മാസ് എൻട്രിയുമായി വിജയ്, ആർത്തിരമ്പി ജനം; ടി.വി.കെയുടെ ആദ്യ സമ്മേളനത്തിന് തുടക്കം

ചെ​ന്നൈ: പ​തി​വാ​യു​ള്ള നാ​ണ​വും ശാ​ന്ത​ത​യും മാ​റ്റി​വെ​ച്ച് പ​തി​നാ​യി​ര​ക്ക​ണ​ക്കി​ന് അ​നു​യാ​യി​ക​ളോ​ട് വീ​റോ​ടെ പ്ര​സം​ഗി​ച്ചും എ​തി​രാ​ളി​ക​ൾ​ക്ക് മു​ന്ന​റി​യി​പ്പ് ന​ൽ​കി​യും ന​ട​ൻ വി​ജ​യി​യു​ടെ രാ​ഷ്ട്രീ​യ പ​ട്ടാ​ഭി​ഷേ​കം. 2026ലെ ​ത​മി​ഴ്നാ​ട് നി​യ​മ​സ​ഭ തെ​ര​ഞ്ഞെ​ടു​പ്പി​ൽ ത​മി​ഴ​ക വെ​ട്രി ക​ഴ​കം (ടി.​വി.​കെ) ഒ​റ്റ​ക്ക് കേ​വ​ല ഭൂ​രി​പ​ക്ഷം നേ​ടി അ​ധി​കാ​ര​ത്തി​ലേ​റു​മെ​ന്ന് പാ​ർ​ട്ടി അ​ധ്യ​ക്ഷ​നായ വി​ജ​യ് അ​വ​കാ​ശ​പ്പെ​ട്ടു. വി​ഴു​പ്പു​റം വി​ക്കി​ര​വാ​ണ്ടി​യി​ൽ സം​ഘ​ടി​പ്പി​ച്ച പ്ര​ഥ​മ സം​സ്ഥാ​ന സ​മ്മേ​ള​ന​ത്തി​ൽ മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​റ്റു ക​ക്ഷി​ക​ളു​മാ​യി സ​ഖ്യ​മു​ണ്ടാ​ക്കാ​ൻ ത​യാ​റാ​ണ്. ത​നി​ച്ച് ഭൂ​രി​പ​ക്ഷം കി​ട്ടി​യാ​ലും മു​ന്ന​ണി​യി​ലെ സ​ഖ്യ​ക​ക്ഷി​ക​ൾ​ക്ക് ഭ​ര​ണ​ത്തി​ലും അ​ധി​കാ​ര​ത്തി​ലും പ​ങ്കു​ണ്ടാ​യി​രി​ക്കു​മെ​ന്നും അ​ദ്ദേ​ഹം ഉ​റ​പ്പു​ന​ൽ​കി. ത​ന്റെ ക​രി​യ​റി​ലെ ഉ​ന്ന​തി​യും അ​തി​ന്റെ പ്ര​തി​ഫ​ല​വും ഒ​ഴി​വാ​ക്കി ജ​ന​ങ്ങ​ളി​ൽ വി​ശ്വാ​സ​മ​ർ​പ്പി​ച്ചാ​ണ് രാ​ഷ്ട്രീ​യ​ത്തി​ലെ​ത്തി​യ​ത്. ദൈ​വ​നി​ഷേ​ധ ന​യം സ്വീ​ക​രി​ക്കി​ല്ല. മ​താ​ധി​ഷ്ഠി​ത​മാ​യ ഫാ​ഷി​സ-​വി​ഘ​ട​ന​ശ​ക്തി​ക​ളും അ​ഴി​മ​തി​ക്കാ​രാ​യ ക​പ​ട​നാ​ട്യ​ക്കാ​രു​മാ​ണ് ടി.​വി.​കെ​യു​ടെ രാ​ഷ്ട്രീ​യ ശ​ത്രു​ക്ക​ൾ. ത​ങ്ങ​ളെ പ്ര​ത്യേ​ക രാ​ഷ്ട്രീ​യ ക​ക്ഷി​യു​ടെ എ ​ടീം, ബി ​ടീം എ​ന്ന് ആ​രും മു​ദ്ര​കു​ത്തേ​ണ്ട​തി​ല്ല.

