വൈ.എസ്​.ആർ കോൺഗ്രസിന്​ വോട്ടു ചെയ്യുന്നത്​ മരണ വാറൻറ്​ എഴുതുന്നതിനു സമം -നായിഡു

വിശാഖപ്പട്ടണം: വൈ.എസ്​.ആർ കോൺഗ്രസിനെ രൂക്ഷമായി വിമർശിച്ച്​ ആന്ധ്രപ്രദേശ്​ മുഖ്യമന്ത്രിയും തെലുഗു ദേശം പാർട ്ടി അധ്യക്ഷനുമായ ചന്ദ്ര ബാബു നായിഡു. വൈ.എസ്​.ആർ കോൺഗ്രസിന്​ വോട്ടു ചെയ്യുന്നത്​ സ്വന്തം മരണ വാറൻറ്​ എഴുതുന്ന തു പോലെയാണെന്ന്​ ചന്ദ്രബാബു നായിഡു പറഞ്ഞു. വിശാഖപ്പട്ടണത്ത്​ നടന്ന തെരഞ്ഞെടുപ്പ്​ റാലിയിലാണ്​ നായിഡുവിൻറെ പരിഹാസം.

നിയമസഭാ തെരഞ്ഞെടുപ്പും ലോക്​ സഭാ തെരഞ്ഞെടുപ്പും ഒന്നിച്ച്​ നേരിടുകയാണ്​ സംസ്​ഥാനം. വൈ.എസ്​.ആർ കോൺഗ്രസ്​ അധ്യക്ഷൻ ജഗൻ മോഹൻ റെഡ്​ഢി പൊതു ജനങ്ങളു​ടെ ഫണ്ട്​ കൊള്ളയടിക്കുകയാണ്​. ടി.ഡി.പിക്ക്​ വോട്ടുചെയ്യുന്നത്​ ജനങ്ങളുടെ വിജയമാണ്​.

എന്നാൽ വൈ.എസ്​.ആർ കോൺഗ്രസിന്​ വോട്ടുചെയ്യുന്നത്​ സ്വന്തം മരണ വാറൻറ്​ എഴുതുന്നതുപോലെയാണ്​. ലോക്​സഭാ തെരഞ്ഞെടുപ്പാണ്​ സംസ്​ഥാനത്തിൻറെ ഭാവി നിശ്​ചയിക്കുന്നത്​. ജനങ്ങൾ നല്ല ഭാവിക്കും വികസനത്തിനും വേണ്ടി ടി.ഡി.പിക്ക്​ വോട്ട്​ ചെയ്യണം - നായിഡു പറഞ്ഞു.

ജഗൻ മോഹൻ റെഡ്​ഢി പിതാവും മുൻ മുഖ്യമന്ത്രിയുമായ ​ വൈ.എസ്​ രാജശേഖര റെഡ്​ഢിയുടെ പേരും അധികാരവും ദുരുപയോഗം ചെയ്യുകയാണെന്നും നായിഡു ആരോപിച്ചു.