ബാബരി പള്ളിക്ക്​ അഞ്ച് സ്ഥലങ്ങളുമായി ഉത്തർപ്രദേശ്​ സർക്കാർ

ലഖ്​നോ: ബാബരി ഭൂമി തർക്ക കേസിൽ സുപ്രീംകോടതി ഉത്തരവ്​ അനുസരിച്ച്​ പള്ളിക്കായി ഭൂമി കണ്ടെത്തി ഉത്തർപ്രദേശ്​ സർക്കാർ. മിർസാപുർ, ഷംസുദ്ദീൻപുർ, ചന്ദാപുർ എന്നിവിടങ്ങളിലെ അഞ്ചു സ്ഥലങ്ങളാണ്​ പള്ളി നിർമിക്കുന്നതിനായി സർക്കാർ ക​െണ്ടത്തിയിരിക്കുന്നത്​.

അയോധ്യയിലെ പുണ്യസ്ഥലം എന്ന്​ കരുതപ്പെടുന്ന ഇടത്തിൽ നിന്നും 15 കിലോമീറ്റർ അകലെയുള്ള സ്ഥലങ്ങളാണ്​ സർക്കാർ പരിഗണിക്കുന്നത്​. പള്ളിക്ക്​ അനുയോജ്യമായ സ്ഥലം സുന്നി വഖഫ്​ ബോർഡി​​​​​െൻറ നിർദേശപ്രകാരമായിരിക്കും തെരഞ്ഞെടുക്കുക.
നവംബർ ഒമ്പതിലെ സുപ്രീകോടതി ​ഉത്തരവ്​ പ്രകാരം അഞ്ച്​ ഏക്കർ ഭൂമി പള്ളി നിർമാണത്തിനായി സുന്നി വഖഫ്​ ബോർഡിന്​ കൈമാറും. മൂന്നു മാസത്തിനുള്ളിൽ മുസ്​ലിംകൾക്ക്​ പള്ളിക്കായി അഞ്ച്​ ഏക്കർ ഭൂമി കണ്ടെത്തി നൽകണമെന്നായിരുന്നു സുപ്രീംകോടതിയുടെ വിധി. എന്നാൽ ഭൂമി സ്വീകരിക്കേണ്ടെന്ന പൊതു നിലപാടിലാണ്​ മുസ്​ലിം സംഘടനകൾ.

1992ല്‍ ബാബരി മസ്ജിദ് തകര്‍ക്കപ്പെട്ടത്. പള്ളി നിലനിന്നിരുന്ന 2.7 ഏക്കര്‍ ഭൂമി ഹിന്ദുക്കൾക്ക്​ ക്ഷേത്രം നിർമിക്കാനും തർക്ക ഭൂമിക്ക്​ പുറത്ത്​ അഞ്ച്​ ഏക്കർ പള്ളി നിർമിക്കാൻ നൽകണമെന്നുമാണ്​ നവംബർ ഒമ്പതിന്​ സുപ്രീംകോടതി ചീഫ് ജസ്റ്റിസ് അധ്യക്ഷനായ അഞ്ചംഗ ഭരണഘടനാ ബെഞ്ച്​ ഉത്തരവിട്ടത്​. സു​പ്രീം​കോ​ട​തി വി​ധി​ക്കെ​തി​രെ സ​മ​ർ​പ്പി​ച്ച 19 പു​നഃ​പ​രി​ശോ​ധ​ന ഹ​ര​ജി​ക​ളും ഡിസംബർ 12 ന്​ ചീ​ഫ്​ ജ​സ്​​റ്റിസ്​റ്റ്​ അധ്യക്ഷനായ അഞ്ചംഗ ബെഞ്ച്​ തള്ളിയിരുന്നു.