ദ്രാ​വി​ഡ മോ​ഡ​ൽ ഭ​ര​ണ​ത്തി​ന്റെ പേ​രി​ൽ ജ​ന​ങ്ങ​ളെ ക​ബ​ളി​പ്പി​ക്കാ​ൻ അ​നു​വ​ദി​ക്കി​ല്ലെ​ന്നും പെ​രി​യാ​ർ, അ​ണ്ണാ​ദു​രൈ എ​ന്നി​വ​രു​ടെ പേ​രി​ൽ രാ​ഷ്ട്രീ​യ​ത്തി​ൽ കു​ടും​ബാ​ധി​പ​ത്യ രാ​ഷ്ട്രീ​യം ന​ട​ത്തു​ന്ന​തി​നെ അം​ഗീ​ക​രി​ക്കാ​നാ​വി​ല്ലെ​ന്നും ഡി.​എം.​കെ​യെ പ​രോ​ക്ഷ​മാ​യി വി​മ​ർ​ശി​ച്ച് വി​ജ​യ് പ​റ​ഞ്ഞു. വീ​ട്, ഭ​ക്ഷ​ണം, ജോ​ലി എ​ന്നീ അ​ടി​സ്ഥാ​ന ആ​വ​ശ്യ​ങ്ങ​ൾ നി​റ​വേ​റ്റാ​ത്ത സ​ർ​ക്കാ​ർ ഭ​ര​ണ​ത്തി​ൽ തു​ട​ർ​ന്നി​ട്ടും പ്ര​യോ​ജ​ന​മി​ല്ല. ദ്രാ​വി​ഡ​വും ദേ​ശീ​യ​ത​യും ത​ങ്ങ​ളു​ടെ ര​ണ്ട് ക​ണ്ണു​ക​ളാ​ണ്. വെ​റു​പ്പി​ന്റെ രാ​ഷ്ട്രീ​യം ത​ങ്ങ​ളു​ടെ ഭാ​ഗ​ത്തു​നി​ന്നു​ണ്ടാ​വി​ല്ലെ​ന്നും വി​ജ​യ് പ​റ​ഞ്ഞു. ജ​നാ​ധി​പ​ത്യം, മ​തേ​ത​രം, സാ​ഹോ​ദ​ര്യം, സാ​മൂ​ഹി​ക​നീ​തി തു​ട​ങ്ങി​യ ആ​ശ​യ​ങ്ങ​ളി​ല​ധി​ഷ്ഠി​ത​മാ​യി പ്ര​വ​ർ​ത്തി​ക്കു​മെ​ന്ന് പാ​ർ​ട്ടി ​ പ്ര​ഖ്യാ​പി​ച്ചു.

85 ഏ​ക്ക​ർ വി​സ്തൃ​തി​യി​ൽ 170 അ​ടി നീ​ള​വും 65 അ​ടി വീ​തി​യു​മു​ള്ള സ​മ്മേ​ള​ന ന​ഗ​രി​യി​ൽ തീർത്ത 600 മീറ്റർ നീ​ണ്ട റാ​മ്പിലൂടെയാണ് അനുയായികൾക്കിടയിലൂടെ വിജയ് വേദിയിലെത്തിയത്. തുടർന്ന് സ​മ്മേ​ള​ന ന​ഗ​രി​യി​ൽ സ്ഥാപിച്ച 100 അ​ടി ഉ​യ​ര​മു​ള്ള കൊ​ടി​മ​ര​ത്തി​ൽ വി​ജ​യ് പാ​ർ​ട്ടി പ​താ​ക ഉ​യ​ർ​ത്തി. സ്വ​കാ​ര്യ​ഭൂ​മി​യി​ലെ സ​മ്മേ​ള​ന ന​ഗ​രി​യി​ൽ അ​ഞ്ച്​ വ​ർ​ഷ​ത്തേ​ക്ക് കൊ​ടി​മ​രം നി​ല​നി​ർ​ത്തു​മെ​ന്നും സം​ഘാ​ട​ക​ർ വ്യക്തമാക്കിയിട്ടുണ്ട്.

