി​ക്ഷി​ച്ചു.

മു​തി​ർ​ന്ന ബി.​ജെ.​പി നേ​താ​വും ഇ​ട്ടാ​വ​യി​ൽ നി​ന്നു​ള്ള ലോ​ക്സ​ഭാം​ഗ​വു​മാ​യ രാം ​ശ​ങ്ക​ർ ക​ത്തേ​രി​യ​യെ​യാ​ണ് ആ​ഗ്ര​യി​ലെ എം.​പി​/​എം.​എ​ൽ.​എ​മാ​ർ​ക്കു​ള്ള പ്ര​ത്യേ​ക കോ​ട​തി 12 വ​ർ​ഷം പ​ഴ​ക്ക​മു​ള്ള കേ​സി​ൽ ശി​ക്ഷി​ച്ച​ത്. ഇ​തോ​ടെ ജ​ന​പ്രാ​തി​നി​ധ്യ നി​യ​മ​പ്ര​കാ​രം ബി.​ജെ.​പി നേ​താ​വി​ന്റെ ലോ​ക്സ​ഭാം​ഗ​ത്വം ന​ഷ്ട​മാ​കും.

സു​പ്രീം​കോ​ട​തി വി​ധി വ​ന്ന് 48 മ​ണി​ക്കൂ​ർ ക​ഴി​ഞ്ഞി​ട്ടും രാ​ഹു​ൽ ഗാ​ന്ധി​യു​ടെ അ​യോ​ഗ്യ​ത പി​ൻ​വ​ലി​ക്കാ​ത്ത വി​വാ​ദ​ങ്ങ​ൾ​ക്കി​ട​യി​ലാ​ണ് ഉ​ത്ത​ർ​പ്ര​ദേ​ശി​ലെ ബി.​ജെ.​പി നേ​താ​വി​ന് എം.​പി സ്ഥാ​നം ​പോ​കു​ന്ന സാ​ഹ​ച​ര്യം സം​ജാ​ത​മാ​യി​രി​ക്കു​ന്ന​ത്.

2011 ന​വം​ബ​ർ 16ന് ​ക​ത്തേ​രി​യ ആ​ഗ്ര എം.​പി​യാ​യി​രി​ക്കെ 15ഓ​ളം അ​നു​യാ​യി​ക​ളു​മാ​യി വൈ​ദ്യു​തി വി​ത​ര​ണ​ക്കാ​രാ​യ ‘ടോ​റ​ന്റ് പ​വ​ർ’ ക​മ്പ​നി​യി​ലേ​ക്ക് ഇ​ര​ച്ചു​ക​യ​റി അ​ക്ര​മ​മു​ണ്ടാ​ക്കി​യ​തി​ന് ഇ​ന്ത്യ​ൻ ശി​ക്ഷാ​നി​യ​മം 147ാം വ​കു​പ്പ് പ്ര​കാ​രം ക​ലാ​പ​ത്തി​നും 323ാം വ​കു​പ്പ് പ്ര​കാ​രം പ​രി​ക്കേ​ൽ​പി​ച്ച​തി​നു​മാ​ണ് യു.​പി പൊ​ലീ​സ് കേ​സെ​ടു​ത്തി​രു​ന്ന​ത്.