കുലത്തൊഴിൽ തുടരാൻ ‘വിശ്വകർമ യോജന’

ന്യൂ​ഡ​ൽ​ഹി: കു​ല​ത്തൊ​ഴി​ലു​കാ​രാ​യ മ​റ്റു പി​ന്നാ​ക്ക ജാ​തി​ക്കാ​ർ​ക്കു​ള്ള (ഒ.​ബി.​സി) 13,000 കോ​ടി​യു​ടെ ‘പി.​എം വി​ശ്വ​ക​ർ​മ യോ​ജ​ന’​ക്ക് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന സാ​മ്പ​ത്തി​ക കാ​ര്യ​ങ്ങ​ള്‍ക്കു​ള്ള മ​ന്ത്രി​സ​ഭ സ​മി​തി അം​ഗീ​കാ​രം ന​ല്‍കി. പ​ര​മ്പ​രാ​ഗ​ത കൈ​ത്തൊ​ഴി​ലും ക​ര​കൗ​ശ​ല ജോ​ലി​യും തു​ട​രു​ന്ന​വ​ർ​ക്ക് അ​ത​ത് മേ​ഖ​ല​ക​ളി​ൽ നൈ​പു​ണ്യ വി​ക​സ​ന പ​രി​ശീ​ല​ന​വും സം​രം​ഭ​ക​ത്വ വാ​യ്പ​യും ല​ഭ്യ​മാ​ക്കു​ന്ന​താ​ണ് പ​ദ്ധ​തി. സ്വ​ന്തം സം​രം​ഭ​ത്തി​നാ​യി ആ​ദ്യ​ഘ​ട്ട​ത്തി​ൽ ഒ​രു ല​ക്ഷം രൂ​പ​യും ര​ണ്ടാം ഘ​ട്ട​ത്തി​ൽ ര​ണ്ടു​ല​ക്ഷം രൂ​പ​യും അ​ഞ്ചു​ശ​ത​മാ​നം പ​ലി​ശ നി​ര​ക്കി​ൽ വാ​യ്പ​യാ​യി ന​ൽ​കും. വി​ശ്വ​ക​ർ​മ ജ​യ​ന്തി ദി​ന​മാ​യ സെ​പ്റ്റം​ബ​ർ 17ന് ​പ​ദ്ധ​തി​ക്ക് തു​ട​ക്കം​കു​റി​ക്കും.

77ാം സ്വാ​ത​ന്ത്ര്യ ദി​ന​ത്തി​ൽ ചെ​​​ങ്കോ​ട്ട​യി​ലാ​ണ് പ്ര​ധാ​ന​മ​ന്ത്രി പ​ദ്ധ​തി പ്ര​ഖ്യാ​പി​ച്ച​ത്. ആ​ദ്യ​ഘ​ട്ട​ത്തി​ൽ 18 കു​ല​ത്തൊ​ഴി​ലു​കാ​ർ​ക്കാ​യി​രി​ക്കും പ​ങ്കാ​ളി​ത്തം ല​ഭി​ക്കു​ക​യെ​ന്ന് കേ​ന്ദ്ര മ​ന്ത്രി അ​ശ്വി​നി വൈ​ഷ്ണ​വ് വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

വി​ശ്വ​ക​ർ​മ​രു​ടേ​തി​ന് സ​മാ​ന​മാ​യ പ​ര​മ്പ​രാ​ഗ​ത തൊ​ഴി​ലി​ലേ​ർ​പ്പെ​ട്ട മു​സ്‍ലിം​ക​ളി​ലെ പ​സ്മാ​ന്ത വി​ഭാ​ഗ​ക്കാ​ർ​ക്ക് പ​ദ്ധ​തി​യി​ൽ പ​ങ്കാ​ളി​ത്ത​മു​ണ്ടാ​കു​മോ എ​ന്ന ചോ​ദ്യ​ത്തി​ന് കു​ല​ത്തൊ​ഴി​ലു​ള്ള ഒ.​ബി.​സി വി​ഭാ​ഗ​ക്കാ​ർ​ക്ക് മ​ത​ഭേ​ദ​മി​ല്ലാ​തെ അ​വ​സ​രം ല​ഭി​ക്കു​മെ​ന്ന് മ​ന്ത്രി മ​റു​പ​ടി ന​ൽ​കി. കേ​ര​ള​ത്തി​ലെ വി​ശ്വ​ക​ര്‍മ വി​ഭാ​ഗ​ങ്ങ​ളാ​യ കൊ​ല്ല​ന്‍, ആ​ശാ​രി, മൂ​ശാ​രി, ശി​ല്‍പി, ത​ട്ടാ​ന്‍ തു​ട​ങ്ങി​യ​വ​ർ​ക്ക് പ​ദ്ധ​തി​യി​ൽ ചേ​രാം.

