ഉത്തരാഖണ്ഡിൽ ബാഹുബലിയായി ഹരീഷ്​ റാവത്ത്​​ video

ഡെറാഡൂണ്‍: ബാഹുബലിയായി ഉത്തരാഖണ്ഡി​​െൻറ രക്ഷകനാവുന്ന കോൺഗ്രസ്​ നേതാവ്​ ഹരീഷ് റാവത്തി​​െൻറ വീഡിയോ നവമാധ്യമങ്ങളിൽ പ്രചരിക്കുന്നു. 'സേവ്യര്‍ ഓഫ് ഉത്തരാഖണ്ഡ് ഹരീഷ് റാവത്ത്' എന്ന തലക്കെട്ടിൽ തുടങ്ങുന്ന വിഡിയോയിൽ ആദ്യം സംസ്​ഥാനത്തെ മലനിരകളുടെയും ക്ഷേത്രങ്ങളുടെയും ചിത്രങ്ങള്‍ വന്ന്​ പോയതിന്​ ശേഷം  ഹരീഷ്​ റാവത്തായി രൂപമാറ്റം വരുത്തിയ ബാഹുബലി ശിവലിംഗത്തിന്​ പകരം ഉത്തരാഖണ്ഡി​​​നെ​ എടുത്തുയർത്തുന്നു.

പ്രധാനമന്ത്രി നരേന്ദ്ര മോദിയും ബി.ജെ.പി ദേശീയ അധ്യക്ഷൻ അമിത് ഷായും വീഡിയോയിലുണ്ട്. അതേസമയം വിഡിയോ കോണ്‍ഗ്രസ് തയ്യാറാക്കിയതല്ല. ഉത്തരാഖണ്ഡിലെ കോണ്‍ഗ്രസിന്റെ മുഖ്യമന്ത്രി സ്ഥാനാര്‍ഥിയാണ് ഹരീഷ് റാവത്ത്. 71 അംഗ നിയമസഭയിലേക്ക് ഫെബ്രുവരി 15നാണ് തിരഞ്ഞെടുപ്പ് നടക്കുന്നത്.