വൈ​ദ്യു​തി പ്രൈ​വ​റ്റ് ലി​മി​റ്റ​ഡ്; ബില്ലിൽ ഷോ​​ക്ക​ടി​ച്ച് സ​ർ​ക്കാ​ർ

ന്യൂ​ഡ​ൽ​ഹി: വൈ​ദ്യു​തി​വി​ത​ര​ണ​ത്തി​ൽ സ്വ​കാ​ര്യ​മേ​ഖ​ല​ക്ക് സ​മ്പൂ​ർ​ണ അ​വ​കാ​ശം അ​നു​വ​ദി​ക്കു​ക​യും നി​ര​ക്കു​വ​ർ​ധ​ന​വി​ന് ഇ​ട​യാ​ക്കു​ക​യും ചെ​യ്യു​ന്ന വൈ​ദ്യു​തി​നി​യ​മ ഭേ​ദ​ഗ​തി ബി​ൽ ലോ​ക്സ​ഭ​യി​ൽ അ​വ​ത​രി​പ്പി​ച്ചു. പ്ര​തി​പ​ക്ഷ പാ​ർ​ട്ടി​ക​ളു​ടെ ക​ടു​ത്ത എ​തി​ർ​പ്പി​നും തൊ​ഴി​ലാ​ളി സം​ഘ​ട​ന​ക​ളു​ടെ ദേ​ശ​വ്യാ​പ​ക പ​ണി​മു​ട​ക്കി​നും ഇ​ട​യാ​ക്കി​യ ബി​ൽ വി​ശ​ദ പ​ഠ​ന​ത്തി​ന് പാ​ർ​ല​മെ​ന്റ് സ്ഥി​രം​സ​മി​തി​ക്ക് വി​ട്ടു. വൈ​ദ്യു​തി​വി​ത​ര​ണ മേ​ഖ​ല​യി​ൽ എ​ല്ലാ​വ​ർ​ക്കും 'വി​വേ​ച​ന​ര​ഹി​ത​മാ​യ' പ്ര​വേ​ശ​നം അ​നു​വ​ദി​ക്കു​ന്ന ബി​ൽ ഊ​ർ​ജ​മ​ന്ത്രി ആ​ർ.​കെ. സി​ങ്ങാ​ണ് പ്ര​തി​ഷേ​ധ​ങ്ങ​ൾ​ക്കി​ട​യി​ൽ ലോ​ക്സ​ഭ​യി​ൽ അ​വ​ത​രി​പ്പി​ച്ച​ത്. പ്ര​തി​പ​ക്ഷ​ത്തി​ന്റെ ഉ​ത്ക​ണ്ഠ മു​ൻ​നി​ർ​ത്തി വി​പു​ല​മാ​യ കൂ​ടി​യാ​ലോ​ച​ന ന​ട​ത്താ​ൻ ഉ​ദ്ദേ​ശി​ക്കു​ന്ന​തി​നാ​ൽ ബി​ൽ സ്ഥി​രം​സ​മി​തി​ക്ക് വി​ടാ​ൻ മ​ന്ത്രി ത​ന്നെ​യാ​ണ് സ്പീ​ക്ക​ർ ഓം ​ബി​ർ​ല​യോ​ട് നി​ർ​ദേ​ശി​ച്ച​ത്. കോ​ൺ​ഗ്ര​സി​ലെ അ​ധി​ർ ര​ഞ്ജ​ൻ ചൗ​ധ​രി, മ​നീ​ഷ് തി​വാ​രി, ആ​ർ.​എ​സ്.​പി​യി​ലെ എ​ൻ.​കെ. പ്രേ​മ​ച​ന്ദ്ര​ൻ, സി.​പി.​എ​മ്മി​ലെ എ.​എം. ആ​രി​ഫ്, തൃ​ണ​മൂ​ൽ കോ​ൺ​ഗ്ര​സ് അം​ഗം സൗ​ഗ​ത റോ​യ്, ഡി.​എം.​കെ നേ​താ​വ് ടി.​ആ​ർ. ബാ​ലു തു​ട​ങ്ങി​യ​വ​ർ ബി​ല്ലി​നെ എ​തി​ർ​ത്തു.

