പാർക്കിങ് ഏരിയ തകർന്നുവീണ് വാഹനങ്ങൾ മണ്ണിനടിയിൽ; തകരുന്നതിന്റെ വി​ഡി​യോ പുറത്ത്

മൊഹാലി: പഞ്ചാബിൽ പാർക്കിങ് ഏരിയ തകർന്നുവീണ് നിരവധി വാഹനങ്ങൾ മണ്ണിലടിയിൽ. ഇരുചക്രവാഹനങ്ങളാണ് കൂടുതലും മണ്ണിനടിയിൽപ്പെട്ടത്. മൊഹാലി ജില്ലയിൽ ബുധനാഴ്ചയായിരുന്നു സംഭവം.

നഗരത്തിലെ സെക്ടർ 83 ഏരിയയിലായിരുന്നു അപകടം. ബുധനാഴ്ച ​വൈകീട്ടുണ്ടായ അപകടത്തിൽ ആർക്കും പരിക്കില്ല. അപകടത്തിൽ ചില വാഹനങ്ങൾ പൂർണമായും തകർന്നുവെന്ന് അധികൃതർ വ്യക്തമാക്കി. 10ഓളം ബൈക്കുകളാണ് അപകടത്തിൽ തകർന്നത്. രണ്ട് കാറുകളും മണ്ണിലടിയിലായെന്ന് മൊഹാലി ഡി.എസ്.പി ഹർസിമ്രാൻ സിങ് പറഞ്ഞു.

സംഭവത്തിൽ കേസെടുത്തിട്ടുണ്ടെന്നും നടപടിയുണ്ടാകുമെന്നും ഡി.എസ്.പി വ്യക്തമാക്കി.