തീവ്രവാദത്തെ​ പിന്തുണക്കുന്ന രാജ്യങ്ങളെ ഒറ്റപ്പെടുത്തണം -വെങ്കയ്യനായിഡു

ന്യൂഡൽഹി: തീവ്രവാദത്തിന്​ പിന്തുണ നൽകുന്ന രാജ്യങ്ങളെ ഒറ്റപ്പെടുത്തണമെന്ന്​ ഉപരാഷ്​ട്രപതി വെങ്കയ്യനായിഡു. തീവ്രവാദത്തെ പ്രതിരോധിക്കാൻ രാജ്യങ്ങൾ ഒരുമിച്ച്​ നിൽക്കണമെന്നും വെങ്കയ്യനായിഡു പറഞ്ഞു. ലിത്വാനയിൽ സന്ദർശനം നടത്തുന്നതിനിടെയാണ്​ ഉപരാഷ്​ട്രപതിയുടെ പ്രസ്​താവന.

ലിത്വാനിയൻ പൗരൻമാർക്ക്​ ഇന്ത്യ ഇ-വിസ നൽകുമെന്നും വെങ്കയ്യനായിഡു അറിയിച്ചു. ഇന്ത്യയിൽ സൗരോർജം വ്യാപിപ്പിക്കാനായി ലിത്വാനയുമായി കരാറുണ്ട​ാക്കുമെന്നും അദ്ദേഹം വ്യക്​തമാക്കി. ഇരുരാജ്യങ്ങളും തമ്മിൽ മൂന്ന്​ കരാറുകളിലും ഒപ്പിട്ടു.

മൂന്ന്​ രാജ്യങ്ങളുടെ സന്ദർശനത്തിനായാണ്​ വെങ്കയ്യനായിഡു യാത്ര തിരിച്ചത്​. ലിത്വാനിയ, ലാത്​വിയ, എസ്​റ്റോണിയ എന്നീ രാജ്യങ്ങളിലാണ്​ നായിഡു സന്ദർശനം നടത്തുന്നത്​.