വരവരറാവുവിന്‍റെ ജാമ്യാപേക്ഷ വിധി പറയാൻ മാറ്റി

മുംബൈ: എൽഗാർ പരിഷദ്​ കേസിൽ അറസ്​റ്റിലായ തെലുഗു കവി വരവരറാവുവിന്‍റെ ജാമ്യാപേക്ഷയിൽ ബോംബെ ഹൈകോതിയിലെ വാദപ്രതിവാദം പൂർത്തിയായി. ജസ്​റ്റിസുമാരായ എസ്​.എസ്​. ഷിണ്ഡെ, മനീഷ്​ പിതാലെ എന്നിവരുടെ ഡിവിഷൻ ബെഞ്ച്​ ഹരജി വിധി പറയാൻ മാറ്റിവെച്ചു.

ഒാർമ നശിക്കൽ, നാഡീ രോഗങ്ങളടക്കം ഗുരുതരരോഗളുള്ള വരവരറാവുവിന് കടുത്ത നിബന്ധനകളോടെ മൂന്ന്​ മാസത്തെ ജാമ്യം നൽകമെന്നാണ്​ റാവുവിന്‍റെ അഭിഭാഷകൻ ആനന്ദ്​ ഗ്രോവർ കോടതിയിൽ ആവർത്തിച്ചത്​. വിചാരണ തടവുകാരനായിരിക്കെ ആരോഗ്യത്തോടെ ജീവിക്കാനുള്ള മൗലികാവകശാം ലംഘിക്കപ്പെട്ടുവെന്ന് ആരോപിച്ച്​ ഹരജി നൽകിയ റാവുവിന്‍റെ ഭാര്യ ഹേമലതക്ക്​ വേണ്ടി ഹാജറായ ഇന്ദിരാ ജയ്​സിങും ഇതുതന്നെ ആവർത്തിച്ചു.

ദേശസുരക്ഷയുമായി ബന്ധപ്പെട്ട ആരോപണങ്ങളിൽ യു.എ.പി.എ പ്രകാരമാണ്​ കേസെന്നും അതിനാൽ ജാമ്യം നൽകരുതെന്നുമാണ്​ എൻ.െഎ.എയും മഹാരാഷ്​ട്ര സർക്കാറും നിലപാടെടുത്ത്​. ആവശ്യമെങ്കിൽ തലോജ ജയിലിലേക്ക്​ മടക്കി അയക്കുന്നതിന്​ പകരം ജെ.ജെ മെഡിക്കൽ കോളജിലെ പ്രിസൺ വാർഡിലേക്ക്​ മാറ്റാമെന്നും ഇവർ കോടതിയെ അറിയിച്ചു. കടുത്ത നിബന്ധനകൾ വെച്ച്​ റാവുവിന്​ ജാമ്യം നൽകുന്നതിന്​ പകരം അദ്ദേഹത്തിന്​ വൈദ്യസഹായം ലഭിക്കാൻ കോടതി സർക്കാറിന്​ കടുത്ത നിബന്ധനകൾ വെക്കുകയാണ്​ വേണ്ടതെന്നും എൻ.െഎ.എക്ക്​ വേണ്ടി ഹാജരായ അഡീഷണൽ സോളിസിറ്റർ ജനറൽ അനിൽ സിങ്​ പറഞ്ഞു.

നിലവിൽ ഹൈകോടതി നിർദേശ പ്രകാരം നാനാവതി ആശുപത്രിയിൽ ചികിത്​സയിലാണ്​ വരവരറാവു. കോടതിയുടെ അനുവാദമില്ലാതെ ഡിസ്​ചാർജ്​ ചെയ്യരുതെന്നാണ്​ ഉത്തരവ്​. റാവു ആരോഗ്യവാനാണെന്നും ഡിസ്ചാർജിന്​ യോഗ്യമാണെന്നും ആശുപത്രി കോടതിയിൽ റിപ്പോർട്ട്​ സമർപ്പിച്ചിട്ടുണ്ട്​. റാവുവിന്‍റെ ഒാർമ നശിക്കൽ േരാഗത്തെ ചൊല്ലി കോടതിയിൽ വാദപ്രതിവാദം ശക്​തമായിരുന്നു. നാനാവതി ആശുപത്രി റിപ്പോർട്ടിൽ റാവുവിന്​ മറവി രോഗമില്ലെന്ന്​ പറയുന്നുണ്ടെങ്കിലും വിദഗ്​ദ പരിശോധന ആവശ്യമാണെന്നും സൂചിപ്പിക്കുന്നുണ്ട്​. മറവി രോഗമില്ലെന്ന നിലപാടിലാണ്​ എൻ.െഎ.എ. എന്നാൽ, നേരത്തെ ജെ.ജെ ആശുപത്രി, സെന്‍റ്​ ജോർജ്​ ആശുപത്രി റിപ്പോർട്ടുകൾ ഒാർമ നശിക്കുന്നുവെന്ന്​ കുറിച്ചത്​ കോടതി എൻ.െഎ.എയെ ഒാർമപ്പെടുത്തി.

റാവുവിന്‍റെ പ്രായവും ആരോഗ്യവും പരിഗണിച്ചാവണം വാദങ്ങൾ നിരത്തുന്നതെന്ന്​ കോടതി ഇടക്കിടെ അഭിഭാഷകരെ ഒാർമപ്പെടുത്തിയിരുന്നു. 81കാരന്‍റെ ജീവിത നിലവാരമെന്തെന്നും കോടതി ചോദിക്കുകയുണ്ടായി. കേസിൽ ഇതുവരെ കുറ്റം ചുമത്തിയിട്ടില്ലെന്നതും 200 സാക്ഷികളെ വിശദീകരിക്കാനുണ്ടെന്നതും കോടതി ചൂണ്ടിക്കാട്ടി. ഇത്​ കാണിക്കുന്നത്​ വിചാരണയുടെ പ്രാരംഭ നടപടികൾ തുടങ്ങാൻ പോലും സമയമെടുക്കുമെന്നാണ്​. വിചാരണ വേഗമാക്കൽ പ്രതികളുടെ മൗലികാവകാശത്തിന്‍റെ ഭാഗമാണെന്നും കോടതി ഒാർമപ്പെടുത്തി.

തടവുകാരുടെ ആരോഗ്യമടക്കമുളള കാര്യങ്ങളിൽ സർക്കാറിനാണ്​ ഉത്തരവാദിത്തമെന്നും സർക്കാർ അത്​ കൃത്യമായി നിർവഹിക്കുന്നുണ്ടെന്നും എൻ.െഎ.എ കോടതിയിൽ പറഞ്ഞു. ഇതിന്, ജയിലിൽ രോഗം ബാധിച്ച്​ അവശനായിരിക്കെ മനുഷ്യാവകാശ കമീഷനും കോടതിയും ഇടപെട്ടതിനെ തുടർന്ന്​ മാത്രമാണ്​ റാവുവിന്​ വിദഗ്​ധ ചികിത്​സ ലഭിച്ചതെന്നാണ് കോടതി മറുപടി നൽകിയത്.

വാദപ്രതിവാദങ്ങൾക്കിടെ റാവുവിന്​ അനുകൂലമായ ചോദ്യങ്ങളും പരാമർശങ്ങളും കോടതി നടത്തിയെങ്കിലും അതെല്ലാം വാദപ്രതിവാദത്തിന്​ ശക്​തി പകരാൻ മാത്രമാണെന്ന്​ കോടതി വ്യക്​തമാക്കിയിരുന്നു.