എം.പിമാര​ുടെ ശമ്പള വർധവ്​ എതിർത്ത​ തന്നെ പ്രധാനമന്ത്രിയുടെ ഒാഫീസ്​ ഉപ​േദശിച്ചെന്ന്​ വരുൺ ഗാന്ധി

ഭിവാനി(ഉത്തർപ്രദേശ്​): പാർലമ​​െൻറ്​ അംഗങ്ങളുടെ ശമ്പള വർധനവിനെ താൻ എതിർത്തിരുന്നുവെന്നും എന്നാൽ പ്രധാനമന്ത്രിയുടെ ഒാഫീസ്​ ഇടപെട്ടുവെന്നും ബി.ജെ.പി എം.പി വരുൺ ഗാന്ധിയുടെ വെളിപ്പെടുത്തൽ. എം.പിമാരുടെ​ ശമ്പള വർധവ്​ അനാവശ്യ നടപടിയാണെന്ന്​ ചൂണ്ടിക്കാട്ടിയ തന്നെ എന്തിനാണ്​ താങ്കൾ കൂടുതൽ പ്രശ്​നങ്ങൾ ഉണ്ടാക്കുന്നത്​ എന്നായിരുന്നു പ്രധാനമന്ത്രിയുടെ ഒാഫീസിൽ നിന്നും വിളിച്ചു ചോദിച്ചത്​. എം.പിമാർ അവരുടെ സ്വത്ത്​ വിവരങ്ങൾ പൂർണമായി വെളിപ്പെടുത്തണമെന്ന്​ താൻ ആവശ്യപ്പെട്ടിരുന്നുവെന്നും വരുൺ ഗാന്ധി പറഞ്ഞു.

ഉ​േ​ദ്യാഗസ്ഥ തലത്തിൽ ശമ്പള വർധവ്​ കൊണ്ടുവരുന്നത്​ അവരുടെ കഠിനാധ്വാനവും സത്യസന്ധതയും മുൻനിർത്തിയാണ്​. എന്നാൽ 10 വർഷമായി എം.പിമാരുടെ ശമ്പളത്തിൽ ഏഴുമടങ്ങ്​ വർധവാണുണ്ടായതെന്നും വരുൺ ഗാന്ധി പറഞ്ഞു. സുൽത്താൻപുർ എം.പിയായ വരുൺ ഉത്തർപ്രദേശിലെ സർക്കാർ കോളജിൽ നടന്ന പരിപാടിയിൽ സംസാരിക്കുകയായിരുന്നു.
ഉത്തർപ്രദേശുകളിലെ സ്​കൂളുകളിൽ പഠനമല്ലാത്ത മറ്റു കാര്യങ്ങളെല്ലാം നടക്കുന്നുണ്ടെന്നും വിദ്യാർഥികൾ ക്രിക്കറ്റ്​ കളിക്കാനും രാഷ്​ട്രീയ നേതാക്കൾ​ പ്രസംഗിക്കാനുമാണ്​ സ്​കൂളുകൾ ഉപയോഗിക്കുന്നതെന്നും വരുൺ ഗാന്ധി ആരോപിച്ചു. വിദ്യാഭ്യാസത്തി​​​െൻറ പുരോഗതിക്കായി ഒരോ വർഷവും മൂന്നു കോടി രൂപ വീതം നീക്കിവെക്കാറുണ്ടെന്നും എന്നാൽ അതിൽ 90 ശതമാനവും കെട്ടിടങ്ങൾ ഉണ്ടാക്കുന്നതിന്​ വേണ്ടിയാണ്​ ഉപയോഗിക്കുന്നതെന്നും അദ്ദേഹം പറഞ്ഞു.