പ​ര​മ്പ​രാ​ഗ​ത കൈ​ത്തൊ​ഴി​ലി​ലും ക​ര​കൗ​ശ​ല വേ​ല​ക​ളി​ലും ഗു​രു-​ശി​ഷ്യ പാ​ര​മ്പ​ര്യ​വും കു​ടും​ബ പാ​ര​മ്പ​ര്യ​വു​മു​ള്ള​വ​രു​ടെ വൈ​ദ​ഗ്ധ്യം ശ​ക്തി​പ്പെ​ടു​ത്ത​ലും പ​രി​പോ​ഷി​പ്പി​ക്ക​ലു​മാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​തെ​ന്ന് മ​ന്ത്രി പ​റ​ഞ്ഞു. ‘പി.​എം വി​ശ്വ​ക​ർ​മ’​യു​ടെ ആ​ദ്യ​ഘ​ട്ട​ത്തി​ല്‍ കേ​ന്ദ്ര സ​ർ​ക്കാ​ർ ഉ​ൾ​പ്പെ​ടു​ത്തി​യ 18 കു​ല​ത്തൊ​ഴി​ലു​ക​ൾ ഇ​വ​യാ​ണ്. (1) ആ​ശാ​രി (2) വ​ള്ളം നി​ര്‍മാ​ണ​ക്കാ​ർ (3) ക​വ​ച നി​ര്‍മാ​ണ​ക്കാ​ർ (4) കൊ​ല്ല​പ്പ​ണി​ക്കാ​ർ (5) പ​ണി​യാ​യു​ധ​ങ്ങ​ളു​ണ്ടാ​ക്കു​ന്ന​വ​ർ (6) താ​ഴ് നി​ര്‍മാ​ണ​ക്കാ​ർ (7) സ്വ​ര്‍ണ​പ്പ​ണി​ക്കാ​ർ (8) കു​ശ​വ​ന്മാ​ര്‍ (9) ശി​ല്‍പി​ക​ൾ, കൊ​ത്തു​പ​ണി​ക്കാ​ര്‍, ക​ല്ലു​പൊ​ട്ടി​ക്കു​ന്ന​വ​ര്‍ (10) ചെ​രു​പ്പു​കു​ത്തി​ക​ൾ /പാ​ദ​ര​ക്ഷ നി​ർ​മാ​ണ​ക്കാ​ർ (11) ക​ല്ലാ​ശാ​രി (പ​ട​വു​കാ​രും തേ​പ്പു​കാ​രും) (12) കൊ​ട്ട/​പാ​യ/​ചൂ​ല് നി​ര്‍മാ​ണ​ക്കാ​ർ/​ക​യ​ര്‍ നെ​യ്ത്തു​കാ​ർ (13) പ​ര​മ്പ​രാ​ഗ​ത പാ​വ-​ക​ളി​പ്പാ​ട്ട നി​ര്‍മാ​ണ​ക്കാ​ർ (14) ക്ഷു​ര​ക​ന്മാ​ർ (15) മാ​ല കോ​ർ​ക്കു​ന്ന​വ​ർ (16) അ​ല​ക്കു​കാ​ര്‍ (17) ത​യ്യ​ല്‍ക്കാ​ര്‍ (18) മ​ത്സ്യ​ബ​ന്ധ​ന വ​ല നി​ര്‍മി​ക്കു​ന്ന​വ​ർ.

30 ല​ക്ഷം പേ​ർ​ക്ക് പ്ര​യോ​ജ​ന​പ്പെ​ടു​ന്ന പ​ദ്ധ​തി​യി​ൽ ആ​ദ്യ​വ​ർ​ഷം അ​ഞ്ചു​​ല​ക്ഷം പേ​ർ ചേ​രു​മെ​ന്നാ​ണ് ക​രു​തു​ന്ന​തെ​ന്നും ഒ​രു കു​ടും​ബ​ത്തി​ൽ​നി​ന്ന് ഒ​രാ​ൾ​ക്കാ​ണ് അ​വ​സ​ര​മെ​ന്നും മ​ന്ത്രി തു​ട​ർ​ന്നു. പ​ര​മ്പ​രാ​ഗ​ത ക​ര​കൗ​ശ​ല വി​ദ്യ​യി​ലും കൈ​ത്തൊ​ഴി​ലി​ലും വൈ​ദ​ഗ്ധ്യ​മു​ള്ള​വ​ർ​ക്ക് പ്ര​ധാ​ന​മ​ന്ത്രി​യു​ടെ വി​ശ്വ​ക​ർ​മ സ​ർ​ട്ടി​ഫി​ക്ക​റ്റും തി​രി​ച്ച​റി​യ​ൽ കാ​ർ​ഡും ന​ൽ​കും. ‘ബേ​സി​ക്, അ​ഡ്വാ​ൻ​സ്ഡ്’ എ​ന്നി​ങ്ങ​നെ നൈ​പു​ണ്യ വി​ക​സ​ന പ​രി​പാ​ടി​ക​ളു​മു​ണ്ടാ​കും. പ​രി​ശീ​ല​ന വേ​ള​യി​ൽ 500 രൂ​പ പ്ര​തി​ദി​നം സ്​​റ്റൈ​പ്പ​ന്റ് ല​ഭി​ക്കും. പ​ണി​യു​പ​ക​ര​ണ​ങ്ങ​ൾ​ക്കാ​യി 15,000 രൂ​പ​യും ന​ൽ​കും. ഉ​ൽ​പ​ന്ന​ങ്ങ​ൾ​ക്ക് വി​പ​ണി പി​ടി​ക്കാ​ൻ ബ്രാ​ൻ​ഡി​ങ്, കാ​മ്പ​യി​ൻ എ​ന്നി​വ​ക്ക് സ​ർ​ക്കാ​ർ പി​ന്തു​ണ​യു​ണ്ടാ​കു​മെ​ന്നും മ​ന്ത്രി അ​റി​യി​ച്ചു.