ഗർഭിണികൾക്ക്​ വാക്​സിൻ: മാർഗനിർദേശങ്ങൾ പുറത്തിറക്കി ആരോഗ്യമന്ത്രാലയം

ന്യൂഡൽഹി: ഗർഭിണികൾക്ക്​ കോവിഡ്​ വാക്​സിൻ നൽകുന്നത്​ സംബന്ധിച്ച മാർഗനിർദേശമായി. ആരോഗ്യ മന്ത്രാലയമാണ്​ ഇത്​ തയാറാക്കിയത്​. പ്രതിരോധ കുത്തിവെപ്പ്​ നൽകുന്നവർ ഗർഭിണിയെ ബോധവത്​കരിക്കേണ്ട കാര്യങ്ങളാണ്​ മാർഗനിർദേശത്തിലുള്ളത്​. പഠനത്തി​‍െൻറ അടിസ്​ഥാനത്തിൽ തയാറാക്കിയ വിവരങ്ങൾ ചോദ്യോത്തര രൂപത്തിലാണ്​ തയാറാക്കിയത്​. ഇതുപ്രകാരം ഗർഭിണിയെ കൃത്യമായി ബോധവത്​കരിച്ചശേഷം വേണം അവർക്ക്​ പ്രതിരോധ വാക്​സിൻ നൽകേണ്ടത്​. മറ്റേതൊരു വ്യക്​തിയെ​പ്പോലെയും ഗർഭിണിയും വീട്ടുകാരും ശാരീരിക അകലം പാലിക്കുകയും കൃത്യമായി മാസ്​ക്​ ധരിക്കുകയും ഇടക്കിടെ സോപ്പിട്ട്​ കൈ കഴുകുകയും വേണം. കോവിൻ പോർട്ടലിൽ വാക്​സിനുവേണ്ടി രജിസ്​റ്റർ ചെയ്യണം.

കോവിഡ്​ ​പോസിറ്റിവായ ശേഷം പ്രസവിച്ച സ്​ത്രീകളിലെ 95 ​ശതമാനം കുഞ്ഞുങ്ങളും നല്ല ആരോഗ്യവാന്മാരായിരിക്കുന്നതായി ചൂണ്ടിക്കാട്ടുന്നു. വളരെ അപൂർവ അവസരങ്ങളിൽ മാസം തികയാത്ത പ്രസവങ്ങൾ ഉണ്ടായിട്ടുണ്ട്​. അതിൽതന്നെ രണ്ടര കിലോഗ്രാമിൽ കുറഞ്ഞ ശരീരതൂക്കമുള്ള ക​ുഞ്ഞുങ്ങൾ വളരെ അപൂർവമായിരുന്നു.

കോവിഡ്​ ബാധിച്ച 90 ശതമാനം പേർക്കും ആശുപത്രിവാസംപോലും വേണ്ടിവന്നില്ലെന്ന്​ മാത്രമല്ല, യാതൊരു ആരോഗ്യപ്രശ്​നങ്ങളും ഉണ്ടായില്ല. ഗർഭിണിയായിരിക്കെ കോവിഡ്​ ബാധിച്ചാൽ അത്​ ആരോഗ്യത്തിന്​ ഭീഷണിയാകുന്നില്ല. മറ്റു മാരക രോഗങ്ങൾ, അമിതവണ്ണം, രക്​തസമ്മർദം, 35 വയസ്സിൽ കൂടിയവരുടെ ഗർഭധാരണം എന്നിവരൊക്കെ ജാഗ്രത പാലിക്കണമെന്ന്​ മാർഗനിർദേശത്തിൽ പറയുന്നു.