ഉത്തരകാശി ഹിന്ദുത്വ ഭീഷണി സംരക്ഷണം തേടി വഖഫ് ബോർഡ്

ന്യൂ​ഡ​ൽ​ഹി: ‘ല​വ് ജി​ഹാ​ദ്’ വി​ദ്വേ​ഷം പ​ട​ർ​ത്തി മു​സ്‍ലിം​ക​ളോ​ട് ഒ​ഴി​ഞ്ഞു​പോ​കാ​ൻ ആ​വ​ശ്യ​പ്പെ​ട്ട ഹി​ന്ദു​ത്വ തീ​വ്ര​വാ​ദ സം​ഘ​ട​ന​ക​ളി​ൽ​നി​ന്ന് സം​ര​ക്ഷ​ണം തേ​ടി ഉ​ത്ത​രാ​ഖ​ണ്ഡ് വ​ഖ​ഫ് ബോ​ർ​ഡ് ചെ​യ​ർ​മാ​ൻ ശ​ദാ​ബ് ശം​സ് മു​ഖ്യ​മ​ന്ത്രി പു​ഷ്‍ക​ർ സി​ങ് ധാ​മി​യെ ക​ണ്ടു.

വി​ഷ​യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട്ട് ഉ​ത്ത​രാ​ഖ​ണ്ഡി​ൽ മു​സ്‍ലിം​ക​ളു​ടെ സു​​ര​ക്ഷ ഉ​റ​പ്പാ​ക്ക​ണ​മെ​ന്ന് മു​ഖ്യ​മ​ന്ത്രി​​യോ​ട് അ​ഭ്യ​ർ​ഥി​ച്ചു​വെ​ന്ന് ശ​ദാ​ബ് ശം​സ് വ്യ​ക്ത​മാ​ക്കി. ല​ക്സ​റി​ൽ​നി​ന്നു​ള്ള ബി.​എ​സ്.​പി എം.​എ​ൽ.​എ ഹാ​ജി മു​ഹ​മ്മ​ദ് ശ​ഹ്സാ​ദും വ​ഖ​ഫ് ബോ​ർ​ഡ് ചെ​യ​ർ​മാ​നൊ​പ്പ​മു​ണ്ടാ​യി​രു​ന്നു.

ഒ​രു നി​ര​പ​രാ​ധി​യും വേ​ദ​ന അ​നു​ഭ​വി​ക്കു​ക​യോ പീ​ഡി​പ്പി​ക്ക​പ്പെ​ടു​ക​യോ ചെ​യ്യി​ല്ലെ​ന്ന് താ​ൻ ഉ​റ​പ്പു​വ​രു​​ത്തു​മെ​ന്ന് മു​ഖ്യ​മ​ന്ത്രി വാ​ഗ്ദാ​നം ന​ൽ​കി​യ​താ​യും ശ​ദാ​ബ് ശം​സ് പ​റ​ഞ്ഞു. ഈ ​മാ​സം 15ന​കം ക​ട​ക​ൾ ഒ​ഴി​ഞ്ഞു​പോ​കാ​ൻ ഉ​ത്ത​ര​കാ​ശി​യി​ലെ മു​സ്‍ലിം വ്യാ​പാ​രി​ക​ൾ​ക്ക് ഹി​ന്ദു​ത്വ സം​ഘ​ട​ന​ക​ൾ മു​ന്ന​റി​യി​പ്പ് ന​ൽ​കി​യ സാ​ഹ​ച​ര്യ​ത്തി​ൽ ഈ ​മാ​സം 18ന് ​ഡ​റാ​ഡൂ​ണി​ൽ മ​ഹാ​പ​ഞ്ചാ​യ​ത്ത് ന​ട​ത്താ​ൻ ഇ​വി​ട​ത്തെ ഖാ​ദി മു​ഹ​മ്മ​ദ് അ​ഹ്മ​ദ് ഖാ​സി​മി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന മു​സ്‍ലിം നേ​താ​ക്ക​ളു​ടെ യോ​ഗം തീ​രു​മാ​നി​ച്ചി​രു​ന്നു.

