ഇ. അഹമ്മദി​െൻറ മരണം: പാർല​മെൻററി കമ്മിറ്റി അന്വേഷിക്കണം –കോൺഗ്രസ്​

ന്യൂഡല്‍ഹി:  മുന്‍ വിദേശകാര്യ സഹമന്ത്രി ഇ.അഹമ്മദ് എംപിയുടെ മരണം സംബന്ധിച്ച സത്യം സർക്കാർ വെളിപ്പെടുത്തണമെന്നും ഇതിനെക്കുറിച്ച്​ പ്രത്യേക സമിതി രൂപീകരിച്ച് അന്വേഷിക്കണമെന്നും കോൺഗ്രസ്​ പാർല​െമൻററി പാർട്ടി  നേതാവ്​ മല്ലികാർജുൻ ഖാർഗെ ആവശ്യപ്പെട്ടു. മരണ വിവരം ​കേന്ദ്രസർക്കാർ മറച്ചുവെച്ചതിൽ പ്രതിപക്ഷ പ്രതിഷേധത്തെ തുടർന്ന്​ സഭ പിരിഞ്ഞതിന്​ ശേഷം മാധ്യമങ്ങളോട്​  സംസാരിക്കുകയായിരുന്നു അദ്ദേഹം​ ​.

അഹമ്മദിനോട്​ കാണിച്ച അനാദരവ്​ പാർലമ​െൻറിൽ ചർച്ചചെയ്യണമെന്നും​ ഖാർഗെ പറഞ്ഞു. വിഷയത്തില്‍ സര്‍ക്കാര്‍ പ്രസ്താവന നടത്തണം. മനുഷ്യത്വരഹിതമായ നടപടിയാണ്​ കേന്ദ്രസർക്കാറി​േൻറത്.​ ബജറ്റ്​ അവതരണത്തിനായാണ്​ ആശുപത്രിയിൽ പ്രവേശിപ്പിച്ചതിന്​ ശേഷം വിവരങ്ങൾ മറച്ചുവെച്ചതെന്നും അദ്ദേഹം ആരോപിച്ചു.

വിഷയം സഭയിൽ ഉന്നയിക്കാതിരിക്കാൻ  സർക്കാർ ശ്രമിച്ചെന്ന്​ കേരളത്തിൽ നിന്നുള്ള എം.പിമാരും വാർത്താ സമ്മേളനത്തിൽ ആരോപിച്ചു. തിങ്കളാഴ്​ച വീണ്ടും സഭചേരു​േമ്പാൾ വിഷയം വീണ്ടും ഉന്നയിക്കുമെന്നും എം.പിമാർ പറഞ്ഞു.