ഉത്തരാഖണ്ഡ്​ കോൺഗ്രസ്​ എം.എൽ.എ ഇന്ന്​ ബി.ജെ.പിയിൽ ചേർ​ന്നേക്കും

ഡെറാഡൂൺ: ഉത്തരാഖണ്ഡ്​ കോൺഗ്രസ്​ എം.എൽ.എ രാജ്​കുമാർ ഇന്ന്​ ബി.ജെ.പിയിൽ ചേർന്നേക്കും. ഡൽഹിയിൽ നടക്കുന്ന പരിപാടിയിൽ രാജ്​കുമാർ ബി.ജെ.പി അംഗത്വം സ്വീകരിക്കുമെന്നാണ്​ റിപ്പോർട്ട്​. ഉത്തരാഖണ്ഡിലെ പുരോള മണ്ഡലത്തിൽ നിന്നാണ്​ രാജ്​കുമാർ ജയിച്ചത്​.

2007 മുതൽ 2012 വരെ രാജ്​കുമാർ ബി.ജെ.പി അംഗമായിരുന്നു. ​ 2012, 2017 വർഷങ്ങളിൽ നടന്ന തെരഞ്ഞെടുപ്പിൽ രാജ്​കുമാറിന്​ ബി.ജെ.പി സീറ്റ്​ നൽകിയിരുന്നില്ല. തുടർന്ന്​ അദ്ദേഹം കോൺഗ്രസിൽ ചേരുകയായിരുന്നു. അടുത്ത വർഷമാണ്​ ഉത്തരാഖണ്ഡിൽ തെരഞ്ഞെടുപ്പ്​ നടക്കുന്നത്​.

ബി.ജെ.പിയാണ്​ നിലവിൽ ഉത്തരാഖണ്ഡിൽ ഭരണം നടത്തുന്നത്​. തിർഥ്​ സിങ്​ റാവത്താണ്​ മുഖ്യമന്ത്രി. ബി.ജെ.പിയിലെ തമ്മിലടിയെ തുടർന്നാണ്​ മുഖ്യമന്ത്രി ത്രിവേന്ദ്ര സിങ്​ റാവത്ത്​ രാജിവെച്ചത്​. അടുത്ത വർഷം തെരഞ്ഞെടുപ്പിനെ നേരിടാൻ ഒരുങ്ങു​േമ്പാൾ പാർട്ടിയിലെ തർക്കങ്ങൾ തന്നെയാണ്​ ബി.ജെ.പിയുടെ വെല്ലുവിളി. ഇതിനിടയിലാണ്​ കോൺഗ്രസ്​ എം.എൽ.എ പാർട്ടിയിലേക്ക്​ എത്തുന്നത്​.