ജയിലിലെ പ്രത്യേക പരിഗണന: കൊലക്കേസ് പ്രതിയായ നടൻ ദർശനെ ബെല്ലാരി ജയിലിലേക്ക് മാറ്റും

ബംഗളൂരു: കൊലക്കേസ് പ്രതിയായ കന്നഡ നടൻ ദർശനെ ബെല്ലാരി ജയിലിലേക്ക് മാറ്റും. പരപ്പന അഗ്രഹാര സെൻട്രൽ ജയിലിൽ കഴിയുന്ന നടന് വി.വി.ഐ.പി പരിഗണന ലഭിക്കുന്നതിന്റെ തെളിവുകൾ കഴിഞ്ഞ ദിവസം പുറത്തുവരുകയും വിവാദമാകുകയും ചെയ്ത പശ്ചാത്തലത്തിൽ ബംഗളൂരു പൊലീസിന്റെ അപേക്ഷപ്രകാരമാണ് ജയിൽ മാറ്റത്തിനുള്ള നീക്കം.

പൂന്തോട്ടം പോലെ തോന്നിക്കുന്ന സ്ഥലത്ത് മാനേജർക്കും മറ്റുചിലർക്കുമൊപ്പം കസേരയിൽ ഇരുന്ന് സിഗരറ്റ് വലിക്കുന്നതിന്റെയും കപ്പിൽ എന്തോ കുടിക്കുന്നതിന്റെയുമെല്ലാം ചിത്രങ്ങൾ സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു. സംഭവത്തിൽ ജയിൽ സൂപ്രണ്ടിനെ സ്ഥലം മാറ്റുകയും ഏഴ് ഉദ്യോഗസ്ഥരെ സസ്​പെൻഡ് ചെയ്യുകയും ചെയ്തിരുന്നു. നടനും കൂട്ടാളികൾക്കുമെതിരെ പ്രത്യേക കേസെടുക്കുകയും ചെയ്തിട്ടുണ്ട്. ഇതിന് പിന്നാലെയാണ് ജയിൽ മാറ്റത്തിനുള്ള നീക്കം.

ജയിലിൽ വീ​ട്ടി​ൽ​നി​ന്നു​ള്ള ഭ​ക്ഷ​ണ​വും വ​സ്ത്ര​വും കി​ട​ക്ക​യും ആ​വ​ശ്യ​പ്പെ​ട്ട് നേരത്തെ ദ​ർ​ശ​ൻ ന​ൽ​കി​യ ഹ​ര​ജി ബം​ഗ​ളൂ​രു 24ാം എ.​സി.​എം.​എം കോ​ട​തി ത​ള്ളി​യി​രു​ന്നു. കൊ​ല​ക്കേ​സ് പ്ര​തി​ക്ക് ഇ​വ അ​നു​വ​ദി​ക്കാ​നാ​വി​ല്ലെ​ന്നാ​യി​രു​ന്നു കോ​ട​തി പ​റ​ഞ്ഞ​ത്. ഈ ആവശ്യം ഉന്നയിച്ച് ആ​ദ്യം ഹൈ​കോ​ട​തി​യെയാണ്​ സ​മീ​പി​ച്ചത്. ഹൈ​കോ​ട​തി നി​ർ​ദേ​ശ​പ്ര​കാ​ര​മാ​യി​രു​ന്നു എ.​സി.​എം.​എം കോ​ട​തി​യി​ൽ അ​പേ​ക്ഷ ന​ൽ​കി​യ​ത്. ഹൈകോടതിയിൽ നൽകിയ അപേക്ഷ പിന്നീട് പിൻവലിക്കുകയും ചെയ്തിരുന്നു.

തന്‍റെ ആരാധകനായ ചി​ത്ര​ദു​ർ​ഗ സ്വ​ദേ​ശി രേ​ണു​കസ്വാ​മി​യെ തട്ടിക്കൊണ്ടുവന്ന് ക്രൂരമായി മർദിച്ച് കൊ​ല​പ്പെ​ടു​ത്തിയ ശേഷം കാ​മാ​ക്ഷി​പാ​ള​യി​ലെ മ​ലി​ന​ജ​ല ക​നാ​ലി​ൽ ത​ള്ളി​യെ​ന്ന കേ​സിൽ ജൂൺ 11നാണ് ദർശൻ അറസ്റ്റിലായത്. മൃതദേഹം നായകൾ കടിച്ചുവലിക്കുന്നത് സ്വകാര്യ അപ്പാർട്ട്മെന്റിലെ സുരക്ഷ ജീവനക്കാർ കണ്ടതോടെയാണ് സംഭവം പുറത്തറിഞ്ഞത്. ദ​ർ​ശ​ന്‍റെ സു​ഹൃ​ത്തും ന​ടി​യു​മാ​യ പ​വി​ത്ര ഗൗ​ഡക്കെതിരെ ​സമൂഹ മാധ്യമങ്ങളിൽ പ്രതികരിച്ചതിനായിരുന്നു കൊലപാതകം. കേസിൽ ദർശനും പവിത്രയും അടക്കം 17 പ്ര​തി​ക​ളാണുള്ളത്.

ദ​ർ​ശ​നി​ൽ​നി​ന്ന് 83.65 ല​ക്ഷം രൂ​പ പി​ടി​​ച്ചെ​ടു​ത്ത​താ​യും കൊ​ല​പാ​ത​ക​ത്തി​ന് ശേ​ഷം പ​ല പേ​രി​ൽ പ​ല സിം ​കാ​ർ​ഡു​ക​ൾ ഉ​പ​യോ​ഗി​ച്ച​താ​യി ക​ണ്ടെ​ത്തി​യെ​ന്നും അന്വേഷണ സംഘം കോ​ട​തി​യെ അ​റി​യി​ച്ചിരുന്നു. രേ​ണു​കസ്വാ​മി​യെ ചെ​രി​പ്പൂ​രി അ​ടി​ച്ച​തു മു​ത​ൽ ഗൂ​ഢാ​ലോ​ച​ന​യി​ലും കൊ​ലപാതകത്തിലും​വ​രെ ന​ടി​ പ​വി​ത്ര ഗൗഡക്ക് നേ​രി​ട്ട് പ​ങ്കു​ണ്ടെ​ന്നാണ് പൊ​ലീ​സി​ന്‍റെ കണ്ടെത്തൽ. കേസിന്റെ നടപടികൾ അന്തിമ ഘട്ടത്തിലാണെന്ന് ആഗസ്റ്റ് 16ന് ബംഗളൂരു പൊലീസ് കമീഷണർ അറിയിച്ചിരുന്നു.