ഹനുമാൻ മുസ്​ലിം ആയിരുന്നു: വിചിത്ര വാദവുമായി ബി.ജെ.പി നേതാവ്​

ലഖ്​നോ: ഹനുമാന്‍ ദലിതനാണെന്നു വാദിച്ച ബി.ജെ.പി നേതാവും മുഖ്യമന്ത്രിയുമായ യോഗി ആദിത്യനാഥി​െന പിന്നിലാക്കി ഹനുമാന്‍ സാക്ഷാൽ മുസ്​ലിം ആണെന്ന വിചിത്ര കണ്ടെത്തലുമായി ബി.ജെ.പി നേതാവും എം.എൽ.സിയുമായ ബുക്കാൽ നവാബ്​. എല്ലാ മുസ്​ലിം പേരുകളുടെയും ഉത്ഭവം ഹനുമാനിൽനിന്നാണെന്നാണ്​​ അദ്ദേഹത്തി​​​െൻറ വാദം.
‘ഹനുമാൻ ലോകത്ത്​ എല്ലായിടത്തുമുണ്ട്​. എല്ലാ മതങ്ങളിലെയും ആളുകളെ ഇഷ്​ട​െപ്പടുന്നു. എല്ലാ വിഭാഗം ജനങ്ങളോടും ഹനുമാൻ സ്​നേഹം പുലർത്തുന്നുണ്ട്​. എ​​​െൻറ അറിവിൽ ഹനുമാൻ മുസ്​ലിം ആണ്​’ -നവാബ്​ പറഞ്ഞു. വാർത്ത ഏജൻസിയായ എ.എൻ.​െഎ റിപ്പോർട്ട്​ ചെയ്​തതാണിത്​.

ഞങ്ങളുടെ മതത്തിലെ റഹ്​മാൻ, റമദാൻ, ഫർമാൻ, സിഷാൻ, ഖുർബാൻ പേരുകൾ ഹനുമാനിൽ നിന്നാണ്​ വന്നത്​. ഇംറാൻ, ഫുർഖാൻ, സുൽത്താൻ, സുലൈമാൻ തുടങ്ങിയ പേരുകളും ഹനുമാനും സാദൃശ്യമുണ്ട്​. ഇതുപോലെ എല്ലാ മുസ്​ലിംനാമങ്ങളും ഹനുമാനില്‍നിന്നാണ്​ വന്നത്​- ബുക്കാല്‍ നവാബ്​ പറഞ്ഞു.
നവാബി​​​െൻറ വാക്കുകൾ വിവാദമാകുന്നത്​ ആദ്യമല്ല. മുമ്പ്​ പ്രതിപക്ഷത്ത്​​ സമാജ്​വാദി പാർട്ടി നേതാവായിരിക്കെ അയോധ്യയിൽ രാമക്ഷേത്ര നിർമാണത്തിന്​ 15 കോടി രൂപ സംഭാവന നൽകുമെന്ന്​ അദ്ദേഹം തട്ടിവിട്ടിരുന്നു.