ഇ​തി​നു​പി​ന്നാ​ലെ​യാ​ണ് വ​ഖ​ഫ് ബോ​ർ​ഡ് അ​ധ്യ​ക്ഷ​ൻ മു​ഖ്യ​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തി​യ​ത്. പു​രോ​ല​യി​ൽ​നി​ന്ന് തെ​ഹ്‍രി ഗ​ഡ്‍വാ​ൾ, ബാ​ർ​കോ​ട്ട്, ചി​ന്യാ​ലി​സോ​ർ, നോ​ഗോ​വ്, ഡാം​ട്ട, ബ​ർ​ണി​ഗാ​ഡ്, ശ​ന​ട്വ​ർ, ഭ​ട്വാ​രി എ​ന്നി​വി​ട​ങ്ങ​ളി​ലേ​ക്കും വി​ദ്വേ​ഷ പ്ര​ചാ​ര​ണം പ​ട​ർ​ന്നി​ട്ടു​ണ്ട്.

ഉ​ത്ത​ര​കാ​ശി​യി​ലെ പു​രോ​ല​യി​ൽ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ത​ട്ടി​ക്കൊ​ണ്ടു​പോ​യ കേ​സി​ൽ മേ​യ് 26ന് ​ഉ​ബൈ​ദ് ഖാ​ൻ(24) എ​ന്ന കി​ട​ക്ക വി​ൽ​പ​ന​ക്കാ​ര​നും, ജി​തേ​ന്ദ്ര സൈ​നി (23) എ​ന്ന മോ​ട്ടോ​ർ സൈ​ക്കി​ൾ മെ​ക്കാ​നി​ക്കും അ​റ​സ്റ്റി​ലാ​യി​രു​ന്നു. കേ​സി​ൽ ജി​തേ​ന്ദ്ര സൈ​നി​യു​ടെ പേ​ര് മ​റ​ച്ചു​വെ​ച്ച് ഉ​ബൈ​ദ് ഖാ​നെ മാ​ത്രം ഉ​യ​ർ​ത്തി​ക്കാ​ണി​ച്ച് ഹി​ന്ദു​ത്വ തീ​വ്ര​വാ​ദി​ക​ൾ ‘ല​വ് ജി​ഹാ​ദ്’ കേ​സാ​യി അ​വ​ത​രി​പ്പി​ക്കു​ക​യാ​യി​രു​ന്നു.

തു​ട​ർ​ന്ന് തീ​വ്ര ഹി​ന്ദു​ത്വ സം​ഘ​ട​ന​ക​ളും വ്യാ​പാ​രി സം​ഘ​ട​ന​ക​ളും നാ​ട്ടു​കാ​രി​ൽ ചി​ല​രും ചേ​ർ​ന്ന് വി​ദ്വേ​ഷ റാ​ലി​ക​ൾ സം​ഘ​ടി​പ്പി​ച്ചു. പു​രോ​ല വി​ട്ടു​പോ​യി​ല്ലെ​ങ്കി​ൽ ഗു​രു​ത​ര ഭ​വി​ഷ്യ​ത്ത് നേ​രി​ടേ​ണ്ടി വ​രു​മെ​ന്ന് ഇ​വ​ർ മു​സ്‍ലിം​ക​ൾ​ക്ക് മു​ന്ന​റി​യി​പ്പ് ന​ൽ​കി. ജൂ​ൺ 15ലെ ​ഹി​ന്ദു മ​ഹാ​പ​ഞ്ചാ​യ​ത്തി​ന് മു​മ്പ് ക​ട​ക​ൾ കാ​ലി​യാ​ക്ക​ണ​മെ​ന്നും അ​ങ്ങ​നെ ചെ​യ്തി​ല്ലെ​ങ്കി​ൽ പി​ന്നീ​ടെ​ന്ത് സം​ഭ​വി​ക്കു​മെ​ന്ന് സ​മ​യം പ​റ​യു​മെ​ന്നും ‘ദേ​വ്ഭൂ​മി ര​ക്ഷാ അ​ഭി​യാ​ൻ’ എ​ന്ന സം​ഘ​ട​ന​യു​ടെ പേ​രി​ൽ ഹി​ന്ദു​ത്വ തീ​വ്ര​വാ​ദി​ക​ൾ പു​രോ​ല പ​ട്ട​ണ​ത്തി​ലെ മു​സ്‍ലിം​ക​ളു​​ടെ വ്യാ​പാ​ര​സ്ഥാ​പ​ന​ങ്ങ​ൾ​ക്കു​മേ​ൽ അ​ന്ത്യ​ശാ​സ​ന പോ​സ്റ്റ​ർ പ​തി​ക്കു​ക​യും ചെ​യ്തു.