'ഞങ്ങൾ നിസഹായരാണ്, മനസ്​ തകരുന്നു'; കോവിഡ്​ വ്യാപനത്തിന്‍റെ തീവ്രത വിവരിച്ച്​ ഡോക്​ടർ -വിഡിയോ

മുംബൈ: രാജ്യത്ത്​ കോവിഡ്​ വ്യാപനം അതിരൂക്ഷമായി തുടരുകയാണ്​. പ്രതിദിനം രണ്ടരലക്ഷത്തോളം പേർക്കാണ്​ പുതുതായി രോഗം സ്​ഥിരീകരിക്കുന്നത്​. മരണനിരക്കും കുത്തനെ ഉയർന്നു. പ്രായഭേദമന്യേയാണ്​ ജനിതകമാറ്റം സംഭവിച്ച കൊറോണ വൈറസ്​ ആരോഗ്യനില വഷളാക്കുന്നത്​. രോഗികളുടെ എണ്ണം കുതിക്കുന്നതോടെ മാനസിക-ആരോഗ്യ സമ്മർദത്തിലാകുന്നതാക​ട്ടെ മുൻനിര പോരാളികളും​.

അത്തരത്തിൽ മുൻനിരപോരാളിയായ മുംബൈയിലെ ഡോക്​ടറായ തൃപ്​തി ഗിലാഡയുടെ ഒരു ഇൻസ്റ്റഗ്രാം വിഡിയോയാണ്​ ഇപ്പോൾ സമൂഹമാധ്യമങ്ങളിൽ തരംഗം. കോവിഡ്​ ബാധിച്ച്​ ജനങ്ങൾ മരിച്ചുവീഴുന്നതു കാണ​ു​േമ്പാൾ നിസഹായരായി നോക്കിനിൽക്കേണ്ട അവസ്​ഥ വിവരിക്കുകയാണ്​​ ഡോക്​ടർ. അഞ്ചുമിനിറ്റ് മാത്രമാണ്​ വിഡിയോയുടെ ദൈർഘ്യം.

'ഞങ്ങൾ നിസഹായരാണ്​. മു​െമ്പാരിക്കലും ഇത്തരമൊരു സാഹചര്യം നേരിട്ടിട്ടില്ല. ജനങ്ങൾ പരിഭ്രാന്തരാണ്​' -എന്നു തുടങ്ങുന്നതാണ്​ ഡോക്​ടറുടെ സന്ദേശം.

'മറ്റുള്ള ഡോക്​ടർമാരെപ്പോലെ ഞാനും അസ്വസ്​ഥയാണ്​. എന്താണ്​ ചെയ്യേണ്ടതെന്ന്​ അറിയില്ല. മനസ്​ തകരുന്നു. എന്നെ വിഷമിപ്പിക്കുന്നതെന്താണെന്ന്​ ഞാൻ നിങ്ങളോട്​ പറഞ്ഞാൽ ഒരുപക്ഷേ മനസിലാക്കാൻ സാധിച്ചേക്കും. ​അത് കുറച്ച്​ ആശ്വാസമാകും' -തൃപ്​തി ഗിലാഡ പറയുന്നു. നിലവിലെ സാഹചര്യം ഒഴിവാക്കണമെങ്കിൽ ജനങ്ങൾ മൂന്നുകാര്യങ്ങൾ പാലിക്കണമെന്ന്​ ഡോക്​ടർ അഭ്യർഥിച്ചു.

'ആദ്യം സു​രക്ഷിതമായി തുടരൂ. ചിലപ്പോൾ നിങ്ങൾക്ക്​ കോവിഡ്​ സ്​ഥിരീകരിച്ചിട്ടില്ലായിരിക്കാം, മറ്റുചിലപ്പോൾ നിങ്ങൾ രോഗമുക്തി നേടിയിരിക്കാം. എങ്കിലും നിങ്ങളൊരു സൂപ്പർ ഹീറോ ആണെന്ന്​ ചിന്തിക്കുകയോ നിങ്ങളിൽ പ്രതിരോധ ശേഷിയുണ്ടെന്ന്​ വിചാരിക്കുകയോ ചെയ്യരുത്​. നിങ്ങൾ തെറ്റായിരിക്കാം. നിരവധി ചെറുപ്പക്കാർ​ കോവിഡ്​ ബാധിച്ച്​ എത്താറുണ്ട്​. പക്ഷേ അവരെ സഹായിക്കാൻ ഞങ്ങൾക്ക്​ കഴിയാറില്ല. ​

കോവിഡ്​ എല്ലായിടത്തുമുണ്ട്​. നിങ്ങൾ എന്തുകാരണത്താലും വീടുവിട്ടിറങ്ങിയാലും നിർബന്ധമായും മാസ്​ക്​ ധരിക്കണം. നിങ്ങൾ എവിടെയാണ്​ പോകുന്നതെന്നതിന്​ പ്രസക്തിയില്ല. പക്ഷേ മാസ്​ക്​ ധരിക്കണം. മൂക്ക്​ പൂർണമായും മൂടിയിട്ടുണ്ടെന്ന്​ ഉറപ്പുവരുത്തണം.

അസുഖബാധിതനാണെന്ന്​ തോന്നിയാൽ, ഭയപ്പെടാതെ ആശുപത്രിയിൽ പ്രവേശനം നേടാൻ ശ്രമിക്കുക. ചിലപ്പോൾ ആശുപത്രികളിൽ സ്​ഥലമുണ്ടാകില്ല. അത്യാസന്ന നിലയ​ിലെത്തുന്ന രോഗികൾക്കായി ചില കിടക്കകൾ മാ​ത്രമേയുണ്ടാകൂ. അതിനാൽ ആദ്യം സ്വയം നിരീക്ഷണത്തിൽ പോകണം. പിന്നീട്​ ഡോക്​ടറുമായി ബന്ധപ്പെടണം. അപ്പോൾ നമുക്ക്​ തീരുമാനിക്കാം' - വിതുമ്പിക്കൊണ്ട്​ ​േഡാക്​ടർ പറയുന്നു.

രാജ്യത്ത് വിവിധ സംസ്​ഥാനങ്ങളിൽ ആശുപത്രികൾ രോഗികളെ​െക്കാണ്ട്​ നിറഞ്ഞു. ഓക്​സിജൻ ക്ഷാമം രൂക്ഷമായി നേരിടുന്നത്​ മരണനിരക്ക്​ ഉയരാനും ഇടയാക്കുന്നുണ്ട്​. ഇന്ത്യയിൽ മണിക്കൂറിൽ 10,000 പേർക്ക്​ പുതുതായി രോഗം ബാധിക്കുകയും 60 മരണം സംഭവിക്കുകയും ചെയ്യുന്നു​​​െണ്ടന്നാണ്​ ആരോഗ്യമന്ത്രാലയത്തിന്‍റെ കണക്കുകൾ സൂചിപ്പിക്കുന്നത്​. ​