ഹരിയാനയിൽ വോട്ടെടുപ്പ് തുടങ്ങി; ഹാട്രിക് അടിക്കാൻ ബി.ജെ.പി, തിരിച്ചുപിടിക്കാൻ കോൺഗ്രസ്

ചണ്ഡിഗഢ്: ഹരിയാന നിയമസഭ തെരഞ്ഞെടുപ്പിന്‍റെ വോട്ടെടുപ്പ് തുടങ്ങി. 20,632 ബൂത്തുകളിലാണ് വോട്ടെടുപ്പ് നടക്കുന്നത്. തെരഞ്ഞെടുപ്പിൽ 2.03 കോടി വോട്ടർമാരാണ് സമ്മതിദാനവകാശം വിനിയോഗിക്കുന്നത്.

90 അംഗ നിയമസഭയിലേക്ക് 101 വനിതകൾ ഉൾപ്പെടെ 1031 സ്ഥാനാർഥികളാണ് മത്സര രംഗത്തുള്ളത്. ഇവരിൽ 464 പേർ സ്വതന്ത്രരാണ്. വോട്ടർമാരിൽ 5.25 ലക്ഷം പേർ 18നും 19നും ഇടയിൽ പ്രായമുള്ളവരാണ്. 2.31 ലക്ഷം വോട്ടർമാർ 85 വയസ്സിന് മുകളിലുള്ളവരും.

2014ൽ ​കോ​ൺ​ഗ്ര​സി​ൽ നി​ന്നും സം​സ്ഥാ​നം പി​ടി​ച്ചെ​ടു​ത്ത ബി.​ജെ.​പി 2019ലും ​ഭ​ര​ണം നി​ല​നി​ർ​ത്തി. ഹാട്രിക് വിജയമെന്ന ലക്ഷ്യത്തോടെയാണ് ബി.ജെ.പി ജനവിധി തേടുന്നത്. ഏറെക്കാലം അധികാരത്തിന് പുറത്തുനിന്ന കോൺഗ്രസ് തിരിച്ചുവരവാണ് ആഗ്രഹിക്കുന്നത്. ആം ആദ്മി പാർട്ടി, ഐ.എൻ.എൽ.ഡി-ബി.എസ്.പി സഖ്യം, ജനനായക് ജനത പാർട്ടി, ആസാദ് സമാജ് പാർട്ടി എന്നിവയും മത്സരരംഗത്തുണ്ട്. ഒക്ടോബർ എട്ടിനാണ് വോട്ടെണ്ണൽ.

പാ​ർ​ട്ടി​യി​ലെ ആ​ഭ്യ​ന്ത​ര ക​ല​ഹ​മാ​ണ് 2019ൽ ​കോ​ൺ​ഗ്ര​സി​ന് തി​രി​ച്ച​ടി​യാ​യ​ത്. മു​ൻ മു​ഖ്യ​മ​ന്ത്രി ഭൂ​പീ​ന്ദ​ർ സി​ങ് ഹൂ​ഡ ഇ​ക്കു​റി​യും കോൺഗ്രസ് സ്ഥാ​നാ​ർ​ഥി നി​ർ​ണ​യ​ത്തി​ൽ മുൻതൂക്കം നേടിയിട്ടുണ്ട്. ഇ​തി​നെ​തി​രെ രംഗത്തുവന്ന കു​മാ​രി ​​ഷെ​ൽ​ജ, ര​ൺ​ദീ​പ് സി​ങ് സു​ർ​ജെ​വാ​ല എ​ന്നീ നേ​താ​ക്ക​ൾ ഹൈ​ക​മാ​ൻ​ഡ് ഇ​ട​പെ​ട​ലി​നെ തു​ട​ർ​ന്ന് എ​തി​ർ​പ്പ് പ​ര​സ്യ​മാ​ക്കി​യി​ട്ടി​ല്ല.