കേ​ന്ദ്ര​ത്തി​നും സം​സ്ഥാ​ന​ങ്ങ​ൾ​ക്കും അ​ധി​കാ​ര​മു​ള്ള ​വൈ​ദ്യു​തി​മേ​ഖ​ല സ​മാ​വ​ർ​ത്തി പ​ട്ടി​ക​യി​ലാ​ണെ​ന്നി​രി​ക്കെ, ഭ​ര​ണ​ഘ​ട​ന​യു​ടെ ഫെ​ഡ​റ​ൽ ത​ത്ത്വ​ങ്ങ​ൾ​ക്ക് നി​ര​ക്കാ​ത്ത​വി​ധം സം​സ്ഥാ​ന​ങ്ങ​ളെ നോ​ക്കു​കു​ത്തി​യാ​ക്കു​ന്ന ബി​ല്ലാ​ണി​തെ​ന്ന് അ​വ​ർ ചൂ​ണ്ടി​ക്കാ​ട്ടി. ബി​ൽ കൊ​ണ്ടു​വ​രു​ന്ന​തി​നു​മു​മ്പ് സം​സ്ഥാ​ന​ങ്ങ​ളു​മാ​യി കൂ​ടി​യാ​ലോ​ചി​ച്ചി​ല്ല. ഒ​രു പ്ര​ദേ​ശ​​ത്തു​ത​ന്നെ പ​ല സ്വ​കാ​ര്യ ക​മ്പ​നി​ക​ളെ വൈ​ദ്യു​തി​വി​ത​ര​ണ ചു​മ​ത​ല ഏ​ൽ​പി​ക്കാ​ൻ അ​നു​വ​ദി​ക്കു​ന്ന നി​യ​മ​നി​ർ​മാ​ണം ലാ​ഭം സ്വ​കാ​ര്യ​വ​ത്ക​രി​ക്കാ​നും ന​ഷ്ടം ദേ​ശ​സാ​ൽ​ക്ക​രി​ക്കാ​നു​മാ​ണ് വ​ഴി​യൊ​രു​ക്കു​ക. വൈ​ദ്യു​തി​വി​ത​ര​ണ​ത്തി​ലെ ഉ​ത്ത​ര​വാ​ദി​ത്ത​ങ്ങ​ളി​ൽ​നി​ന്ന് കേ​ന്ദ്രം ത​ല​യൂ​രു​ന്ന​തു​കൂ​ടി​യാ​ണ് നി​യ​മ​ഭേ​ദ​ഗ​തി.

ക​ർ​ഷ​ക​പ്ര​ക്ഷോ​ഭം ന​യി​ച്ച സം​യു​ക്ത കി​സാ​ൻ മോ​ർ​ച്ച​ക്ക് വൈ​ദ്യു​തി​നി​യ​മ ഭേ​ദ​ഗ​തി നി​ർ​ദേ​ശ​ങ്ങ​ൾ മ​ര​വി​പ്പി​ക്കു​മെ​ന്ന് സ​ർ​ക്കാ​ർ വാ​ക്കു​ന​ൽ​കി​യി​രു​ന്നു. ക​ർ​ഷ​ക​ർ​ക്ക് സൗ​ജ​ന്യ​വൈ​ദ്യു​തി ന​ൽ​കു​ന്ന ത​മി​ഴ്നാ​ട്ടി​ൽ നി​യ​മം വ​ന്നാ​ൽ അ​ത് നി​ർ​ത്ത​ലാ​ക്കേ​ണ്ടി​വ​രും. അ​തേ​സ​മ​യം, സ​ബ്സി​ഡി പി​ൻ​വ​ലി​ക്കി​ല്ലെ​ന്നും ക​ർ​ഷ​ക​ക്ഷേ​മം മു​ൻ​നി​ർ​ത്തി​യാ​ണ് ബി​ല്ലെ​ന്നും ഊ​ർ​ജ​മ​ന്ത്രി സ​ഭ​യി​ൽ പ​റ​ഞ്ഞു. എ​ന്നാ​ൽ, പ്ര​തി​പ​ക്ഷം അം​ഗീ​ക​രി​ച്ചി​ല്ല.

ബി​ൽ അ​വ​ത​രി​പ്പി​ക്കാ​നു​ള്ള പ്ര​മേ​യം വോ​ട്ടി​നി​ട​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടെ​ങ്കി​ലും സ്പീ​ക്ക​ർ അ​നു​വ​ദി​ച്ചി​ല്ല. ന​ടു​ത്ത​ള​ത്തി​ൽ സ​മ​രം തു​ട​രു​ക​യും വോ​ട്ടെ​ടു​പ്പ് ആ​വ​ശ്യ​പ്പെ​ടു​ക​യും ചെ​യ്യാ​നാ​വി​ല്ലെ​ന്നാ​യി​രു​ന്നു ഓം ​ബി​ർ​ള​യു​ടെ നി​ല​പാ​ട്. മു​ദ്രാ​വാ​ക്യം മു​ഴ​ക്കി ന​ടു​ത്ത​ള​ത്തി​ൽ തു​ട​ർ​ന്ന പ്ര​തി​പ​ക്ഷ അം​ഗ​ങ്ങ​ൾ പി​ന്നീ​ട് സ​ർ​ക്കാ​ർ നി​ല​പാ​ടി​ൽ പ്ര​തി​ഷേ​ധി​ച്ച് ഇ​റ​ങ്ങി​പ്പോ​ക്ക് ന​ട​ത്തി.