ദ്രാവിഡ മണ്ണിൽ സ്വാതന്ത്ര്യത്തിന് വേണ്ടി പോരാടിയ വീരന്മാർക്ക് വിജയ് ആദമർപ്പിച്ചു. ഇന്ത്യൻ ഭരണഘടന മുന്നോട്ടുവെക്കുന്ന സമത്വം, സ്വാതന്ത്ര്യം, സാഹോദര്യം എന്നിവക്കായി പാർട്ടി പ്രവർത്തിക്കും. ജാതി, മതം, ജനന സ്ഥലം എന്നിവക്ക് അതീതമായി സമത്വം നടപ്പാക്കാൻ ലക്ഷ്യമിടുമെന്നും നാടിന്‍റെ നന്മക്കായി ഒരുമിച്ച് പ്രവർത്തിക്കുമെന്നും നേതാക്കളും പ്രവർത്തകരും ദൃഢപ്രതിജ്ഞ ചെയ്തു.

പാർട്ടിയുടെ നയങ്ങൾ, ആദർശങ്ങൾ, ലക്ഷ്യങ്ങൾ അടക്കമുള്ളവ വിശദമാക്കുന്ന 19 പ്രമേയങ്ങൾ സമ്മേളനത്തിൽ അവതരിപ്പിക്കും. വൻ പ്രഖ്യാപനങ്ങൾ നടക്കുന്ന സമ്മേളനത്തെ തമിഴക രാഷ്ട്രീയ കേന്ദ്രങ്ങൾ ശ്രദ്ധാപൂർവമാണ് കാണുന്നത്. കൂടാതെ, പാർട്ടിയുടെ ഭാരവാഹികളെയും കർമപദ്ധതിയും സമ്മേളനത്തിൽ പ്രഖ്യാപിക്കുമെന്നാണ് കരുതുന്നത്.

ഫെബ്രുവരി രണ്ടിനായിരുന്നു വിജയ് പാർട്ടി പ്രഖ്യാപനം നടത്തിയത്. പതാകയും പാർട്ടി ഗാനവും ആഗസ്റ്റ് 22ന് പുറത്തിറക്കി. തമിഴകത്തെ മറ്റ് രാഷ്ട്രീയ പാർട്ടികൾ വിജയുടെ നിലപാട് എന്താണെന്ന് ഉറ്റുനോക്കുകയാണ്. തമിഴക വെട്രി കഴകത്തെ നേരത്തെ എ.ഐ.എ.ഡി.എം.കെ സഖ്യത്തിന് ക്ഷണിച്ചിരുന്നു. 2026ലെ ​ത​മി​ഴ്‌​നാ​ട് നി​യ​മ​സ​ഭ തെ​ര​ഞ്ഞെ​ടു​പ്പ് ല​ക്ഷ്യ​മാ​ക്കിയാണ് തമിഴക വെട്രി കഴകം നീക്കങ്ങൾ സജീവമാക്കുന്നതെന്നാണ് റിപ്പോർട്ട്.

ഗർഭിണികളും വിദ്യാർഥികളും രോഗബാധിതരും പങ്കെടുക്കേണ്ടതില്ലെന്നും വീട്ടിൽ സുരക്ഷിതമായി ഇരുന്ന് ടി.വിയിൽ സമ്മേളനം കണ്ടാൽ മതിയെന്നും വിജയ് അഭ്യർഥിച്ചിട്ടുണ്ട്. സമ്മേളനത്തിനെത്തുന്നവർ മദ്യപിക്കരുത്, വനിതകൾക്ക് സുരക്ഷയും മതിയായ സൗകര്യങ്ങളും ഒരുക്കണം, ഇരുചക്രവാഹനങ്ങളിലെത്തുന്നവർ ബൈക്ക് സ്റ്റണ്ട് നടത്തരുത് തുടങ്ങിയ നിർദേശങ്ങളുമുണ്ട്.