ഉത്തരാഖണ്ഡില്‍ മേഘസ്‌ഫോടനം; പ്രളയത്തിൽ ആറു മരണം

പിത്തോറഗഢ്: ഉത്തരാഖണ്ഡില്‍ മേഘസ്‌ഫോടനത്തെ തുടര്‍ന്നുണ്ടായ കനത്ത മഴയിലും വെള്ളപ്പാച്ചിലിലും  ആറു പേര്‍ മരിച്ചു.  ഒരു സൈനികനെ കാണാതായി​. പിത്തോറഗഢ് ജില്ലയിലെ ദാർചുല ഗ്രാമത്തിൽ തിങ്കളാഴ്​ച പുലർച്ചെയാണ്​ രണ്ടിടത്തായി മേഘസ്​ഫോടനമുണ്ടായത്​. മലവെള്ളപ്പാച്ചിലിൽ രണ്ട്​ റോഡുകള്‍ ഒലിച്ചുപോയി. പലയിടത്തുനിന്നും ആളുകളെ സുരക്ഷിത സ്​ഥലങ്ങളിലേക്ക്​ മാറ്റി. 

ദേശീയ ദുരന്തനിവാരണ സേനയും സംസ്​ഥാനത്തെ രക്ഷാപ്രവർത്തകരും ചേർന്ന്​ നടത്തിയ തിരച്ചിലിലാണ്​ മണ്ണിനടിയിൽപ്പെട്ട ആറുപേരുടെ മൃതദേഹങ്ങൾ കണ്ടെടുത്തത്​. 

ദുരന്തത്തെ തുടർന്ന്​ സംസ്​ഥാന മുഖ്യമന്ത്രി ത്രിവേന്ദ്ര സിങ്​ റാവൽ, ധനകാര്യമന്ത്രി പ്രകാശ്​ പാന്ത്​ എന്നിവർ ദുരിതബാധിത പ്രദേശങ്ങൾ സന്ദർശിച്ചു. രക്ഷാപ്രവർത്തനങ്ങൾ യുദ്ധകാലാടിസ്​ഥാനത്തിൽ നടപ്പാക്കാൻ ബന്ധപ്പെട്ടവർക്ക്​ നിർദേശം നൽകിയിട്ടുണ്ടെന്ന്​ മുഖ്യമന്ത്രി അറിയിച്ചു.