യു.പിയിൽ വാക്​സിൻ സ്വീകരിച്ച 46കാരൻ മരിച്ചു; പാർശ്വഫലമല്ലെന്ന്​ വിദഗ്​ധർ

ലഖ്​നോ: കോവിഡ്​ പ്രതിരോധ വാക്​സിൻ സ്വീകരിച്ചതിന്​ പി​ന്നാലെ ഉത്തർപ്രദേശിൽ സർക്കാർ ആശുപത്രി ജീവനക്കാരൻ മരിച്ചു. കോവിഡ്​ വാക്​സിൻ സ്വീകരിച്ച്​ 24 മണിക്കൂർ തികയുന്നതിന്​ മുമ്പാണ്​ 46കാരനായ മഹിപാൽ സിങ്ങിന്‍റെ മരണം​. നെഞ്ചുവേദനയും ശ്വാസതടസവും മൂലമാണ്​ മരണം.

അതേസമയം വാക്​സിന്‍റെ പാർശ്വഫലങ്ങളെ തുടർന്നല്ല മരണമെന്ന്​ ജില്ല ചീഫ്​ മെഡിക്കൽ ഓഫിസർ അറിയിച്ചു. കുത്തിവെപ്പ്​ എടുക്കുന്നതിന്​ മുമ്പുതന്നെ അദ്ദേഹത്തിന്​ ആരോഗ്യ പ്രശ്​നങ്ങൾ ശ്രദ്ധയിൽപ്പെട്ടിരുന്നതായി കുടുംബവും പറഞ്ഞു.

ശനിയാഴ്ച വൈകീട്ടാണ്​ മഹിപാൽ വാക്​സിൻ സ്വീകരിക്കുന്നത്​. ഞായറാഴ്ച രാവിലെ ശ്വാസ തടസവും നെഞ്ച​ുവേദനയും അനുഭവ​െപ്പടുകയായിരുന്നു. മരണത്തെക്കുറിച്ച്​ അന്വേഷണം പുരോഗമിക്ക​ുകയാണ്​. പോസ്റ്റുമോർട്ടം നടത്തിയശേഷം മാത്രമേ മരണകാരണം വ്യക്തമാകൂ. വാക്​സിന്‍റെ പാർശ്വഫലത്തെ തുടർന്നല്ല അദ്ദേഹത്തിന്‍റെ മരണം. ശനിയാഴ്ച രാത്രി അദ്ദേഹം രാ​ത്രി ​േജാലിയിലുണ്ടായിരുന്നു. ​അപ്പോൾ യാതൊരുവിധ ആരോഗ്യ പ്രശ്​നങ്ങളുമില്ലായിരുന്നു -മൊറാദാബാദ്​ ചീഫ്​ മെഡിക്കൽ ഓഫിസർ എം.സി. ഗാർഗ്​ മാധ്യമങ്ങളോട്​ പറഞ്ഞു.

കാർഡിയോ പൾമണറി രോഗത്തെ തുടർന്നുണ്ടായ കാർഡിയോജനിക്​​ ഷോക്കാണ്​ അ​ദ്ദേഹത്തിന്‍റെ മരണകാരണമെന്ന്​ പോസ്റ്റ്​മോർട്ടം റി​േപ്പാർട്ടിൽ പറയുന്നതായി യു.പി സർക്കാർ വൃത്തങ്ങൾ അറിയിച്ചു.

വാക്​സിൻ സ്വീകരിക്കുന്നതിന്​ മുമ്പുതന്നെ അദ്ദേഹത്തിന്​ സുഖമില്ലായിരുന്നു. എന്നാൽ വാക്​സിൻ സ്വീകരിച്ചതോടെ ആരോഗ്യനില വഷളാകുകയായിരുന്നുവെന്ന്​ മഹിപാലിന്‍റെ മകൻ പറഞ്ഞു.